يـا صانـع المكيـاج الله يجـازيـك
خليتني مخـدوع فـي شكـل خلـي
الله يحـرق مصنعـك مـع مبانيـك
والمعرض الموجـود في بيكاديلي
ادعي عسى تعمى وتنشـل رجليـك
هـذا دعائـي دوم لا جيـت اصلـي
خليتني اركـض ورا البنت هاذيـك
واشوفها اجمل غـرام ٍ حصـل لـي
قلبي عشقها يا(جيفنشي) توماتيك
وان شافها قلبـي يرحـب يهلـي
هي رحبت بـي وقالـت الله يحييـك
وقالت هلا باللي عشق زيـن شكلـي
وقالت انا اجمل بنت في اللي حواليك
شف حسني الاخاذ وروجي العسلّـي
طالعتها ثـم قلـت هالقلـب يبغيـك
ومن شاف حسنك خلى غيرك يولـي
ابغي اشوفـك دون مكيـاج يكسيـك
وابغـي اشوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسـلّـي
ويوم رجعت لي شربكتني الشرابيـك
وحسيت الارض تدور وانـا بمحلـي
الوجـه كنـه بيـت كلـه شبابيـك
من هالحفر في وجهها اللـي يعلّـي
كلـه سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي

وسلامتكم

هع هع الله يعين


حياة البنت بدون مكياج جحيم هع

عمان دار الامااان سلم منطوقك وسلمت يمنااااااااك

الله بعونك بس لو تدش البنات كله ولا الميكاب والمكيجات حقتهم ههههههه

خخخخخخخخخخ احلفوا انتوا بســ هااااااااااااااااهـ والريــــــــــــالـــ من دون كندوره، شو يصيـــر لووووووووووول

هههههههه حلوة القصيده

صدق الشباب ينغرون فالبنت الي تحط مكياج عبالهم حلوة بس يوم ينكشف المخفي يبان كل شي هع

الحمدلله مافيه اخرب بشرتي بالمكياج ^^...

هههههههههههههههههههههه تسلم اخوي

بس هالايام جد الشباب يركضو ورا اللي تحط مكياج
خله لو بنت ما حاطه مسكينه محد راح يعطيها فيس!!!
(وفوق هذا ينظرو لها بنظرات غريبه!!!)