البارت " 15 "..(( الجزء الاول ))..
الحسين: يلا شباب ويا بنات.. ابو سهيل يبي يقول شي..
وغادة تطالع هند احتقار وتسير ..
اما سهيل شاف نظرات غادة الحقيرة وسار جدى هند الي ما رضت تسير عندهم..
سهيل { يهمس لهند ف اذنها }: لا تخافين..
وسار عند الرياييل والحريم..
وهند لحقتهم لين عند الكل.. وهي ترتجف..
ويلست ع الطرف.. وعيونها ممترزه دموع وخايفه من الكلام الي رح يقوله عمها فهد.. وخايفه بدال ماتتم صاخه تنعمي بعد..
ويلست تدعي ف خاطرها انه يارب مايقول عن خطبة حبيبها.. لانه لو صار من صدق رح تروح روحها لانه سهيل روحها..
وغادة طالعتها .. وابتسمت.. لانها تتلذذ بمنظر هند المنكسر..
غاده ف خاطرها:" بتشوفين اكثر..صدقيني.."..
ابو سهيل: يامرحبا بكم.. اليوم حبيت اقولكم شي..انا بصراحه حبيت انه يكون مفآجأه بس قلت دام انه الكل متيمع هني.. جان اقولكم احسن.. المهم.. باختصار.. انا ........
وقاطعته ام ريم بدخولها المفاجئ: الســــــلام عليـــكم..
الكــل: وعليــكم الســـلام..
وريم جان تشوف هند ع حالتها.. وسارت تربع صوبها..
ريم { بخوف }: هند حبيبتي بلاج..؟
هند حظنت ربيعتها من الخاطر..
هند ف خاطرها:" فديتـــــــــــــــــــــج يالريم.. صدق انج توأم روحي.. احس انج تحسين فيني.."..
اما صوب الرياييل.. انسحبو برع بوجود ام ريم..الي انقذت هند من الصدمــه الي هي تتوقعها..مع انه بو سهيل ما حدد شو بيقول.. بس هي تحس انه رح يقول عن الخطبه..
وغاده تطالع ريــم باحتقار..
غاده ف خاطرها:" افففففف انتي ما بغيتي تيين الا الحين..؟ صدق انج رزة.. صدق لي قالو(( رزة الفيس من طباع التيس ))"..
وتأجل الموضوع ليوم ثاني..
وضيفو ام ريم وريم.. وريم تمسكت بهند ولا رضت انها تفجها.. لانها حاسه انه الموضوع فيه إن..
ومر اليوم بسرعه.. وهند ماتبي ريم تسير من عندها.. بس هم لازم يسيرون..
وام ريم تزقر بنتها عسب يسيرون..
ريم: هند حبيبتي هديني.. احنا لازم نسير..
وهند تصيح بصوت واطي.. وتحط ايدها ع حلجها.. وتصيييح وتأشر بإيدها انها لاتروح..
ريم تحظن هند وعيونها ممترزة دموع..
ريم { خانقتها العبره }: هند حبيبتي لا تصيحين عشان خاطري..خلاص حياتي.. لاتصيحين..
ام ريم كسرت خاطرها هند..
ام ريم: اقولج ريم حبيبتي.. اذا تبين تتمين هني تمي حبيبتي.. انا بييب اغراضج من السيارة..
وهند اول ما سمعت الرمسه جان تسير صوب ام ريم.. وتحظنها ..
هند ف خاطرها:" حبيبتــــي خالووه..انتي انقذتيني من اخطر موقفين واجهتم .. والله ماعرف ارد لج الجميل.. فديتج والله انتي وبنتج.."
ام ريم { خانقتها العبره }: خلاص حبيبتي هند.. لاتصيحين تكفين حبيبتي..
وهند هدت خالتها.. ومسحت دموعها.. وابتسمت..
ام ريم { ترد صوتها طبيعي }: عن اذنج .. بسير اييب الاغراض..
وهند ابتسمت لها..
اما صوب الرياييل..
سهيل كانت ماخذه عقله "" هند "".. والاخ كانت محط السماعات ف اذنه ويسمع الحان رومنسيه << الاخ رومنسي..
كان يتذكر شكلها يوم كانت مغمضه عيونها وتغني ويا (( اليازيه ))..
سهيل ف خاطره:" كم بعيش انا.. والله لو هذاك خطبها رح تروح روحي.."
وقطع حبل افكاره.. صوت عمه ..
ابو الحسن : على فكره.. اليوم انا ناوي ابات ف العزبه.. شرايكم تباتون معاي..؟
ابو محمد: بصراحه فكره حلوة.. انا من زمان ما بتت ف العزبه.. ولا شرايك بو سالم..!
ابو سالم: برايكم..
ابو الحسن: شرايك فهد..؟
ابو سهيل: انا ما عندي مانع .. بس مادري عن الحريم اذا زاهبين حق المبات ولا لاء..
ابو محمد: من هالناحيه.. خل بالك مرتاح.. بنخلي واحد او اثنين من الشباب يسيرون يودونهم عسب يزهبون اغراضهم.. هاذا اذا كانو هب زاهبين..
ابو سالم: سالم..
سالم: سم يبا..
ابو سالم: سير صوب الحريم وخبرهم عن هالموضوع..
سالم { ينش }: ان شالله ..
وسار سالم صوب الحريم ودق الباب.. وكانت فطوم عدال الباب.. وزاغت من الدقه المفاجأه..
فطوم { زايغه }: بسم الله .. منوو؟
سالم ف خاطره:" هه .. اكيد هاي الخيله فطوم.. محد خواف الا غيرها ..ما بغيتي الا انتي تكونين عند الباب..؟ افف تملل وايد الله يعين اختي ساره عليها.. ( مع انه يعرف انه خواته مافي حقود اكثر منهم ).. }..
سالم { يخشن صوته }: انا سالم.. فجي الباب..
فطوم فز قلبها.. هي تحب سالم بس تعرف انه هو ما يحبها وهي ما تبين له بس المشكله انه حبها له واضح ف عيونها..
فطوم { تحاول تكون دفشه شرات ربيعاتها.. وتقول كلام ورا بعضه }: نعم.. خير.. شتبي..ما تبي شي..؟ برايك.. << صدق انها خبلووه..
سالم { ضحك غصبن عنه }: هههه خلصيني فجي الباب.. ابي اقول(ج) شي..
عاد هني فطوم الخبله رمت نفسها عليه.. وفجت الباب..
فطوم { ب وله }: لبيه.. في شي..؟
سالم استغرب من طريقه اسلوبها ف الكلام..
سالم ف خاطره:" كل هاذا لاني قلت لج بقولج شي..؟ لهادرجه تحبني..؟ "..
سالم { حب يغايظ فيها }: وين سلامه..؟
فطوم{ بفضول واضح }: سلامه..؟ ( وتجتف ايدها ).. ليش إن شاء الله..؟
سالم: لا بس كنت اسأل عنها.. المهم.. خبري الحريم انهم يزهبون اعمارهن حق المبات هني..
وسار عنها..
فطوم { تتحرطم }: اففف عمره ما بيحس فيني.. { ودشت داخل }..
وسالم سمعها .. وضحك عليها..
وفطوم خبرت الحريم بالموضوع..

بــــــــــــــــــــــــــــــــــــــرب..

