بسم الله الرحمن الرحيم

السلام عليكم ورحمة الله وبركاته

هذه هدية بسيطه كتبتها على عجل ، من قلب صوري هام في كرم وطيبة جعلان وأرضها وأهلها.

جيت مـــن أرض الشراع وديرة الغنجه..................
..................جيت شايل في ضلوعي خافق(ن) ولهان

يــا جماعـه إعذرونـــي مــا معــي حجه..................
..................غير إنـي جيت طامــع فــي هــوا جعلان

يا هل المعـــروف تكفوا يـ الربــع رفجه..................
...................إتركونـي أرتــوي مـن طيبها ، عطشان

جيــت كلــي بالغـــلا جدواهـــا متـــوجّه..................
..................والوله فــي عيني اللــي تهتويهـــا بــان

للهـــوى يــا نــاس مبــدأ والوفــا نهجه..................
..................والرجــل أكبــر عيوبــه لا غــدا خــوّان

دام قلبـــي شـــوق دار الأوفيــا رجّــــه..................
..................كيف ما يوفــي مــدام إن الوفـــا إحسان

قلبي يـــا جعلان مــركب والغــلا مــوجه..................
..................والوفا مجداف شاعر فـ الهـوى غرقــان

لــو أبجمع كــل كــلام الحــب فــي لهجه..................
..................ما بوفـّـــــي حبــك اللــي يشبه الإدمــان

أحتوتني مـــن عظيـــم العاطفـــه بهـجه..................
..................في غلا جعلان قلبي مهتنـــي ، فرحـــان

أحمد العلوي
80/10/26
5:00 pm

ما شاء الله,,,,


ابـــــــــــــــدعت اخوووي,,,,,


ونترياااا كل يديد من صووبك,,,

المشاركة الأصلية كتبت بواسطة شيخة بمعانيها ما شاء الله,,,, ابـــــــــــــــدعت اخوووي,,,,, ونترياااا كل يديد من صووبك,,,

منوره أختي شيخه بمعانيها
والأروع بالتأكيد مرورك وتواجدك
تسلمين والله يعطيك العافيه يارب.

ما شاء الله عليك اخوي

صح لسانك

المشاركة الأصلية كتبت بواسطة روح البداوة ما شاء الله عليك اخوي صح لسانك

صح بدنك ، وشكرا ً على هالمرور الطيب.
والرد الراقي
الله يعطيك العافيه

تســــــــــــــــــــــــــلم أخوي

وتســـــــــــــــــــتاهل جعلان ......

المشاركة الأصلية كتبت بواسطة داااافي البوح تســــــــــــــــــــــــــلم أخوي وتســـــــــــــــــــتاهل جعلان ......

ومن قال سالم يالغالي.
أشكرك جزيل الشكر على تواجدك الطيب.
الله يعطيك العافيه يارب

يعطيك العااااااااافية

المشاركة الأصلية كتبت بواسطة ْغرور بعنادْ يعطيك العااااااااافية

الله يعطيك العافيه يارب.
شكرا ً لك

يسلم بدنك وصح السانك اخوي احمد......................