" هذه قصتي"
بدايتي أرحب بجميع المشاركين في هذا المنتدى وأتمنى من كل قلبي من تعنيه هالرسالة الرد علية ........
أجيبها لكم من الأخر ومن دون تفاصيل بالأحداث . أول شي السلام عليكم أنا كنت طالب بإحدى البلدان الخليجية والحمد لله أتخرجت وطول الأيام إلى جلستها بهالدولة كنت أمركز على شي أساسي وهو الاهتمام بدراستي والبعد عن أي شي يخرب مستقبلي وبالفعل تحقق هالشي وتخرجت بمعدل امتياز ......

كان هو بالنسبة لي أخر يوم لي بهالدولة وبعد هاليوم سوف أغادرها متوجها" إلي بلدي العزيزة وكان بتاريخ 18/5/2006 الموافق يوم الخميس كان موعد طايرتي المقلة لي الى بلدي , أول ما جمت الصبح رحت أجهز كل شي ورتبت حقيبتي المهم جهزت كل شي وقبل عن أتوجه المطار كنت محتار في نوعية اللبس مرات أجول أحسن شي ألبس جينز وفانيلة أريح ومرات أجول أحسن شي ألبس الدشداشة وتوفقت أني لبست الدشداشة , بتعرفون بعدين ليش اتوفقت ؟؟؟ المهم لبست الدشداشة وفي حدود الساعة 3:30 مساء مر علية زميلي وهو بالنسبة لي أخ وأيد عزيز على قلبي أكن آلية كل احترام وتوجهنا الي المطار وكان مكتظ بالمسافرين توجهت الي الكاونتر وخلصت كل شي وبينما أنا متوجها" الي قاعات الانتظار استوقفني مجموعة من البنات وسألني الأخ ؟؟؟؟ رديت عليهن نعم ما أتشوفني لابس دشداشة ضحكن البنات بعدين أستاذنن مني وجالن لي أنه عندهن بنت تبي تروح لدولتها وما يالها ركبت طيارة وما تعرف شو أتسوي ولو سمحت نبيك أتساعدها جلتلهن أنشاللة لا تحاتن . المهم البنات راحن وظلت البنت عندي سلمت علية واستاذنت منها أن تعطيني تذكرتها وجواز سفرها عشان اشوف وين حاجزة وبأي طيران والصدفة طلعت أنها حاجزه بنفس الطايرة إلي حاجز فيها ما راح أجولكم بأي طيارة بتعرفون بعدين !!!! المهم رحنا مع بعض خلصنا مواضيع الحجز وكل شي وتوجهنا مع بعض الي قاعات الانتظار جلسنا مع بعض ودارت أنبينا سوالف وتعرفنا على بعض أكثر البنت حست براحة من ناحيتي وأطمنت أكثر واذكر أنه جالت لي" أبي أكون عندك لحد ما أوصل لدولتي وأشوف هلي لأني أول مرة أركب طيارة وحسيت من كلامها أنها خايفه من ركبة الطيارة جلتلها أطمني ما راح أكون عنك بعيد لحد ما اوصلك وجلست أطمنها وأهديها . المهم يا أخواني وخواتي حان موعد الطيارة وتوجهنا الي المقاعد وكان رقم مقعدها بعيد عني رحت أوديها وجلتلها جلسي بهالمقعد ورحت عنها وكان المقعد إلي جنبي فاضي محد فيه المهم قبل عن أتحرك الطيارة بعشر دقايق البنت تركت مقعدها وجلست عندي جالتلي ابي اكون جنبك وشفتها وايد خايفه جلستها جنبي وعلمتها كيفية ربط حزام الأمان وتحركت الطيارة البنت مسكينة دار رأسها وأيد لحد ما راحت مرحلة الخطر .....

تبوووووووووون الصدج أول مرة بحياتي أكلم بنت بهالجراه كنت أرتبك وأتلعثم لما أكلم بنت بروحي بس الصدج لا يرووح تفككيركم بعيد وأيد أعتبرت هالبنت مثل أختي وكل شخص أتحصل عندة هالمواقف حتى ولو كان ولد ,الأنسان بالغربة ما يعر ف شي ومحتاج لمساعدة أي شخص ...