البارت" 15".. الجزء الثاني..
ام محمد: انا عن نفسي ما يبت ويايه اغراض..
ام الحسن: وانا بعد..
مرام: وانا بعد..
ام الحسن { حرجت }: لابالله.. دام انه امج قالت ما يابت اكيد انتي بعد..صدق غباء..
مرام { بكل جرأه ( مكس ويا قله ادب ) }: اصلا انا ما رمستج..
عقب ظهرت مرام من الحجرة..
وام الحسن انجبت..
وام محمد جان تتصل ع محمد عسب هو الي ياخذهم ..
ام محمد: السلام عليكم..
محمد { يطالع سهيل }: وعليكم السلام.. هلا والله.. هلا والله بهالصوت الحلو..
ام محمد { مستحيه }: بسك عاد..
محمد يدري انه امه تستحي من هالحركات..وحب انه يقردنها..
محمد: افا كله ولا زعلج.. ما اقدر اعيش وانتي مب راضيه علي..
وسهيل متحرقـــــص.. يبي يعرف يرمس منو..
ام محمد { تغير الموضوع }: المهم.. ابيك توصلنا البيت عسب انييب اغراضنا انا والبنات..
محمد: حــاضر.. تامرين امر.. انتي تفصلين واحنا نلبس.. { ويأشر على عيونه }.. من عيوني هاي قبل هاي..
ام محمد { تحاول تجرأ }: يلا يلا.. فمان الله..
وتبند ف ويهه..
ومحمد يضــحك ع امه.. اذا هو ولدها وتستحي عيل ابوه او غيره شلون رح تسوي..؟
سهيل: بلاك انته.. مخبول..؟
محمد: لا مينون..
سهيل: هاهاهاها ضحكتني..
محمد: شكرا شكرا.. لاداعي..
سهيل: اقولك.. انته كنت ترمس منو..؟
محمد { يطالعه بنص عين }: ما يخصك..
سهيل { ونظرات البراءه ف ويهه }: افااا.. حرام عليك.. انا رفيج دربك..
محمد { ينش }: قوم قوم.. ورانا درب..
سهيل { مستغرب }: وين بتسير..
محمد { يمسك ايد سهيل ويقومه }: لا تقول " بتسير " قول " بنسير "..
سهيل: لاوالله .. ع كيفك بسير وياك..
محمد { بنظرات الغرور }: برايك.. هند بتيي ويانا..
سهيل: هههه لالا امزح وياك.. وي ن ما بتسير بسير وياك.. ريلي ع ريلك..
محمد: ههههههههه صدق انك مصلحجي..
عقب سارو صوب السيارات والحريم بعدهم مايوو..
محمد: بلاهم تأخرو..؟
سهيل : انا بسير اشوفهم..
عقب سار داخل (( جدى الحريم ))..
وكان الباب مفتوح.. وجان تطلع له هند ( كانت تبي الحمام ( الله يعزكم ) )..>> بدون عباه طبعا..لووول
وهند كانت ترتب اظافرهاواصدمت فيه..
سهيل { بدون ما يشوف }: اففف انتي ما تشوفيــ { ورفع راسه }..وجان يشوف هند وتصنم مكانه .. نفس الشي لهند..
وعاد هني هند كانـــت متكشخه شرات ما قلت لكم ف البارت الي قبله..
وهند من الصدمه ما تعرف شو تسوي..
وسهيل نزلت عليه الجرأه هالايام..
وقرب صوبها.. وهي كانت شابكه ايدها ف بعض..
وسهيل مسك ايدها وجان يشوف المناكير ع اصووولها.. ابيض وعليه نقاط بالعيناوي ..
سهيل { يطالع ايدها }: حركــات.. { جان يطالعها }.. حلوه بكل حالاتج..
عقب سار عنها عسب لا تصير مشاكل..وهي متصنمه ف مكانها.. ما تعرف شو تسوي..
ويت من وراها ريم..
ريم: بلاج..؟
وهند اخترعت .. عقب ابتسمت لها ابتسامه طايره.. وركيييض ع الحمام..
وهي كانت ف الحمام.. زاخه قلبها تحسه بيظهر من مكانه..
هند ف خاطرها:" هاذا الانسان ناوي علي اليوم.. طول عمره يحب يشوفني زايغه او مستحيه افف من هالانسان ما يتوب.. بس والله احبـــه احبه احبه وافداه بروحي بعد.."
وابتسمت .. عقب عدلت عمرها.. وظهرت..
ريم: يلا هند بسرعه لبسي عباتج بنرد البيت عسب نييب الاغراض..
وسارت هند تلبس عباتها.. وسارت صوب السيارات.. وكانت سيارة سهيل ومحمد نفس الشي.. وتلخبطت ف السيارات ودشت سياره سهيل من جدام..
وهند من الربشه ما لاحظت الشخص الي وياها تحرته محمد.. وتحركت السيارات..
وسهيل ع باله امه..
و ف الطريق..
سهيل { بدون ما يلتفت }: اقول امايه..
وهند خلاااااص بيغمى عليها.. مستحيــــل.. لالا مستحيل هاذا سهيل..
سهيل { يلتفت صوبها }: امييه بلــ { وانصدم يوم انه شاف هند }..
سهيل { مصدووم }: هنـــــــــــــد..
وهند امترزت عيونها دموع من الخوف.. لانه هي بروحها ويا سهيل ف السياره..
وسهيل لاحظ عليها هالشي..
سهيل: هند لا تصيح فديتج..
وتنزل الدمعه من عيون هند..
سهيل: بس خلاص.. انسي الموضوع.. كأني انا اخوج محمد..
وبدت تهدا من شهقاتها..ووقف عند المحطه وهي نزلت تبي تعدل عمرها.. وتغشت لانه كان كل الجحال سايح..
ونزلت ونزل وياها سهيل..
وسهيل قرب صوبها وزخ ايدها.. وهند ما مانعت لانها كانت محتاجه احد يوقف يمها..
والي يشوفهم يقولون متزوجين..
وتفارقو يوم سارت هند عند الحمام " السيدات ".. وسهيل حمام " الرياييل ".. ( الله يعزكم )..
كـــــــــــــــــــــــــــــــــــــــــــــــــ ـــــــــــــــــــــــــــت
شو رايكم ف البارت..؟
توقعاتكم..
++ شو ظنكم بو سهيل كان يبي يقول..؟ ++
** وشو رح يصير بين البطلين يوم يباتوون ف نفس المكان ..؟**
## وشو رح تكون رده فعلهم يوم يعرفون انه هند وسهيل كانو ف نفس السياره ويا بعض برووحهم..؟##
$$ وشو بيستوي ويا سالم وفطووم..؟ $$
كل اجوبه هالاسئله بتعرفونها ف البارتات اليايه..

اشوفــــــــــــكم قريـــــــــــــــب..^^

انشالله البارت يعيبكم..^^

والسـ م ـوح ــه..~

||. جعــلآلآنيه طـــــــــــررر .||

يسلموووووووو جعلانية


وااااااااااااايد حلو


اكشــــــــــــــــــن


بس ننتظرج ع احر من الجمر


لا تتأخري فديتج.......

المشاركة الأصلية كتبت بواسطة نور الغلا يسلموووووووو جعلانية وااااااااااااايد حلو اكشــــــــــــــــــن بس ننتظرج ع احر من الجمر لا تتأخري فديتج.......

الله يسلمــــــــــــــــج..^^
فـــــــــــــددديتــــــــــج..^^
مشــكوره حبيــــــــــبتي عـ المـــــــــتابعه الحلوه..^^
وعقب شوي بنــــــــــزل البــــــــــارت الي عقبه..^^
ترقبوو البـــــااارت..^^

و السـ م ــوح ــه..~

||. جعـــــــــــــلآلآنيه طــــــررر .||

البارت " 16 ".. الجزء الاول..


