يا صمودي كلّ ما هـبت من الـماضي هـبوب= يا وجودي كلّ ما صار الهوى مثل السراب
لملمي باقي غـرامٍ ... في خـيالاتي يـجـوب=واتركيني بس أفكّر وش سبب طول الغياب
أحرق أنفاسي بنفسي وأشعـل اهـمومي وأذوب=وانطفي وأبقى وحيدٍ..في(غياهيب العذاب)
واجمع أوراقي واصدق كذبتي واذنب واتوب=واهـدم احلوم مـداها بالهــوى حــدّ السـحاب
ذمّـتي مـنـك بريـّه ... مانـي بـنـاقـص ذنـوب=والخطيّةماتموت ان صار جسمي من تراب
اسـرج خيولي ... ولـكن عـلّتي عـند الركوب=يـاعـذابـي مـن عـنا لـك لا يـخاف ولا يهاب
قمت انادي لك بصوتٍ شاحب ووجهٍ شحوب=وادري انـّّك ما سمعتي وانّ ما عندك جواب
صارت اسهوم التجافي ترتمي من كل صوب=واحـتـمي مـنها بكـفـِّي قـبـل تلـقـيني مصاب
والله انِّـك لـو فتحتي لي عـلى الـنِّـكران بـوب=ما يثـنـِّي خـطـوتي عـنـّك ولا مـلـيـون بـاب
لكن.. ادري بالحقـيـقـه تالي الشمس الغـروب=وتالي الحب الوداع .. وتالي الكذب الخراب
ما كذبتي.. وان كذبتي.. فالغرام اكبر كـذوب=أعرفك وانتي حقيقه..واعشقك واثرك سراب
ريِّحيني واستريحي واستري بعـض العـيـوب=وارحلي دامك عـزيـزه والزعـل فيني عتاب
وارحـلـي دام الـمـواجع تـوّهـا تـرْفٍ لـعــوب=الـجـهـالـه تفـقـِد الصادق مـكامـين الصواب
انـتي الـلَّـه لايهـيـنـك واصـلي ذيـك الـدروب=امّ انا رجلي تـمادت تمـشي ادروب الصِّعاب
عـزوتي بالحـب قـلـبٍ كـلّ مايخـطي يـتـوب=لـكـن احـسـاسي تعـزوى بالأماني لين خاب
وش بعد حلمي وحلمك من مسرات وكروب=حـبـّـنـا كـنّـه صغـيـرٍ عـذَّبـه وقــتــه وشــاب
انـتـظـرتـك لــيـن فـارق لـذّة الـنـوم الهـدوب=وابتديت اطوي غرامـك صفحة بآخر كـتـاب
والـلـَّه انـك مـاتـلاقي بالـشـمال وبـالـجـنـوب=عاشقٍ يوفي... وخلّه من صنوف الحب تاب
كيف اتوب اليوم منّك..علميني كيف اتوب؟؟=وانـتي بـقـلبي خـطيـّه ما بها ذنـب وحـسـاب
ما بقى لي غير رجـوى عالـمٍ كـل الـغـيـوب=والـتـقي غـيرك حبيبه تجـبر القلب المصاب
اسـعـد الله قـلـبي الـلي كـلّ ماهـبَّـت هـبـوب=قام يصبر دون يدري وش سبب طول الغياب

ارجو ان تكون قد نالت اعجابكم وذوقكم الرفيع...

إلى عينيه قادتني سفيني===وقد جئت إليه بياسميني

أيا وردة يكفيني مرورا==كعطر الورد في وجع الأنينِ

تسامت بالحروف فما أراه.....سهولً رصّعت بالياسميني

أيا أخية الابداع عفوا.....فلن يكفي مديحي فاعذريني ..........

تحياتي ....سفير المودة

واجمع أوراقي واصدق كذبتي واذنب واتوب=واهـدم احلوم مـداها بالهــوى حــدّ السـحاب
ذمّـتي مـنـك بريـّه ... مانـي بـنـاقـص ذنـوب=والخطيّةماتموت ان صار جسمي من تراب


سلمت اناملك

ذمّـتي مـنـك بريـّه ... مانـي بـنـاقـص ذنـوب=والخطيّةماتموت ان صار جسمي من تراب
يعطيك الف الف عافيه

تسلمو حييييييييييل ع هالمرور الطيب واخص بالشكر سفير المودة

ذوققج رفيع يا ورده ... دمتمي بخير