المهم في حدود الساعة السابعة وصلنا مطار وجلسنا ترانزليت لحد اليوم الثاني البنت كان بأستقبالها احد من اهلها وانا رحت عند زميل لي لحد اليوم الثاني ,,, بعد مرور ساعتين من وصلونا جاني رقم غريب رديت علية وتفأجات انة إلي المتصل كانت هي وتبي تسأل عن جوازها سلمت علية وسألتني جالت لي جوازي عندك وكانت خايفه انها ضيعته وما كنت متأكد انه جوازها كان عندي جلتلها بتأكد وبرد عليك رحت أتاكد وحصلته بجيبي وطمنتها ,,,,

باليوم الثاني رحت المطار وتلاجينا ورحنا مع بعض وجلسنا بنفس المقاعد لحد ما وصلنا وتوادعنا . كنت ميت من الفرحة ليش أني وصلت لبلدي ومتخرج ومخلص أستقبلني احد من الأهل ورحت عل طول البلد .
في نفس اليوم وكان وقت المغرب استقبلت رسالة فتحتها حصلت رقم غريب جريت المسج مكتوب فيه " مساء الخير شخبارك الأخ ؟؟؟ حبيت أشكرك على كل شي وسمحلي تعبتك معاية " رديت عليها بمسج كتبت فيه " هلا مساء النور أنا الحمدلله بخير شخبارك أنتي , العفو ما سويت الا الواجب " ورسالة وراء رسالة لحد ما تعرفنا على بعض وتعرفت على أفراد عائلتها وهي نفس الشي أتعرفت علية وكنا متواصلين برسائل وبالمكالمات لمدة شهر وأسبوع بعدين أهي ردت عشان أتكمل دراستها وكان أنبينا تواصل قليل وأكثر شي بالمسجات لمدة ستة أشهر لحد ما ردت لدولتها وردينا أكثر وصارت علاقتنا ببعض قوية ولو تدرون أشكثر هالبنت دشت قلبي ما أتصدقون كنت اغار عليها من كل شي حتى من زميلاتها وأي شي أتسوية اتشاورني فيه ومن كثر ما حبيتها قررت أني اتقدم لها وخبرتها انه ابي اتقدم لك بس هي جالت لي أنطر لحد ما اخلص دراستي وبعدين تعال اتقدم لي المهم أتفقنا على انة اول ما اثخلص دراسته اتقدم لها . قبل عن أترد مرة ثانية لتكملة دراستها أتفقت معاها انة نتلاجى بالمطار وبالمرة اسلم عليها وودعها المهم رحت المطار وكان عندها ابوها بعد ما راح عنها رحت سلمت عليها وجلست شوية معاها وتمنيت ان اجلس معاها طول الوقت لانة صارلي فترة ما شفتها وكان هاذي اخر مرة اشوفها بتعرفون السبب بعدين .......

المهم يا أخواني وخواتي البنت ردت عشان أتكمل دراستها وبعد مرور أسبوعين حسيت انها اتغيرت علية وكنت دأيما" أسالها أشفيك متغيرة حد أمزاعلك حد جايلك شي بس للأسف ما صارحتني بلي في بالها مرة اتجولي مشتاجة حج أهلي برد ومرة اتجولي مريضة المهم جلست اسبوع ارسل لها بس للأسف ما ردت علية بعدين دجيت عليها أطمن دجيت عليها سلمت عليها جلتلها خير أنشالله أشفيك ما اتردي علية جالت لي كلملة بس ارتعش جسمي جالت لي كيفي ارد ولا ما ارد ايش دخلك انت المهم جلست اهديها لحد ما خبرتني بكل شي واتضح لي انه زميلتها الروح بروح عرفت بأنها متواصلة عندي شافت رسائلي بجهازها وجالت لها يا أني ولا أهو ولازم تنهي كل شي معاة مع انها ما تعرف انه علاقتي معاها صارلها سنة كاملة عطيتها قلبي وعطتني قلبها اتجي زميلتها وتخرب كل شي بنيناه المهم حاولت اهديها وجتلها جوليلها خلاص تركتة وانا بحاول اقلل مسجاتي واتصالاتي جالتلي لاولاولا خلاص انساني ومن يومها ما أعرف عنها شي ولا خطر ببالها ترسل لي حتى سلام وتبووووون الصدج لحد الحين افكر بيها وحياتي من دونها ولا شي .

وحاب أجولها شي واحد شكرا" على كل شي سويتيه لي عطيتك قلبي وضحيت عشانك بكل وقتي وأتمنى من قلبي اذا جرت هالرسالة اترد علية ...

.وسمحولنا طولت عليكم ]

"أخوكم الجريح"

قصه حلوه ونهايه حزينه
مشكور اخوي