وبدت تهدا من شهقاتها..ووقف عند المحطه وهي نزلت تبي تعدل عمرها.. وتغشت لانه كان كل الجحال سايح..
ونزلت ونزل وياها سهيل..
وسهيل قرب صوبها وزخ ايدها.. وهند ما مانعت لانها كانت محتاجه احد يوقف يمها..
والي يشوفهم يقولون متزوجين..
وتفارقو يوم سارت هند عند الحمام " السيدات ".. وسهيل حمام " الرياييل ".. ( الله يعزكم )..
وهند اول ما دشت الحمام.. كانت شبه منهاره.. لانها اول مره تسير ويا سهيل وبروحهم.. بس من ناحيه ثانيه مستانسه لانها حبت الطلعه ويا سهيل.. وطبعا هذا شعور اي بنت تظهر بروحها ويا حبيب روحــها..
هند ف خاطرها:" انا شو يالسه اخرف؟.. انا يايه ويا واحد غريب .. كيف سمحت حق عمري اني اكمل وياه الطلعه واعطيه فيس..؟..( واحساس ثاني ).. لا هذا ولد عميه و هو هب غريب عسب ازيغ.. ( احساس ثالث.. او بمعنى اصح >> عقلها << ).. مهما كان.. هذا ريال انا ما ادش عليه ومهما كان هذا يعتبر غريب..وبعدين اهو ف الاول والاخير خطيب غادة وانا لازم احترم هالشي ( وخنقتها العبره ) انا لازم انهي هالمهزله.."..
عقب عدلت عمرها وتغشت عدل وظهرت من الحمام.. وشافت سهيل يترياها عند المحاسب مال الواحه.. وذابت يوم شافت ابتسامته العذبه و من وسامته.. سماره جذاب >> برونزي << لووول.. لااا.. والكندوره الفخمه.. رهييب.. بس حاولت انها تقاوم كل هالاشياء.. وتتجرء وتسير عنده..
سهيل: مشينا..؟
هند ما التفت لسهيل..
وسارو صوب السياره وهي ردت ورا..
وسهيل استغرب من تصرفها من انها ترد ورا..
سهيل { مستغرب }: بلاج رديتي ورا..؟
هند اشرت ع راسها بمعنى " كيفي "..
سهيل فهم قصدها " انه هو ولد عمها وما يصير تركب جدام وياه " و استغرب من طريقه تفكيرها المفاجئ..
سهيل: انزين الحين الي يشوفنا يقول عني دريول..
هند طالعته بنظره معناها " وبعدين "..
سهيل { بجديه }: هند عن الاستهبال وركبي جدام..
هند طنشته وما ردت عليه..
سهيل حس شكله غلط انه يرمسها جدام الناس.. ف شل سيارته وانعزل عن الناس..
سهيل { يتغزل ف هند }: وبعدبن انا ما اقدر اخلي القمر ييلس وراي ..
هند استحت وطالعت ف الارض.. عقب طالعته بنظره حاده.. واشرت ع الساعه.. معناها " بنتأخر "..
وسهيل من طبعه انه ما يحب يستسلم بسرعه وانه عنيــــــد..
سهيل نزل من السياره وسار صوبها .. وهند خافت..
سهيل { بنظره تحدي }: بتيين ولا..؟
هندزاغت انها تتأخر عن البيت واستسلمت لسهيل بس قبل لا تظهر جان تأشر باصبعها ..
سهيل { باستغراب }: ما فهمت..
وهند تأشر له ( ما تأشر على مكان.. ترفع صبعها لفوق كأنها تتشهد..)..
سهيل:بلاج تتشهدين..؟ والله ما رح اذبحج..
وهند تضحك بصمت..
سهيل : شو تبين..؟
وهند تذكرت انه في شنطتها قلم ودفتر صغير.. وكتبت له..
" انا بركب جدام بس بشرط.."
سهيل: اهااا.. ماشاالله عليج فنانه ف الخط..
هند تكتب ف الورقه:" سهيل ماشي وقت "..
سهيل: آآمــري..
ف الورقه " توصلني البيت بســرعه ومو من البوابه الرئيسيه.. من ورا.."
سهيل: اووكيه..
عقب سارت جدام..
سهيل { يدور ف الشنطه مالت ( CD ( : شو تبين تسمعين من شريط..؟
هند ما عطته اي اهتمام وطنشت..
سهيل لقا الشريط الي يباه وحطه.. كان مال عيضه المنهــ 110 ــالي الجديد.. وعطوول حط على (قلبي رهيف ).. لووول
سهيل: سمعي هاي الاغنيه.. اهداااء..
وبدت الاغنيه وكان الصوت شبه عالي..

