مثل ذيك السنه وأكثر أنادي والنِدى مايفيد
بـ قلبي شوق لو حسّيت به يقلب موازينك

أردّد عيدك مبارك عسى كل عام وإنت سعيد
وقلبي يرتجي وصلك يا غالي وفاقدٍ زينك

حبيبي هالزمن يضحك على جرحي وإنت بعيد
وجيت من الشتات أسأل بعد جرح الزمن وينك

أنا ما جا على بالي غيابك إنت بـ التحديد
عنادك ليش ضيَّعني وقف ما بيني وبينك

لك الله كل ما أضحك ألاحظ هـالجروح تزيد
تصدِّق ضحكتي صعبه علي وسهله بـ إيدينك

أقول إن الأمل باكر يجي بكره بجرح جديد
ورغم كل السنين اللي مضتلي تكرم سنينك

أنا ما جيت أبي منِّك بعد جرحك تفك القيد
أبيك تحس في قلبٍ رفض ينساك ويدينك

إذا يرضيك تستقبل بدوني فرحتك بـ العيد
شسوي بـ قلب متعوِّد يشوف العيد في عينك

إذا عادي الزمن يضحك على جرحي وإنت بعيد
علـى هـذا البرود اللـي تعيشه الله يعينك

أردّد عيدك مبارك عسى كل عام وإنت سعيد
وقلبي يرتجي وصلك يا غالي وفاقدٍ زينك


كلماآآآآت جداً رائعة ، متناسبة ف حد ذاتها..

يعطيك العافية الاسيف ع الابيات . . ودمت ف حفظ الرحمن ...

تقبل مروري

حبيبي هالزمن يضحك على جرحي وإنت بعيد
وجيت من الشتات أسأل بعد جرح الزمن وينك



صح لسانك الاسيف ع هالابيات الغاويه

وربي يحفظك

تقبل مروري.....[color="purple"]روووح ضميانه[/color]

مشكورين علي المرور الرائع

أبيااااااااااات قمه في الروعه والرقي


تقبل مروري

صحيح انا ما اتذوق الشعر ... بس بجد كلمات عميقة في المعنى ... واللي ما مجروح بينجرح.. والمجروح تفنح جروحه

تسلمو علي المرور الرائع