ياصاحبي والهوى ماعادني كبره
كبرت مدري هو اللي صغر في عيني

ماعاد له فالحشا درب(ن) ولا عبره
ولاعاد له موعد وشباك يغريني

يمديك تعرف مدى ضيقي من النبره
ولاعاد يمديك تضحكني وتبكيني!!

اليوم..ضاق الحليم وفاض به صبره
والدم ضاقت دروبه في شراييني

وان ضاق مثلي تعرفه زين وتخبره
اقل من حل حاسم مايكفيني

رح والفضا ماخلقه الله ثقب ابره
واختار لك درب بعده ماتلاقيني!

المنكسر شي ماتقدر على جبره
مهما تحاول وعذرك مايواسيني

لاعاد تنشد وش الحيله؟ وش الدبره؟
خسرتني والأكيد انك بتبكيني

ابني بجفواك جسر فراق واعبره
ماهمني لو وراي الكون يدعيني

مثلي ليا صد مارده سوى قبره
طبع(ن) لبوي الكريم وطبع جديّني

ماتعتبر بس من فقدي خذ العبره
لا جاك غيري ولا غير موازيني

فرطت فـالصاحب اللي طايل(ن) شبره
ورضيت تسقط بطوعك من جفن عيني!!

مشكور اخي ابن الساده على هذه الكلمات الطيبه
تقبل مروري
اخاك
اسير الصحراء

ماشالله عليك ابن الساده قصيده روعه وكلمات ولا اروع


نحن بانتظار جديدك دايما
تقبل مروري بين هذه السطوووووووووووووور

ياين الساده لك بفزع من أول نبره
وانته احسن الناس لي عارفيني

اللي يغلط عليك يكون حفر قبره
ومن ساعته بيكون فعدد الميتيني

انت تأمر وانت من مطاع امره
من أول انالك من اول الفازعيني

لاتقول عاشق الكاسبي وش خبره
تراني فازع(ن)لك يأبن عمتيني

وكان غزاك الهوى وتحط فحفره
انا أقولك كون أول الهاجرين

وانت عارف خالك فالحب خبره
لاتحاول تلعب وتكون من العاشقيني

واسمع كلامي زين وخذ العبره
من اللي قبلك فالغرام خايضيني

وانا لي قبلك مربي(الy) منصغره
شفت اللي قام منهم يروح ويجيني

كلمات جميله اخوووووي