القوس قوسك والسهام سهامـك .. مالي على رمش(ن) تسله قـوه

انا اسيـرك واقـف(ن) قدامـك .. واللي تبـا تسويـه فيـه سـوه

وثقت في قلبك وطيـب انسامـك .. ماظن تظلم وانت فيـك امـروة

قلبي رهيف ولا يـروم هيامـك .. توه تعلـم كيـف يعشـق تـوه

قلب(ن) قطفته لا ترص احكامـك .. خفف على قلب(ن) حتمت بجوه

يفـداك لكنـه يشيـل احلامـك .. ملكك ولا لي منه غيـر انخـوه

بك زين من راسك يـلين ابهامك .. والليل ياخذ من صباحـك ظـوه

ما يحجب الويه الصبوح الثامـك .. طلتـك دايـم يالحلـى محلـوة

وهند مستــــانسه يوم سمعت سهيل يغني ويا عيضــه لانه صـــوته رهييب يوم يرمس عيل كيف يوم يغني..؟
ووصلو البيت بسرعــه حسب طلب هند لسهيل والي ندمت عليه يوم انه اكتشفت انه اهلها بعدهم ما يوو لانهم لخبطو ف الطريق..
وهند نزلت من السياره بسرعه .. وسهيل نزل وراها ..
سهيل { بصوت عالي }: هــــنــد..
وهند وقفت مكانها بدون ما تلتفت له..
سهيل قرب منها بدون ما تحس وكان وراها.. وهمس لها من ورا ف اذنها..
سهيل: احبــج..
وهند حست بــ (( القشعريره )).. لانه كان يهمس والجو كان مظلم وبــارد..
و قررت هند انها تكمل دربها للبيت.. ومشت شوي.. لكن ايد سهيل كانت اسرع وزخت ايد هند..
سهيل { بجديه }: هند.. احنا لازم نرمس..
وهند عطته المجال للكلام و لفت صوبه..
سهيل كان عنده احساس انه هند رح تفهمه و تعطيه المجال عسب يفهمها..
سهيل { يتنهد }: سمعيني زين..
وهند تطالعه بنظرات كلها براءة..
سهيل: هند.. انتي تدرين انه ابوي خطب غاده.. وانا لازمـ....{ وقاطعه صوت سياره محمد وهي داخله من البوابه الريئيسيه }..
وشافو سياره سهيل ورا البيت .. وسارو صوبهم..
ام محمد: هند يمه وين كنتي..؟
وهند تطالع سهيل..
سهيل: انتو سرتو عليها وانا شفتها بروحها فشيلتها..
ودشو البيت و فتحو الليتات .. وكل واحد سار حجرته .. وفجــأه انطفت الكهربا..
وكلهم تيمعو ف الصاله كالعاده.. ويت ام محمد ووياها الشموع.. وعطت كل واحد شمعه.. ومحمد سار ييب الكشاف الكهربائي..
ام محمد { مصدومه }: ويين هند..؟
سهيل: انا بسير ادور عليها..
اما صوب هند كانت ف الحجره ما تعرف كيف تظهر من الحجرة.. وشوي وبتصيح.. تبي تصارخ عسب يعرفون انها ف حجرتها.. وسهيل سار صوب حجرة هند .. وفتح الباب.. وانصدم يوم شاف شكل هند الطفولي..
كانت يالسه ع الارض ولامه ريولها وضامتهم وحاطه راسها بين ريولها وتصييح..من بين هالظلمه..
واول يوم شافت اليت جان تفز.. واول ما شافت سهيل جان تسير عنده وتضمه من الخـــــــــاطر.. لانها كانت زايغه ف الظلام.. وف الليل بعد..
وسهيل احترم شعورها وهو بدوره ضمها وتم يهديها..
سهيل: خلاص هند لا تصيحين..
وهند تصيييح.. وحليلها زاغت من الظلام..
عقب ما هدت بعدت من سهيل.. وحست من الانحراج.. و كانت الشيله ع كتوفها وماكانت حاسه..
وسهيل قرب منها شال الشيله من كتوفها وحطاها ع شعرها.. وهي ع طول لفتها وابتسمت له وهو بادلها الابتسامه..
وسارو صوب الصاله .. وهند حست انه ريولها ما تشيلها.. ف تمسكت بأيد سهيل.. وسهيل ما قصر.. جان يحملها ويوديها لقريب من الصاله عسب ما يرمسون الاهل.. وهند كانت مستحيه من الخاطر حظنته وحملها بعد.. شو تبي بعد..؟
ووصلو الصاله..
محمد: يلا نسير الوقت متأخر..
وسارو صوب العزبه.. وكانت العزبه مهيئه للنوم.. كل شي جاهز.. بس ناقص اصحابها..
ويوم وصو العزبه.. الحبايب سهرانين.. مشعلين النار ويالسين كلهم حوال النار..
وسارو صوبهم.. وخلو السهره صباحي ع قولتهم.. الين الفير.. عقب صلو الفير ورقــدو..
بس في وحده ما ياها رقاد.. والي هي هند.. كانت تفكر ب كل لحظه عاشتها ويا سهيل..
هند ف خاطرها:" يالله.. انا مستحيل انسا حظنه.. الله ولا الريحه خبــــال... ههههه صدق اني خبله.."..
اما صوب الرياييل.. كان الهدوء يعم المكان.. وفي ليت ع الزاويه كان موجود.. كان ليت موبايل سهيل..
كان يكتب مسج لهند.. ومتردد انه يرسل لها..
سهيل ف خاطره :" اكيد هند راقده الحين .. بس ارسل الرساله ولا لاء..؟ خلني ارسلها والي فيها فيها.."
و ارسل الرساله حق هند والي كتوب اسمها عنده..(( ملاك روحي ))..
وهند كانت مندمجه ويا افكارها.. وقطع حبل افكارها صوت مسج موبايلها..
وكان المرسل (( الحب كله )) << الاخت غيرته من آخر مره..هيهيهي..
وانصدمت انه هو المرسل.. لانه من زمان ما دق ع موبايلها الخاص اوحتى ارسل رساله..
وكان مكتوب.. " هلا هند.. انتي ناشه..؟ "..
وهند تردد انها ترسل له رساله.. بس ف الاخير ارسلت له..
" اهلين.. كيف تبيني ارقد وانا ما نسيت احلى كلمه و حظن بحياتي..؟ "..
(((( على فكره: هند يوم ترسل مسجات لسهيل او انها ترمسه ف المسن تتجرأ ف الكلام وياه لانها ماخذه راحتها ))))..
وسهيل ما استغرب من ردها لانه متعود عليه من زمان من استانـــس من الخـــــاطر.. لانه من زمان ما سمع رمسه حلوة من هند تبرد عليه..
عقب جان يرسل لها..
" والله مدري من الي طاح ف حظن الثاني.."
وهند استحت.. وارسلت له..
" و انا مدري الي همس ف اذني شرات القطوه وقال لي : احبـــــج ( طولت الكلمه عمــدا ).."
وسهيل ما قدر يصبر وارسل لها فجأه..
" اهدااااء ( اجمل نساء الدنيا ).. صابر الرباعي.. "..
جان تستحــي هند من الخاااااطر.. لانه هاي الاغنيه من احلى الاغاني عندها.. وبدايتها رووووعه.. صحيح انها هب اماراتيه بس كلماتها رهييييبه..
وما قدرت ترد عليه..
جان يرسل لها سهيل..
" بلاج صخيتي..؟ "..
وهند ارسلت له عسب تتهرب منه.. لانها كل ما تحس انها مستانسه تتذكر غــاده والي قالته لها ف المستشفى.. وجان ترسل له..
" انا بسير ارقد .. تصبح ع خير..".. عقب جان تغلق موبايلها..
وسهيل استغرب من آخر مسج منها..
اما صوب هند.. سارت صوب المطبخ تشرب لها شي بارد يبرد عليها..
يابت لها ماي ويلست ع الكرسي بكل هدوووء و قبل ما تشرب الماي.. سمت بالله بصوت شبه مسموع..
وعقب شربت نص القلاس.. وحمدت ربها.. وقبل لا تنش..
..........: بالعافيه عليج..
و التفتت هند صوب مصدر الصوت و انصدمت ..
هند ف خاطرها:" سهيـــل.. شيابه هني..؟"
سهيل { يقرب صوبها }: بترقدين ها..؟
هند ف خاطرها :" يمـــه.. ازيغ يوم انه يقرب صوبي.. "..
وهند نشت .. بس وقف جدامها سهيل..
سهيل: وين بتسيرين..؟
هند ف خاطرها:" وين بسير يعني.. اكيد برقد.."
سهيل: ادري انج رح تستغربين من وجودي هني بس انا حبيت اشرب لي ماي بااارد يبرد علي..
هند ف خاطرها:" هههه احسه يقرا افكاراي.."
وبانت على هند انها تبتسم.. وسهيل لاحظ عليها هالشي..
سهيل: يعله دووم هب يووم..

