أغيب ولكن من يحس بغيابي
عادي أنا لو رحت، وعادي لو جيت
محدٍ سأل عني ولا أحدٍ درى بي
ومحدٍ يكلّف خاطره.. حيٍ أو ميت
أنام في همي.. وأصحى بعذابي
وأسامر الآهات ومن قلب ونيت
وحيد والدنيا سعت باغترابي
غريب وما لي فيها موطن ولا بيت
شفت القرابة تبتعد باقترابي
وأبعدت والله غصب عني وصديت
والدنيا تبعد حتى أقرب صحابي
ما عاد لي فيها أحد... مهما ناديت
ما لي أحد يسمع لي كلمة عتابي
أو حتى يمسح دمعتي.. لو تباكيت
بمشي ورا حظي لو إنه سرابي
وش عاد لو في باقي العمر دجيت
منسي ولا يفرق عليهم غيابي
وأنا الذي يا كم لهم ايدي مديت
لو بالخطأ منهم أحد دق بابي
قولوا له ما يحتاج ليه بس تعنّيت
بدري وتو الناس روّح شبابي
شاب الذي كل ما ذكرته تناسيت
الحين ظنك غاير الجرح طابي

تسلميييين يا ميمي

واووووووو
كلمات رائعه يا ميمي
موفقه والى الامام دوما

مشكورين يا بنت الباديه وريم السلطنه على ردودكم الرائعه

يا عيني على الكلام الجميل ماشاء الله ابدعتي يا اختي ميمي الصغيرة في الكلامات
...................... واتمنى لكي المزيد من التقدم
اخوكم.... الحزين ....

مشكور يالحزين على ردك

أختي ميمي الصغيره ..


رائعة تلك اللوحة حينما رسمتيها إلينا .. نقرأ ونتخيل الموقف بعمق يتزاحم في قلوبنا ..

كلمات مترابطه .. إحساس وهموم وعذاب تكنه تلك الكلمات ..

سعدت بالقراءة .. وبما حملتي إلينا اناملكِ الرائعه ..

ارجو ان يتواصل هذا العطاء ..




تحياتي
العميقة[grade="DC143C 0000FF 008000 FF0000"]مرجـــان[/grade]

تسلم يا مرجان ومشكور على تواضعك والله يعطيك العافيه

سلمت انامل يدك اختي ميمي الصغيره

مشكور على المرور جعلاني للابد