مدح بنات الخليج..........



يابن الحلال ان طعتني خل الأسراف
واترك جمال الغيد لأهل البصيـره

الزين موبس الملامح والاوصاف
الزين روح وعفـه وطيبه سيره

مانيب من يهوى (سريا وأنصاف)
أنا هواي وبس بنت الجزيـــره

بنت الخليج اللي تماري بالأعراف
وحنا نماري بأسمها كل ديـــره

مالي غرام بقول وخــــا وبالزاف
أذبحني عند الطرحه المستديره

أحب قوله ياهلا وعل ماخــلاف
من بنت ثوبي بنت الارض النضيره

اللي تحلاها الظبي حلو الاطراف
جمال في عفـــه ورقــه وغيـره

واللي بها سحر مهو سحر عراف
ياعــل عيـن مـاتـراها ضريــره

عطف وحنان وذوق في لين الأعطاف
والي كشفت لثامها شفت أميره

صعبه على اللي بالردى شاف ماعاف
وحلوه على اللي سنة الله ضميره

شمس الى من أشرقت والدجا طاف
غابت نجومك غصب لو هي كثيره

السيف مايزهى سوى كف سياف
والخيل دون حصانها مستخيـره

بس انت دور لك على قدك لحاف
وان طعتني دور بدلنا عشيـره