السلام عليكم ورحمة الله و بركاته





أتمنـــــى يعجبكم...^.^

*****************************************


طول عمري سالي ومرتاح بالي ..... وش بلا قلبي يدور له بليّه



ضعت في حبك وضيّعني خيالي... قمت أصور بالوله ايدك بايديّه




حلم قربك مثل حلمك في وصالي... واللقا ما به حقايق واقعيّه




ينفضح شوقي إذا زاد انشغالي... وباقي القصّة معانيها خفيّه




ما قدرت ألقاك يا غاية سؤالي... وما قدرت أخفي شعوري لو شويّه




والله إني مبتلي بحلمي الخيالي... والجروح تصيح والحالة رديـــّة




خفت لما غبت يا عمري ليالي... وحرقة الأشواق عن مليون كيـّه




لو دريت اش صار فيني وش جرالي...كان عشت العمر في قربي هنيّه




غيرتي تذبح خفوقي ما تبالي... ما احتمل لاجلك تنافسني بنيـّة




قسوة جروح الغلا فوق احتمالي... و عيّت دموعي تخفّفها عليّه




ودي أحكي لك وأشكي لك يا غالي... ودي أحكي لك عن الاشواق فيّه




ما ملكت الحسن ولا فقت بجمالي... بس لي قلبٍ نذرته لك هديـّه




لو تمر سنين عمري واللّيالي.... ما أخونك دام فيني الروح حيـّه




يا عسى الأيام تجمعنا و تــالي... تحكي الفرحة مشاعرنا الوفيّه




تصبح الاشواق في قربك حلالي... و ارتوي من نبع قلبك واتفيّـا




قلت"أحبّك"ما بقى لصبري مجالي وفاض قلبي يشكي جروحه لـ خـــويّه

*************************
شكراً على القراءة... ^^

العفوء

شكرا علي القصيدة الجميلة

تسلم يا ااااااااااااااااااااااظبي الرويشد الكلمات ونبي المزيد

وش بلااااااااااااااااك بالحب مكنت مرتاااااااااااااااااااااااح ....................
يؤ يؤ يؤ يؤ

حلم قربك مثل حلمك في وصالي...... واللقا ما به حقايق واقعيّه

وربي كل بيت احلا من الثاني
صح لسانــــج اختي
الصراحه... ابدعــــتي
تسلمييين على القصيده الرائعه

لاتحرمينــــا من يديدجــ

تسلمي اختي وكلمات رائعه

تسلمين اختي ع القصيده