ادخل واعرف طلب الزوجه بالحروف الهجائيه؟؟



معقوله لكل حرف طلب والله ظلمونا الرجال حنا البنوتات طيبات ومانطلب هالاشياء..


الالف : ابي فلوس بروح معزومة على شاى ضحى

الباء : باجر ابيك توديني لبيت اهلي عندهم عزيمة

التاء : ترى اليوم انا ماني مسويه عشاء روح للمطعم جيب عشاء

الثاء : ثلاث اسابيع ما طلعنا للملاهي يالله ودنا اليوم

الجيم : جيب خدامه تساعدني بشغل البيت.........(والبيت نص شقة) قهر

الحاء : حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)

الخاء : خل الشله اليوم..انا عازمتك نتعشى بره, بس على حسابك

الدال : دور لنا فله على 3 شوارع وفيها سرداب (الراتب 450ريال من وين ياحسرة

الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت

الراء : روح قدم على اجازة خلنا نسافر لاوروبا ,,اووف حر

الزاء : زيد مصروف البيت هذا ما يكفي اغراض البيت (ومعظم الفلوس عليها
وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين

الشين : شيل ولدك شوفه يبجي هناك,انا تعبت من العيال

الصاد : صفف الملابس هناك منثرة,مليت وانا القط وراك

الضاد : ضبط اوضاعك..ترى كبرت المسؤولية..(توها والدة

الطاء : طالع السيارة سكراب تفشل قديمة, نبي شبح

الظاء:الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس

العين:عيوني..اليوم شفت نفنوف عند زوجة اخوي يجنن...خاطري بواحد مثله

الغين غير يا اخي اسلوبك معاي...كله برود..حسسني بحبك شوي

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي

الكاف : كفاية ملينا من هالبيت متى راح تسوى لنا بيت اكبر من هذا

اللام : ليمتى بنتم حابسني في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟

النون : نبى نحجز شاليه شرم الشيخ طول الصيف ..لا تنسى

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك روح عند اخوك خذ منه الورث( راعية مشاكل

الياء : يالله ايدك على 100ريال راضني..لانك زعلتني وكسرت خاطري
__________________

هههههههههههههههه
موضوع حلو
تسلمين اختي ع الطرح الرائع

ههههههههههههههههههه

حشى مب حرمة

اعوذ بالله من جيه حريم

يسلمووووو الغزال

نتريا يديدج,,

هههههههههههههههههههههههههههههههههه


حرام مسكينات الحريم مو مثل بعض

شكرا على المشاركة الطريفة

ظبي الرواشد
نور الغلا
مجموعة انسان
مشكورين ع المرور

عاد مب حرمه...........

اي واحد تكون عنده حرمه مثلهااا انت عطهاا 3 كلمااااااااااات ورتاااح