الســلام عليـكم ورحمـة الله وبـركاتـه



اوقـات لمـا نكـون قاعدين بـروحنـا ...لا شغلـة ولا مشغـلـة
نفكـر بأشيـاء حلـوة ... صـح انهـا شبـه مستحيـلـة فهـا الزمـان
لكـن مـع ذلك تبقـى ها الأفكـار حلـوة وتحـب تعيـدها بذاكرتك

ومـن احلـى الأشيـاء اللي يفكـر فيهـا الإنسـان

الـرومانسيــة

.
.
.
.

(1)

تخيــل انـك متـزوج وعنـدك عيـال وعايـش حيـاتك حـالك حـال اي شخص متـزوج
وفيـوم من الأيـام وانته راجع للبيت وتعبـان وما نمت إلا اربـع ساعـات او ثـلاث
مـرضـت زوجتـك ويتهـا حمـى ع الصبـح و وديتهـا المستشفـى وخفـت لعيـالك
بـروحهـم جـان ترجع البيـت و تودي عيالك بيت عمك ولا بيت حد من اقاربك
وجـان ترجـع المستشفـى عشان تتطمـن لحـالـة الحــب وأثـاريهـا نايمـة وانتـه للحـيـن ما سرت الدوام
وجان تتصل للدوام وتعتذر لهم وتقول لهـم ما بتيي اليوم الدوام لأن حـالة الحـب ما تسمح لك تـتركهـا
ومــر الظهـر والحـب بعـدهـا نـايمــة .... والعصـر وهـي نـايمـة و المغـرب وللأسـف نايمـة
وانتـه مـا عرفـت طعـم النـوم وهـي ... وجـان تصحـى الحـب بآخــر الليــل وتشـوفك يمهـا
وتقـول لك : السـاعـة كم الحيـن ؟
وترد عليهـا وانتـه مبتـسـم وتقول : ما باقى شي ع أذان الفيـر
هـي : وانتـه من متى هنـي ؟
انتـه : من اول ما قلتـي ودي المستشفـى
هـي : لاااااا حـرام والله تعبـتك ويـايـه ...بـروحك ياي البـارحـة تعبـان
تـرد عليهـا وتقول : بسهـر عليـك عيـونـي يـا راحتـي وشجـونـي و القلب بك مفتـونـي وانـا صدق الـوفا معطنك
.
.
.
سعـادة مـا تعـادلهـا سعـادة بالنسبـة لمـرتك لما بتسمـع منك هاا الكـلام

.
.
.
.

(2)

وفجـأة اتـيي النيـرس وتقـول لك : بـابـا انتـه لازم يتـلأ براا ، ما ما لازم يسوي نوم الهيـن
وتطلـع وانتـه متحـرطـم ومـاد البـوز شبريـن جنـك شالو عنـه لعبتـه
أثـاري الحـب اللي غيـر تصـرفاتـك وخـلاك تـتصـرف شـرات اليهـال
ومـرتك تـشوفك وانته متحرطم وماد البوز وتقول فقلبـهـا فديتـه والله ربـي يحفـظه لـي
وقبـل لا تطلـع من المستشـفى قـدمـت وردة لـزوجتـك وقلـت لهـا يالغـلا محـال ورد الحـب يـذبل
الحـب استغربـت ليش انتـه عطيتهـا وردة وقلتها هاا الكـلام ..؟ لكـن دام ان ها الشي رومنسـي استـانسـت
وجـان يـعطون زوجتـك منـوم عشـان ترتـاح كم من ســاعــة وانتـه طلعـت بـرا المستشفـى
عشــان تـودي عيـالك المـدرســة وعقـب اتسيــر الدواام
وفجــأة .... زوجتـك تصحـى بسبب صــراخ النيرسـات فالمستشفـى
ولمـا سألـتهـن عن سبـب صـراخهـن ردت عليـهـا وحدة وقالت
لهـا : مـاما هادا زوج مال انتي في يسوي حادث وبعدين يمووت
زوجتـك : لاا ...لا مستحيــل حبـيـبي يمــوت ويخليـني بـروحـي بهـا الدنيـا
أنـا كيف بعيـش بـدونـه ... من بيـسهـر عشـانـي الليـل ، مـن بيـرخص روحـه لجــلي ... مـن ومـن ومـن ..؟
.
.
.
سبحـان الله بالأول زوجهـا كان سـبب سعـادتهـا ، والحيـن تحـول لسبب حـزنهـا

.
.
.
.
.

مشكـــــــــــوووووووووووور
فتــي بني ياس
ع الموضوع...
بس اتعرف انا في شو افكــر؟؟ :o :D افكر في اسماء عيالي من الحين!!
اكون يالسة اضل افكر في اسمــاء

:D :D

تسلم اخوي فتى بني ياس ولما الشخص يختلي بنفسه يفكر في اشياء كثيره

لا حول ولا قوة الا بالله
ايش هالنهاية ؟؟؟!!!!
بتخيل نهاية سعيده
تسلم

مشكوووووووووووووور فتى بني ياس


والله الموضوع جدااا رائع.........

تسلم ولا تحرمنا يديدك...

علامك يا من فتى بني ياس طلعتنا من الرومانسية فجأة وصدمتنا بصخرة الواقع المؤلمة على العموم اخوي مشكور على المشاركة بصراحة استمتعت

أوهوووووووه
والله كنت متفاعلة وفي النهاية!!!!

أقول كان أنت تفكر بنهايات محزنة
أن تفكيري كله ايجابي ونهاياته حلوه (عاد ماتفكير عندي)

هههههههههههههههههههه شكل ابد ما تدوم الرومنسيه بالزمان ههههههههههههه

ههههههههههههههههههههه
والله حاله.........شو هالنهاية؟؟؟؟؟؟؟؟؟

لو خليتها سعيده كان احسن

تسلم ع الموضوع

بصرااااااااااااااااااااااااااحة ولا أروع