برب..^^

البارت " 16 ".. الجزء الثاني..
سهيل: ادري انج رح تستغربين من وجودي هني بس انا حبيت اشرب لي ماي بااارد يبرد علي..
هند ف خاطرها:" هههه احسه يقرا افكاراي.."
وبانت على هند انها تبتسم.. وسهيل لاحظ عليها هالشي..
سهيل: يعله دووم هب يووم..
وهند حست انه طولت وياه.. ف حبت انها تنسحب بكل هدوووء وعلى اطراف اصابعها.. هي ما كانت تدري انه كان يطالعها ع اساس انه يشرب ماي.. ومشت من جدامه.. وسهيل حس بخطواتها..
سهيل: ع الاقل سلمي..
و هند تصنمت ف مكانها..
وسهيل قرب صوبها..
وهند كانت معصبه ما تدري ليش.. تحس انها زودتها .. وعصبت من الخاطر.. وتزيد تعصب يوم تتذكر انه خاطب وقال لها احبج.. ونزلت دمعه حاره من عيونها..
سهيل { مصدووم }: هند .. بلاج..؟
وهند اكتفت انها تطالعه بنظرات هو ما عرف كيف يفسرها.. هل هي حقد ولا زعل ولاشو بالضبط..؟
عقب ظهرت هند من المطبخ وتركت سهيل ف دوامه افكاره.. وقمه حيرته..
عقب حط القلاس فوق الطاوله وهو صــاخ.. ورد للمكان الي رح يرقد فيه..(( الخيمــه ))..
ويلس فوق الفرش وهو يفكر..
سهيل ف خاطره:" بلاها هند..؟ فجأه قلبت ضدي.. فجــأه.. ولا هاييك النظره.. بصراحه هاي المره الاولى الي ما افهم فيها نظرتها.. ياللـــه.. انا كل ما حسيت اني قريب من عندها احس انها تبعد عني.. اكيــد في شي.. وانا ابي اعرفه.. بس كيف مادري.."
اما صوب هند.. كانت تصيـــح بحرقه .. تحس انه عيونها رح تنفجر من الصياح.. بس طبعا بلا صوت.. وتمت على هاي الحاله لحد ما يت الساعه الي نشو فيها اصحاب العزبه..وما رقدت.. وحليلها..
وبدو يجهزون الفطور وطبعا الرياييل ويا الحريم ف نفس السفره بس الرياييل بصوب و الحريم ف الصوب الثاني..
وهند مالمست الاكل.. ونفس الشي عند سهيل.. بس اكل شوي ع الاقل.. وريم لاحظت التعب على هند..
ريم { بهمس }: بلاج حبيبتي..؟
وهند تطالع ريم بنظرات.. الي يشوفها يقول جنه وحده رح يغمى عليها.. وهند تحس انه الدنيا تدور من حولها..
وريم انصدمت من نظرات بنت خالتها ..
ريم ف خاطرها:" بلاها هند..؟ احس انها متضايقه .. انا الا واعرف شسالفتها بالضبط.. ما رح اخليها مكسورة.. يعني لين متى بتنسى..؟.. "
وعقب ما خلصو الفطور.. كل واحد سار ف حاله..
صوب الشباب..
الحسن: اللــــــه .. من زمان ما بتنا ف العزبه..
محمد: هيه والله .. صدقت.. وخااااصه ويا الاهل..
الحسن: امممم بس يوم يكون شباب بس.. احلى..
محمد: ههههههه هيه احلى بوايــد ..
الحسن: بس هم بعد.. غيــر يوم نكون متيمعين..
اما سهيل كان ف عـــالم ثاني من دوامه تفكيره..
سهيل ف خاطره:" بلاها هند..؟ انا كنت اراقبها .. ما لمست من الاكل شي.. ليكون مضياقه مني او من احد..؟ انا لازم اعرف بلاها.. ولازم اكسر الصمت الي هي فيه.. اذكر يوم رمست الدكتور.. جان يقول لي:" انه رح تكسر الصمت اذا في شي فرحها وايــد او صدمه قويــه وهذا الخطر.. وانتو حاولو انكم ما تزعلونها او تعطونها خبر حزين صدمــه.."
الحسن: اقولك محمد..
محمد : هلا..
الحسن: تذكر يوم زقرنا ( ) وقال انه عمي بو سهيل يبينا كلنا ف كلمه راس..؟
(( وسهيل شد انتباهه اسم ابوه.. بس ما بين لهم انه مهتم.. ))
محمد: هيه اذكر.. ليش..؟
الحسن : لا بس كنت بسألك .. شو تتوقع انه كان رح يقول..؟
محمد: علمي علمك..
الحسن { يوجه رمسته حق سهيل }: اقول سهيل..
وسهيل ما رد عليهم لانه رد لعالمه الصغير الوهمي..
محمد { يحرك ايده جدام سهيل }: حووووه.. وين وصلت..؟
سهيل { بملل }: ما وصلت مكان..؟.. عن اذنكم..
وسار سهيل وتركهم..
الحسن { مستغرب }: بلاه..؟
ومحمد حرك كتوفه ورفع حواجبه لفوق بمعنى ( مدري )..
عقب جان يسير صوب سيارته.. وركب جدام وشغل له موسيقى هاديه تريح باله وحط راسه ع الكرسي وغمض عيونه..
اما صوب الحريم.. كانت ريم يالسه عدال هند وتحاول تفهم منها السالفه.. ومــاشي فايــده..
ومر الوقت بســرعه.. ويا اليل.. وظلمت العزبه..
هند كانت يالسه بره فوق العرقوب وتراقب النجوم.. وهي كانت سرحانه..
هند ف خاطرها:" آآآآآآه شو اتوقع سهيل يسوي الحينه..؟ والله اشتقت له.. آخر مره شفته.. امممم ف الصبح.. ههههه جني مينونه.. { تتنهد }.. وينج ريماني..؟ ليتج تفهمينــ.....
و يقطع حبل افكارها ايد ريم الي كانت تطبطب على جتوفها..
ونشت لها هند.. وحضنو بعض.. لانه هند كانت محتاجه حق حضن اي حد ع الاقل تخفف عن همومها..
عقب يلسو..
ريم { تمد ايدها حق هند }: ها .. يبت لج هالكيكه (( كيك بالكاكاو { نوتيلا } قطعتين حق هند وقطعتين حق ريم )) ويت لج احلى عصير عندج.. { وهي تبتسم }.. بيبسي..
وهند استانست من الخاااطر.. هي صحيح انه مالها خلق انها تاكل.. ونفسها مسدوده.. بس اي شي من ريم تاكله ولوكانت بتزووع.. ( تستفرغ )..
وبدو ياكلون..
ريم: هند حبيبتي.. شي يعورج..؟
عقب طالعتها هند .. وردت تاكل..
عقب هدت ريم الاكل بعصبيه بسيطه..
ريم: هند سمعيني.. اذا ما قلتي لي شو فيج.. { عقب طالعت الارض }.. لا تعرفيني ولا اعرفج..
وهند هدت الاكل بصدمه..
ريم { تطالع هند }: لانه انا ما اقدر اشوفج تتعذبين وانا اطالعج وحاطه ايدي ع خدي..
وهند تنهدت وكتبت ع الرمل.. { سهيل }.. ويلا يلا ريم قدرت تقرا..
ريم { باستغراب }: سهيل..؟ ليش شو صار..؟
وهند لفت راسها الصوب الثاني لانها ما تبي ريم تشوفها وهي تصيح..
وهند كسرت خاطر ريم..
ريم: هند.. انا ادري انه صار شي بينكم انتي وسهيل.. وانا متأكده الي مخرب عليكم هي غــاده..
وهند التفتت صوب ريم باستغراب.. كيف درت ريم..؟
ريم: ادري انج رح تستغربين بس هالشي باين من عيونج.. ومحد يعرفج كثري..
وفجأه يت عندهم فطامي تزاعج..
فطامي { وهي تشاهق }: لـ ـ ـ ـحـ ـ ـقـ ـ ـو عـ ـ ـلينـ ـ ـ ـا.. ام الحــ ـ ـ ـ ـســ ـ ـن ف المستشفــ ـ ـ ـى..
ريم: هدي هدي.. ما فهمت شي عيدي ..
فطوم: ام الحسن اغمى عليها فجأه و توهم ودوها للمستشفى ..
ريم { مصدومه }: عسى ما شر.. وكل هذا يصير واحنا ما حسينا شي..؟
فطوم: اصلا هي عندها القلب من زمان..
ريم { توجه كلامها لهند }: هند.. يلا نشي بنسير عندهم عقب بنكمل كلامنا..
ومدت ريم يدها حق هند عشان تساعدها .. وسارو صوب الخيمه.. وشافو الجو متوتــر وايــد.. ونص الرياييل مو موجودين اللهم الشباب بس..
وهند تطالع سهيل بنظرات احتقار كأنه ماكل حلالها.. (( وطبعا هي تسوي هاي الحركات عسب يبعد عنها )) ..
وطبعا سهيل طالعها بنظرات حنونه وبارده ف نفس الوقت..
وهند ما تقدر تستحمل اكثر عن جذي.. ف لفت راسها.. وسارت ..
و سهيل طالع الارض بنظرات كلها انكسار.. خيبه امل.. بس فوق هذا كله.. ابتسم وسكت..
محمد: ابوي قال انه احسن شي نخلي الحريم هني.. ونكون واحنا عندهم..
سهيل: صدقت.. إلا وين الحسن..؟
محمد: ف المستشفى اكــيد..
صوب المستشفى..
كان الكل يالس ع الكراسي.. والي ريوله تهتز.. والي الدمعه ف وسط عينه..والي يمشي ويرد ف الممر..
(( ام الحسن مثل ما قلت.. عندها القلب ودوومها تعصب يعني شو رح يستوي لها..؟ وهي حاليا ف العنايه المركزه.. والله اعلم شو رح يصير لها.. وهي بين الحيـــاه والمــوت..))
وبعد لحظــات..
يا الدكتــور.. ويت اللحظه الحاسمه.. والكل سار عنده.. واولهم ابو الحسن..
ابو الحسن : ها .. طمنا يا دكتور..
الدكتور: بصراحه وبدون مقدمات.. احنا سوينا الي علينا..بس المكتوب مكتوب..بصراحه.. الحرمه عطتك عمرها.. والسموحه..
وراح الدكتور وتركهم.. وكأنهم بعدهم ما استوعبو الفكره.. ابو الحسن حس عمره ثقيييل ما يقدر يشيل عمره.. وحس عمره انه راح يطيح.. بس الكل سانده ما عدا الحسن .. لانه كان ساير صوب بوابه المستشفى.. ويحس خطواته ثقيله.. و عيونه مليانه دموع بس ما يطلعها.. يحاول انه يكتمها.. ما صدق كلام الدكتور.. ووصل صوب الباب.. وسار صوب السيارت ووصل سياره.. وحط راسه ع السكان وتم يصيــــح..بس بصمت..
الحسن ف خاطره:" آآآآآآآه بس آآه.. ابوي اصلا دوومه بعيد عنا.ز وامي الوحيده الي كانت تحط عينها علينا.. صحيح انها عصبيه وايــد ..بس .. ماكنت اظن انها توصل لهاي الدرجه.. ماكنت اظن .. ما كنت اظن.. (( وبدا يصارخ )).. ليـــــش يا ربي ليــش..؟؟ "..
وبدا يسوق ف السياره وما يعرف وين يسير..
حس الحسن انه ما عنده سالفه يصيح.. شو هو بنيه عسب يصيح..؟ المفروض انه يرضي بقدر ربه والمكتوب.. وانه الكل ف النهايه مصيره المــوت..
الحسن ف خاطره:" استغفر الله .. اسغفر الله.. يارب سكنها الجنه.. "..
وسار صوب العزبه..
كـــــــــــــــــــــــــــــــــــــــــت..
** شو تتوقعون رده فعل الاهل ع الي صار..؟ **
## وللحين ما عرفنا.. شو كان يبي يقول ابو سهيل..؟ ##
$$ وهند.. متى رح تنزل من هالصمت ..؟ $$
كل الاجوبه بتعرفونها ف البارتات اليايه..^^


والسـ م ــوح ــه..


||. جعـــــــــــــــلآلآلآنيه طــــــــــرررر .||

** شو تتوقعون رده فعل آلآهل ع آلي صار..؟ **

آكييييييييييييد بينصدمو من آلخبررر وحليلهآا آم الحسن الله يرحمهآا محد غآمضني غير ولدهآ الحسن مسكين آهئ اهئ << عآيشه الجو خخخخخ

## وللحين مآ عرفنآ.. شو كآن يبي يقول آبو سهيل..؟ ##
آحسه كآن يبآ يقــــول عن خطبة سهيل وهند يمكن متفقين سهيل وآبوه << يمكن ليش لآ
$$ وهند.. متى رح تنزل من هالصمت ..؟ $$
العاشقه الولهآنه هنيد وحليلهآ خخخ من يجولو لهآا خطبتهآا من سهيل بتعرف تنطق خخخخ


وهذآ والله آعلم .. خخخخ كل الاجوبه بتعرفونها ف البارتات اليايه..^^
آوكيك نتريآ البارتآات اليايه نززلي اآكثررر من وآحد فدديتج .. !

