هل تقبلين بزوج راتبه 1500 ريال ...للنقاش

--------------------------------------------------------------------------------
السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين



هل تقبلين بزوج راتبه 1500 ريال "" للنقاش من قبل الشباب والفتيات "

كلنا يعرف الظروف التي نمر بها .. في الوقت الحالي من عطاله وبطاله

ويا سعد منهو وجد له وظيفة ... وطبعاً أغلب الوظائف " الجديده " إن لم تكن

كلها .. براتب لا يتجاوز الـ 1500 ريال سعودي .. وإن زاد وصل 2500 ريال


فهل هذا المبلغ قادر على ...... أن يزوج الشاب ..... ويتتم به نصف دينه .....

ويفتح بيت ...... ويكون اسرة وابناء ؟؟

وهل تقبلين بزوج يمتلك هذا الراتب ؟؟؟؟؟


ملاحظة :- جداً مهمه ..

نريد إجابات واقعيه ويقبل بها العقل ....

-------------
اللهم انك عفو تحب العفو فاعف عنا
لا اله الا الله وحده لا شريك له ، له الملك وله الحمد وهو على كل شئ قدير
سبحاااان الله
والحمد لله
والله اكبر
والله أعلم
والله المستعان
سبحانك اللهم وبحمدك اشهد ان لااله الا انت استغفرك واتوب اليك

اقبل اذا كان عنده مصدر دخل ثاني

يعني اشغال حره

يترزق منها


او عنده املاك وغيره

اما واحد ب1500 درهم كيف بيفتح بيت

والسمووووحه من الجميع



اماااااااااااااا


في حالة انه يكون ولد عمي

أظن برضى و بوافق

وبسكت وما بقول شي و باكل تبن


عسى ولد عمي ما يشوف ردي

خخخخخخخخخخخخ

الريال باخلاقه مو بفلوسه..الصرااحه انا عندي عادي ما يفرق معي اهم شي يكون انسان متفهم وواعي ومتعلم بس طبعا" الاهل اكيد لهم رأي ثاني..
وبعدين عااادي انا وياه بنتساعد ما فيها شي..خخخخخخخخ
ويعطيك العافيه ع الموضوع..

مرحبا بك اخي المهدي في موضوعك الراقي هذا ...
بالنسبة لي ... لا أقبل ..
خاصة إذا كانت مستوى معيشتي لم تعتد على ضنك العيش
و ما دمت أرى ان هذا الزواج لن ينجح بسبب الراتب ... فمن البداية يجب أن لا أهدم بيتي بيدي ..

أشكرك أخي الكريم

انا مع وضد في بعض النقاط

اذا الولد قريب للبنت اعتقد انه مافي مانع الراتب
بس اذا البنت ليست من العائلة اعتقد انه المفروض الراتب بيكون مشكلة فالحياة الزوجية
وراه بيت وسيارة ومصاريف

الله يكون بالعون وتسلم اخي المهدي

الفلوس مب كل شي!!
فيه اشيا اهم من الفلوس!
االاخلاق والطيب والدين..
والله لو هالشاب شاب ملتزم ومحترم
وطيب ورجّال بمعني الكلمه
ليش ارفضه؟؟؟
والله باخذه حتي لو راتبه ريال واحد!!
اهم شي انه يكون انسان محترم وملتزم
ويحترمني..
والفلوس مب كل شي..وللاسف يعض البنات
ياخذوا شباب بس عشان فلوسهم!!
طيب افرضي انه شخص مب زين!!
بيضربج ويبهذلج! طيب افرضي ان هالشخص
اووك لاكن صارت مصيبه وفلوسه خلصت!
كيف بتكملين حياتج؟؟ وانتي اصلا متزوجه الفلوس
مب متزوجته اهوو كشخص!! والفلوس راحت!!؟
كيف بتستمري؟؟؟
انا من رايي ان الرجّال مب بفلوسه الرجّال
بشخصيته.. اهم شي عندي الشخصيــــة
انه يكون انسان طيب محترم ملتزم
يحترمني ويقدرني..
واذا جائكم من ترضون دينه وخلقه فزوجو
الرسول ماقال من ترضون فلوسه وماله !!
قال الدين والخلق!!
لان كل شي يفني ويروح الا الاخلاق والدين.
وبعد في نقطه::::
شووو الي لو قريبي باخذه!!؟؟
شو الفرق بين القريب ولا البعيد ف الزواج؟؟
شو يعني اتظنون ان لو وحده خذت قريبها
وراتبه مو ذاك الزود الاهل بيساعدوه!!
اصحوووواا اتري ف الزواج محد يساعد احد!!
كل واحد ايقول يالله اني قادر اعيش
وعلي ديون واقساط!!
محد يساعد احد وحتي لو ساعدوا بيساعدوا شهر ولاثنينه
وعقب بيطنشووا !!
ومامعقوله واحد بيزوج ولده وبيضل يصرف عليه
حتي عقب زواجه!! والشاب شووو ؟؟ بيسير عنده
ابوه ويقوله والله بوي اني معندي فلووس وحرمتي
تبي تشتري ساعه ولا شنطه!!؟؟
محد يسااعد احد ف الزوااااااج

