الســــــــــلام عليكم

اتمنا تعجبكم اشعاري الذي اكتبها في المنتدي الغــالي هـــذا :)




شاب متهور تعرض إلى حادث وكان معه أمه فتوفيت وبقي هو علي قيد الحياه وكتب هذه القصيده






يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني




أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه

القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ...

ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله .



وتقبلووووووووو مني خـــــــــالص الشكررر والتقديررر

اخوكم : سفــــــــــير^^ الحزن

تسلم يا سفير ^^الحزن على الابيات

بصراحه كلامك لي كتبته اخر المقال والله إنه أفضل من القصيده والله يعطيك العافيه .



ليش تسافر بالحزن لو تسافر بالافراح ما أفضل

دعابه ههههههههه لاتزعل :D :D :D

أخوك فتي جعلان

يعطيك العافيه اخوي ع القصيده الجميله

اسميه اسمك على قصيدتك الي كتبتها صدق انك سفير الاحزان
مشكوووووووووووور قصيده تعلمنا العبره

اه اه اه

منك اخوووووووووي كلمات حزينه بلفعل

سفير الاحزان اترك احزانك وابحث عن السعاده فانها موجوده امامك والله موجوووووووده امامك

مشكووووووووووووور اخوووووووووي

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


قصيدة حزيــــــــــــــــــــــــنه وااااااايــــــــــــــــد..أبكتني..

الله يهدي الجميع ان شاء الله..

ومشكـــــــــور أخوي عالقصيدة الرائعة ..والى الأمام دائما...

شــــــــــاكرلكم كل الشكررر والتقـــــــــدير علي هالمرور الكريم

وعلي هالرد الجميل والرائع واتمنا ان جميع ابياتي تعجبكم

واكرر شكري لكم

وتقبلي خــــــالص تحياتي


اخوكم: سفير^^الحزن