بارت " 17 "..>> الجزء الاول <<..
حس الحسن انه ما عنده سالفه يصيح.. شو هو بنيه عسب يصيح..؟ المفروض انه يرضي بقدر ربه والمكتوب.. وانه الكل ف النهايه مصيره المــوت..
الحسن ف خاطره:" استغفر الله .. اسغفر الله.. يارب سكنها الجنه.. "..
وسار صوب العزبه..
ووقف السياره ونزل منها متوجه صوب الخيمه.. وكانو الكل هناك يتريون الخبر على احر من الجمر..
وفجأه دش عليهم الحسن..
الحسن { ببرود }: السلام عليكم..
الكل: وعليكم السلام..
ام سهيل و ام محمد يتجهون صوب الحسن..
ام محمد: ها بشر .. شو قال الدكتور..؟
والحسن ساكت ومنزل راسه..
ام سهيل: بلاك صاخ يا وليدي..؟
الحسن { وخانقته العبره }: الوالده عطتج عمرها..
ف هالحظه.. الكــــــــــــــــل كان ساكت..
محد يعرف شو يقول .. محد يعرف يعبر عن شعوره.. الحسن طلع من الخيمه وهو كاتم حزنه..
الكل كان مستغرب .. كأنه محد مصدق الخبر.. وكسر صمتهم صوت السيايير الي كانت يايه من المستشفى..
وكــل واحد رد بيته وهو حامل همه معاه..
------------- ف بيت ابو الحسن ------------
كأنه محد موجود.. وكان الوقت قريب الفجر..
بس للاسف كان كل واحد ف وادي.. وفاطمه ( اخت الحسن ).. ما صدقت الخبر.. واعتبرته انه جذب..
وسارت صوب الصاله عسب تشوف اختها عيوشي.. >> وحليلها بعدها ياهل وامها توها متوفيه <<.. وشافتها راقده عـ الغنفه.. ابتسمت .. وشالتها صوب حجرتهم.. حطتها عـ الشبريه.. وهي سارت صوب حجره ابوها وامها.. وسارت صوب شبريتهم.. ورقدت بملابسها من كثر التعب الي هي كانت فيه..
------------ ف بيت ابو سهيل --------------
توهم كانو رادين من العزبه.. بس سهيل وابوه ما ردو ويا هلهم.. لانهم ما يقدرون يخلون الحسن وهله بروحهم وهم ف هاي الحاله.. اما عن اهل بو سهيل.. شهد استأذنت من امها وقالت لها انها رح تسير بيت ابو الحسن عسب تتم ويا عويش وفطوم وما تخليهم بروحهم..( وشهد خذت وياها بنت عمها مرام ).. اما عن الباقي.. كل واحد سار صوب حجرته.. وشايل همه وياه..
---------- ف بيت ابو محمد --------------
كانت هند ف حجرتها ويالسه فوق شبريتها و تفكر ف كل الي صار وياها يوم سارت العزبه الاشياء الحزينه و الحلوه..
وما حست بعمرها الا وهي راقده .. وهي ضامه ريولها وسانده ظهرها ومحطيه راسها بين ريولها ..
اليــــوم الثــــــــــاني..
كانت الساعه تسع الصبح..
نشت هند فجأه.. فتحت عينها.. كأنه احد كان يهس ف اذونها..
وسارت صوب الحمام ( الله يعزكم ).. تسبحت.. ظهرت من الحمام.. سحت شعرها وعدلت عمرها كانت لابسه (( بنطلون جينز ازرق غاامج.. وبدي ربع كم مخصر ع جسمها ( ماخذه راحتها الحبيبه ) لونه عينــــاوي مكتوب عليه بالابيض " " ورافعه شعرها وطايحه خصلات منها وحاطه شباصه بيضه منقطه باعيناوي..وحاطف (( جلوس )) شفاف ومكحله عنونها^^ )).. ولا كأنه تووه البارحه ام الحسن متوفيه.. وهي كانت نـــاسيه الســالفه..
المهم.. نزلت تحت.. وحدرت صوب الصاله.. ما كان فيه احد.. ردت فوق صوب حجرتها.. ومسكت الاب.. ويلست تقرأ الرسايل الي كانت بينها هي و سهيل.. كانت رسايل حب.. وع هاي الحال.. تمت تفكر بحالها هي وسهيل..
هند ف خاطرها:" انا شو لازم اسوي..؟ ما اقدر اتم ساكته وروحي تطلع مني.. لحظه لحظه.. عمي بو سهيل شو كانت يبي يقول هذاك اليوم...؟ انا عندي احساس انه كان يبي يقول عن خطبة سهيل لغاده.. متأكده.. افففف انا ليش ازعج عمري بهاي الاسئله الي مالها اول ولا تالي.. اقرا لي قصه احسن لي.."
عقب قرت قصتها..
---------------- ف بيت ابو الحسن ---------------
كانت شهد ومرام ناشيين من الصبح يسولفوون وما خذين راحتهم.. ع اساس انه الحسن وابوه هب موجودين..
وكانو الخوات مطقمين .. >> بيجاما << .. متعايزات الخوات يتسبحن..
(( بنطلون برمودا لونه اسود عليه قلوب باللون >> البينك << وبلوزه ربع كم شرات البنطلون اسود >> نك << وعليه قلوب بالوردي.. وكان شكله عجيـــــــــــب..))
--------- ف جناح حجره الضيوف ---------
شهد: اقولج..
مرام { وهي تطالع التلفزيون }: هاا..
شهد: احنا متى رح نقعد اهل البيت..؟
مرام : مدري.. الحين الساعه كم..؟
شهد { تطالع الساعه }: الساعه عشر..
مرام: ليش احنا متى نشينا..؟
شهد : الساعه تسع ونص { وتشق حلجها }..
مرام: يا شيخه..
شهد: هههههههه..
ومر الوقت.. وصارت الساعه 11 الصبح..
مرام: يلا شهوده احسن نسير نقعد فطومه و عيوشي و نقول حق الشغاله تحط الريوق..
شهد: اوكي..
وجان يلبسون جاكيت لونه اسود عليه رسمه من الظهر كبيــــره ( شكل قلب باللون الوردي ).. قماشه مخملي.. وفيه من ورا شرات >> القحفيه المغربيه ( للنساء تكون من ورا الجلابيه ) << عرفتوها..؟
وسارت مرام تقول حق الشغاله انها تحط لهم الريوق.. اما شهد سارت توعي عيوشي وفطومه..
دشت شهد صوب حجرة البنات..
وشافت شبريه فطوم فاضيه.. استغربت.. وقالت اول شي توعي عويش عقب تشوف وين فطوم..
سارت وهمست ف اذن عويش..
شهد: شو شي..
عيوش: هممممم..
شهد: يلا حبيبتي قومي..
عيوش { فتحت عيونها بكل براءه عقب فركت عيونها بلطف واستغربت من وجود شهد }: منو انتي..؟
شهد: انا بنت عمج فهد.. واسمي شهد..
عيوش { تطالع شبريه فطوم }: ويين طومه..؟