مشكـــوووور
مهدي11
ع الموضوع..

وانا ماقول جي عشان ايقولون
والله التفاحه ردها مثاالي وتحب المثاليه!!
ادري ان الحين عصر الماده وكل بنت حلمها
انها تأخذ واحد غني !!
لاكن الشي الوحيد اللي يبقي الاخلاق
والقيم و الدين..((الشخصية))
كل شي يفنى..الجمال والمال ..الخ يروحون
الا الشخصية بضل معك لي اخر العمر..

تسلمـ اخويـ ع الموضوع الراااائع

في بنااااااااات يقبلنـ الرجااااالـ باخلاقه واحتراااااااامه

وفي بنااااااااات واهاااااااااليـ يقبلوا الرجاااااااااال بفلووسه كانه يعرض بنته في مزاااااد اللي يدفع اكثر ياااااخذ البنتـ..

موضوع قيم للنقاش
انا اشوف انه في هالزمن كل شي غالي وكل شي يحتاج انك تصرف

ف 150 ريال في هالزمن ما بتكفي والحياة ما بتقتصر على الزوجين اكيد بعد الزواج بيجوا اطفال والاطفال لهم مصاريف وطلبات كثيرة
يعني كيف بتوزع مبلغ 150 على
الايجار
والكهرباء
والماء
وبترول السيارة
وملابس الاطفال وملابس الزوجين وخاصة الحرمه
اذا اللبس الواحد لها في الاعياد يكلف اكثر من 50
اختي التفاحة صحيح انه الاخلاق والشخصية مطلوبة في الرجل ولكن نفس الشي المادة مطلوبة , مو طمع ولكن متطلبات الحياة كثيرة

بالنسبة لي اذا كنت موظفة وتقدم لي شاب براتب 150 بقبل لاني انا وياه بنتساعد بس اذا كنت مب موظفة ما اضن لان الحياة صعبه.

شكرا لك وعذرا على الإطالة

هلا

نشكر صاحب الموضوع ع طرحة

انا ربما بقولكم وجهة نظري كشاب ومن تجربتي الشخصية

انا اشوف انه الشخص يفضل انه ما يربط بنت الناس اذا كان راتبه 150

الا اذا كان واثق من انه بيدبر حاله وبيجتهد كي ينمي دخلة باي طريقة ثانية تاكسي محل صغير اي شي المهم يجتهد ويوفر مبلغ يعينة عى انشاء عائلة محترمة قادرة على ان تقف ع اقدامها ولا يمد ايده لاحد

هذا اشجعه

اما اني اكون اناني واجازف واخطب بنت الناس ونا 150 حتى ما مكفية مصاريفي فهذه ربما تصرف انا ني ولا مسؤلية

ويحق للبنت الرفض لانها هم تحب تعيش في راحة بال وتربي عيالها وتوفر لهم ما يحتاجونة

اما عن نفسي بخبركم

كان دخلي او راتبي 300 ر ع بس وظيفة غير ثابتة بعقد سنوي

لاكني من نفسي وقناعتي ما رضيت اخطب او اتزوج لاني ما حبيت اربط بنت معي على هذا الدخل ولانه بعقد مؤقت

قلت لنفسي شو ذنب هذه البنت اني اربطها معي ونا بروحي احوالي متذبذبة

لاكني سعيت في عملي والحمد لله تضاعف راتبي وتم تثبيتي

ولله الحمد والشكر ع كل حال

والان بديت افكر اني اخطب ونا مرتاح لاني امنت نفسي والرزق بايد الله طبعا

بس لازم الاجتهاد والسعي

والدين قال ولا ترمو بانفسكم في التهلكة

والحمد لله ع كل حال والله يجمع الكل بزوج الصالح والزوجه الصالحة للكل

يا رب

اما ملاحظة انا اعجبني رد بنت الشرقية ولروح التعاون والنية الطيبة اللي عندها

تسلمي اختي تحياتي لك ^_^