الله يسهل وجهتك يا حبيبي # دربك خضر وانا ادروبي على وين


ما فيه شمس الا وراها مغيبي # متخوفٍ من غيبتك قبل تمشين



تطيب واحسن لو بعد ما تطيبي # اترك جروحي والليالي تداوين



في وسط حلم لو كبر ما يشيبي # مافيه ليل الا بخيالي تمرين



فراقك اكبرمن بكاي ونحيبي # ما تقبل عيوني دموع المحبين



ردي علي قبل ايتعدل نصيبي # وان جتلك الدنيا على ما تودين

تسلم انامل يدك على ما خطته من كلمات جميله اخي

تسلم اخوي على المشاركه الرائعه

تسلم اخي squ
على هالقصيده الرائعه واختيار موفق للكلمات والتعابير

ننتظر جديدك

كلمات جميله
بالتوفيق اخوي

كلمات رائعه اخوي squ
وتسلم اخوي اعجبتني قصيدتك
وكتبت مجاراه من تاليفي
عسى تنال اعجابكم

ذا طيف حسنك لي يخايل صويبي
ولا نذير الموت من خزة العين

لاسل رمشه بالحنايا يصيبي
ولا صد عني ينزع السهم فلحين

ما شفت في حسن الجمال الغريبي
ذي من بنات الحور لي كامل الزين

شمس بدت من بعد طول المغيبي
نور الحسن ياخوي لي يعشي العين

حالي بعدكم مثل حال الغريبي
واصفق من الحسرات والحزن كفين

واسكب على فرقاك دمعن صبيبي
واهذي بشعرن صففته الموازين

ياعل نفسي من المواجع تطيبي
وابدي لهم بالقول من خافي البين

والعذر منكم كان قولي صعيبي
وادري لكم بالشعر يا ناس وافين

سلام مني من بديه رحيبي
لدار ناس(ن) لهم بالعز راسين

والسموحه منكم

دربك خظر اخي squ والله يوفقك