شهد { ما عرفت شو ترد }: هناكي.. يلا حبيبتي سيري الحمام وغسلي ويهج وفرشي اسنانج وانا اترياج..
عيوش { مبتسمه لانها حبت شهد }: انزين..
وسارت عيوش صوب الحمام ( الله يعزكم ).. وظهرت .. وشافت شهد تترياها..
شهد { مبتسمه }: يلا..؟
عيوش { مستانسه }: يلا..
ونزلت شهد عيوش صوب الصاله الي تحت وودتها عند مرام..
مرام: عيوش حبيبتي..
عيوش { مستغربه }: منو انتي..؟
مرام { تحوس بوزها }: افاااا ما عرفتيني..؟ انا بنت عمج عبدالله.. انا مرام الي كانت تلعب وياج ف العزبه..
عيوش { تربع صوبها وهي مستانسه حيييل }: ملااااااااااااااام..
مرام: حبيبتي والله.. اقولج شهد..
شهد: هلا..
مرام: وين فطامي..؟
شهد { تتذكر }: اووووه نسيتها.. ع فكره انا ما شفتها ف حجرتها.. اعتقد ف حجرة امها وابوها..
مرام كسرت خاطرها فطوم..
مرام: انزين سيري شوفيها..
شهد: الحين بسير..
وطلعت فوق صوب جناح عمها جاسم..
ودشت.. وكانت الحجره بـــــــــارده.. وشافت فطوم راقده ف الشبريه ولامه ريولها وباين عليها انها بردانه..
شهد { تهمس ف اذن فطوم }: فطامي حبيبتي..
فطوم: هممممم..
شهد: نشي حيببتي الساعه 11..
فطوم { ابتسمت }: هلا شهد.. صباح الخير..
شهد { حبت تغير جو }: ههههه اهلين.. صباح النور بالكسوله..
فطوم { تعدل يلستها وتحك شعرها }: انا كسوله..؟ بعدين تعالي انتي شو يابج هني..؟
شهد { تيلس حذالها }: اممم قلت آيي عند بنات عمييه .. ( وابتسمت )..
فطوم: اهاا.. ييتي بروحج..؟
شهد: لا.. سحبت ويايه مراموو..
فطوم { مستانسه }: واللـــــــه..؟!
شهد { استانست من فرحه فطامي وقالت بكل هدوء }: والله..
فطوم: وسلامي .. يبتيها وياج..؟
شهد: لا.. هاي من اول ما وصلت البيت رقدت.. بس افا عليج اتصل عليها الحين واخبرها تيي البيت..
فطوم من الوناسه قامت وحظنت شهد..
فطوم: مشكــوره حبيبتي.. والله اني احبكم كلكم..
وشهد حزنت عليها .. ونزلت دمعه من عيون شهد.. لكنها بسرعه مسحتها..
شهد { وهي تفج فطوم من حظنها }: يلا حبيبتي سيــ... { وانصدمت يوم شافت فطوم تصيح }..
شهد { مصدومه من الموقف }: فطامي.. ليش تصيحين فديتج..؟
فطوم { وهي تصيح بصمت }: انا كنت اتمنى انه يكون عندي خوات شراتكم.. كلكـــم..
شهد { وهي تمسح دموع فطوم بطرف اصابعها }: بس حبيبتي لا تصيحين.. احنا كلنا خوات من زمان صح ولا انا غلطانه..
فطوم { تبتسم }: صــح..
شهد { ابتسمت }: انزين عيل.. سيري غسلي ويهج وانزلي تحت بيصارخون علينا..
فطوم: ههههههه انزين الحين بنش..
وسارت فطوم صوب الحمام ( الله يعزكم ).. وشهد تمت يالسه ف مكانها تفكر بحال فطوم المسكينه..
شهد ف خاطرها:" وحليلها فطوم كيف رح تتحمل فراق امها وهي بعدها عمرها 13 سنه تقريبا..؟ بس هي عقلها كبير ماشالله عليها.. واحنا ما رح نخليهم بروحهم.."
وابتسمت شهد من الكلام الي قالته حق عمرها.. وتنهدت ونزلت تحت..
نزلت تحت وشافت مرام يالسه عـ الغنفه وعيوش يالسه فوق حظنها.. ويطالعون >> توم & جيري <<..
شهد ف خاطرها :" صج انج ياهل.. "..
--------- صوب حجره > جناح ابو الحسن < --------
ظهرت من الحمام ( الله يعزكم ).. الفوطه فوق شعرها المبلول.. وسارت صوب حجرتها تربع عسب تلبس وتبدل..
كانت لابسه الله يسلمكم (( بنطلون جينز طويل لونه ازرق عــادي هب غامج او فاتح .. ووياه بلوز ربع كم لونها ازرق سماوي .. عقب لبست فوقه جاكيت >>> جينز <<< لونه شرات البنطلون.. ورفع شعرها ولبست >( طــوق )< لونه سماوي وتعطرت .. وكـان شكلها كيـــــوت ..))..
و اول ما نزلت تحت.. جان يندق الجرس ودخلت الاخت سلامه.. واول ما شافو بعض.. سوو فيلم هندي..
فطوم: ســــــــــــــــــــــــــــلامــــــــــــــــــ ــي..
سلامه: فطــــــــــــــــــــــــــامــــــــــــــــــــ ـي..
وحظنو بعض..
مرام { تستهبل }: راجو جاجا..(( يابته من فيلم هندي ))..
شهد { تكمل عـ مرام }: اين انتي يا اختااه..؟
مرام: انني هنا في الحديقه يا بجاا..
كلهم: هههههههههههههههههههه..
مرام: يلا يلسو الريوق برد..
ويلسو يتريقون.. ويسولفون عسب ينسون فطوم سالفه امها..
سلامي { وفمها مليان اكل }: ايه مرام وانتي شهد..
شهد + مرام{ وهم ياكلون }: هاا..
سلامه: ليش ان شالله جيه لابسين..؟
مرام { تطالع عمرها }: شوو.. احنا بعدنا ما تسبحنا..
سلامه: اهاا.. يعني واثقين انه عمي جاسم وعياله ما رح ايوون البيت..؟
مرام و شهد يطالعون بعض.. الخبلات.. ابد ما خطر ع بالهم انهم ممكن انهم ايوون فـ اي لحظه..
وفجأه.. مرام وشهد يتسابقون عـ الحمام..
فطوم + سلامه + عيوش جان ينقعون ضحك عليهم: هههههههههههههه..
عقب ردت مرام وهي شايله اغراض الحمام وهي حايسه بوزها..
سلامه: وحليلج.. دخلت قبلج..
فطوم { بكل حنيه }: عادي.. حمامي يفداج { وتبتسم }..
مرام { مستانسه }: مشكوووووره حبيبتي..
وسارت فوق عسب تتسبح..
فطوم: سلومه..
سلامه: هلا..
فطوم: انتي شو لابسه تحت العباه..؟
سلامه: شراتج.. { وهي تأشر صوب الغنفه } ما تشوفين الجاكيت .. عقيته هناك اول ما وصلت..
فطوم { مستانسه }: اللـــــــــه.. انزين فصخي عباتج..
سلامه: اصلا بفصخها من قبل لا تقولين لي..
فطوم: هههههههههههههه..

برب الغاليين..^^

البارت " 17 ".. >> الجزء الثاني <<..
اما صوب جناح حجرة الضيوف.. كانت شهد توها ظاهرة من الحمام ( الله يعزكم )..
وسارت تسحي شعرها.. وكانت لابسه..
(( تنوره طويله غجريه لونها اســود.. وقميص كم طويل.. لونه ابيض عليه حروف بالانجليزي بشكل عشوائي عـ القميص ولون الحروف اسود.. ولبست شيله ( عـ اساس انه عمها وعياله يايين ).. ولون الشيله اسود عليها حروف بالابيض ( عكس القميص )..))..
وسبحت عمرها من عطر ( سكادا ).. وعبت عيونها من الجحال الاسود.. وحطت قلوس شفاف.. وقبل لا تظهر جان تيي عندها مرام..
شهد { تطالعها من فوق لتحت }: قلــــــــــووده..
مرام { وهي تحط اغاراضها }: محد غيرج..
وفجأه رن الجرس.. وسارت فطوم جدى الباب عسب تفتح الباب.. وكانت هاييج الساعه.. يلعبون >> شرطه حرامي << ويا عويش.. وفطوم شعرها انفج.. والخبله يوم انها فتحت الباب.. ما جافت من (( مالت العين ))..
وهي تحرى انه اخوها او ابوها.. وللاسف ماكان واحد منهم..
فطوم { وهي تضحك وفاتحه الباب وتشاهق فـ نفس الوقت ومغمضه عيونها ( حشـى )}: هههههههه.. منووو..؟؟
عقب فتحت عيونها.. وانصدمت من وجود سالم..
فطوم { مبققه عيونها }: سالم..
وما عرفت شو تسوي.. تصنمت فـ مكانها.. اما سالم .. استحى وحمرت خدوده ولف الصوب الثاني ..
وفطوم استوعبت الموقف ولفت ورا وسيـده صوب سلامووه..
فطوم { تشاهق }: سلامه.. لحقي علي..
سلامه { تدري انه صار موقف محرج من حركه شهقاتها }: قولي.. وش سويتي هالمره..؟
فطوم { تيلس عـ الغنفه }: عويش.. سيري فجي الباب..
وعويش هزت راسها ( بمعنى:{ اوكي }).. وسارت جدى الباب عسب تفتح الباب.. ويوو البنات من جناحهم..
شهد: منو الي كان يدق الجرس..؟
فطوم وطت راسها مستحيــــــه..
سلامه { تضحك عـ ربيعتها }: ههههههه.. عويش سارت تفج الباب..
مرام { مستغربه }: بلاج تضحكين..؟ وهاي بلاها مستحيه ..؟ حشــى قطعت الطماط فـ الون..ههههه
شهد + سلامه: ههههههههههههه..
عقب دش سالم.. وال ما فطوم شافته.. جان تربـع صوب حجرتها.. وكلهم طالعو فـ بعض.. وتأكدو انه صار شي بين سالم وفطوم.. عقب ضحكو فجأه..
سلامه + شهد + مرام: هههههههههههههههههه..
وسالم يطالعهم باستغراب..
سالم { يحب ايده }: الحمدلله والشكر.. اللهم سكنهم مساكنهم..
وهم بعدهم يضحكوون..
سالم { بصوت خشن }: السلام عليكن..
وكل وحده حست بعمرها.. وردو السلام..
سالم { مبتسم .. وييلس عـ الغنفه }: بلاكن تباغمن..؟
مرام { وهي تيلس }: ولاشي ولد العم..
سالم: اخباركن..؟
شهد: الحمدلله بخير.. انت اخبارك..؟ واخبارك ويا الدراسه..؟
سالم: تمام ماشي الحال..
مرام : وشخبار خواتك واخوانك..؟
سالم: الحمدلله..
وعقب نزلت فطوم وهي موطيه راسها ومستحيــــــــه.. (( طبعا لابسه الشيله ))..
وسالم شافها وابتسم ونزل راسه..
فطوم { مستحيه }: السلام عليكم..
الكـل: وعليكم السلام..
سالم { مبتسم }:شحالج فطوم..؟
فطوم { مستحيه }: تمام..
سالم { يتكلم جد }:اقولكم.. انا ييت هني .. بالاصح طرشوني .. عـ اساس انه ترتبون نفسكم والبيت لانه العزا بيكون عقب المغرب..
وفطوم راحت الابتسامه من فمها.. وسالم لاحظ هالشي وحز بخاطره..
فطوم { وهي تنش }: عن اذنكم..
وسارت فوق.. عقب لحقتها سلامه..
سالم { يحس بتأنيب الضمير }: السموحه منكن.. بس والله هم طرشوني وقالو لي اني اقولكم هالرمسه.. { وهو ينش } والدريول يترياني برع..
مرام { تنش }: مسموح.. { وتبتسم }..
سالم { يلبس النظارات الشمسيه ويرد لمرام الابتسامه }: يلا.. فمان الله..
شهد { تبتسم }: فمان الكريم..
عقب ظهر سالم من البيت..
مرام: اقولج شهوده..
شهد: هلا..
مرام: تعالي نتطمن عـ فطامي..
شهد: يلا..
عقب طلعو فوق عسب يشوفونها..
------------------------------------------------------
صوب بيت ابو محمد..
-----------------------------------------------------
كانت هند توها ظاهرة من حجرتها .. وكانت متعدله ولابسه العباه..
>> الاخت متفقه ويا ريم انهن يتقابلون عند الموول..<< ((( ولا كأنه المغرب في عزاا )))..
ونزلت تحت .. شلت البيزات من >> الحصاله << ( مالت الفلوس ).. وظهرت صوب السياره ويا راجو..
راجو: وين رووح مدام..؟
هند صــاخه.. وفـ خاطرها:" وحليله هذا ما يدري اني مااقدر ارمس..يالله الحين كيف اسوي..اهاا بكتب له"..
وكتبت له فـ الورقه.. ( المارينــا )..
راجو { عقب ما حاول يقرا }: ماما .. انا مافي يعرف عربي..
هند فـ خاطرها:" افففف والحين شسوي..؟"
كتبت له >> بـ ال E <<.. ( can you read English? ( )..
راجو: يس مدام..
هند فـ خاطرها :" الحمد لله "..
عقب كتبت ( MRENA MOLL )..
راجو { عقب ما خلص قرايه }: اهااا انتي يريد رووح مرينا..
وهند ابتسمت عـ جنونه..
عقب حرك السياره.. وسار جـدى المــارينا..
ووصلو المارينا.. وعطــوول صوب الكافيهات..(( لانها متفقه ويا ريم انهم يتلاقون عند > ستار بوكس < ))..
ووصلت الكافيه.. وشافت هند و ابتسمت عقب سارت لها.. ويلست عـ الكرسي..
وريم لاحظت وجودها وابتسمت..
ريم: وعليكم السلام..
وهند اكتفت بابتسامه عـ جنب شفايفها..
ريم: شحالهم..؟
هند رفعت صبعها الابهام بمعنى " اوكي "..
عقب اشرت عليها بمعنى " وانتي..؟ "..
ريم: انا تمام الحمد لله.. { تطالع المينيو }.. يلا اختاري .. شو تيبن..
وهند عطـول اشرت عـ " مــوكـــا شوكليت "..
ريم: هههههه .. انتي بعدج تحبينه..؟
وهند ابتسمت..
ريم: خلاص عيل انا بعد ابا شراتج..
وزقرت عـ ال " مال الطلبات " وقالت لهم الطلب..
ريم: اقولج.. انتو متى بتسووون العزا مال ام الحسين " الله يرحمها "..
وهند تتذكر امها يوم رمستها عـ سالفه العزا.. عقب يابت قلم ورقه صغـار من الشنطه..
وكتبت (( اميه امس قالت لي انه راح يسوونه اليوم فـ المغرب ))..
ريم { عقب ما قرت }: اهااا.. خلاص عيل.. نفطر هني .. عقب نتسوق عـ السريع تقريبا اليــن { تطالع الساعه } الحين الساعه 12 الا ربع.. اممممم يعني نخلص من الكوفي عـ الساعه 12 ونظهر ونخلص الساعه 1 ونص عقب نصلي ونظهر من الموول ويا راجو.. لانه اميه هب فاضيه.. وتقريبا نوصل البيت عـ الساعه 2..
هند > تكتب فـ الورقه <..(( حشى.. تعبير وانا مدري ))..
ريم: ههههههه.. سخيفه..
عقب وصل لهم الطلب..
--------------------------------------------------------
صوب بيت ابو الحسين..
-------------------------------------------------------
كانوو الحسين والحسن وابوهم توهم واصلين للبيت..
كـــــــــــــــــــــــــــــــــــــــــــــــــ ــــــــــــــــــــــــت
انتهى البارت..
&& للحيــن ما عرفنا شو كان يبي يقول ابو سهيل ..!! &&
## وفطوم.. هل رح تقدر تتأقلم ويا الوضع..؟؟ ##
$$ وسهيل من زمان ما يبنا طاريه.. هل رح تنحل مشكلته..؟ $$
والسـ م ـوح ــه..~