احم احم << من زين صوتك يعني !!

شباب وبنات اسعد الله مسائكم وصباحكم وعصريتكم ومغربيتكم وعشويتكم بكل خير وسعاده

وادامها الله علينا وعليكم بالمحبه الدائمه ان شاء الله

هنا اختكم ومذيعتكم البنوته المعروفه بأسم بنوته مسقط

اما اليوم فانا اقدم في برنامج سغنون حليوه وش حلاته يختي اسم الله عليه توموتو

هذا البرنامج الذي تم تسحيب فيه معظم خشش هذا المنتدى الذي عج وفج بأحلى اعضاء المنتدى المتميزيين

بسبب الوحده والملل قررت اطبخ طبخه
ولذلك لقد قمت انا منذ ايام بارسال رسالة خاصه الى معظم الاعضاء بالمنتدى عشان اسحبهم واشوف ردودهم وش رح تكون والله لا يوريكم هالردود نصها مشفر

في البدء ابي اسدح لكم سدحه خفيفه ناعمه الرساله اللي ارسلتها لهم ومن عقبها انزل بقوة وحماس على الردود

وهذي هي الرساله اللي انا ارسلتها لهم (( رسالة المقلب ))

السلام عليكم ورحمة الله وبركاته

في بدء كلامي يؤسفني بان اقول هذا الكلام الذي لم اتوقع ان اقوله

بيوم من الايام ولكن كما يقال (( ياما تحت السواهي دواهي ))

ما عمري كنت اتوقع ان هالحركه اللي مال امها داعي تجي منك انت طيب ليه وش سويت لك ابي اعرف ؟؟؟

ليه سويت فيني كذا توقعتها تجي من كل اعضاء المنتدى بس وربي ما توقعتها منك انت بس من جد حسافه على المحبه والود الاخوي اللي كنت احمله لك بداخلي ما كنت اظنك بهالشكل .
على العموم رح اترك الموقع كله عشان تفتكون مني
على العموم الله يسامحك وبس هذا اللي اقوله .
واعتبروا ان هذي الرسالة اخر كلمات لي بالمنتدى والموقع كله .


طبعا بعض الناس انا للاسف واعتذر منهم من جد استغليت حبهم لي وردو ردود حلوه

والحين اتركم مع الردود اللي وصلتني

اول رد يوصلني من (( قيثارة حلم ))
وعليكم السلام ورحمة الله وبركاته

هلااا اختي

بس شكلج غلطانه ...

او محمومه...

وحياااج بالمنتدى بس ماادري شوو السالفه

تعليق على الرد
طلعت غلطانه ومحمومه عنده
ومتأكد اني غلطانه
كنت اتوقع رد حامي من تمساح
السالفه وما فيها اظنها توضحت لك
ولك كل التحيه قيثارة حلم..

ثاني رد للأخت ((نبض القلب))
عفوا اختي يمكن انتي غلطانه مصار شي بيني وبينج

وليش تتركي المنتدى ليش المنتدى مخصص حق اعضاء معينين

ولا المنتدى على حسابهم عشان تطلعي

ارجوج ردي علي قبل لا تطلعي

تحياتي نبض القلب

تعليق على الرد
تسلمين اختي
واثقه ميه بالميه اني غلطانه
وهذا شئ زين
شخصيتك اكيد قويه..
الكلمتين اللي قلتيهم يسكتن
والرد ماني طالعه
ببساطه اطلع وفهالمنتدى ناس مثلكم
مستحييل..!!

الرد الثالث من (( جعلاني للأبد))
هلا فيك اختي بنوتة مسقط وممكن تفهميني شو اللي صار لاني ما فاهم شي
وابيك انك ما تتركي المنتدى
ولو سمحتي خبريني عن سبب رسالتك وشو اللي سويته بالضبط
انتظر ردك اختي
جعلاني للابد

تعليق على الرد

الله يكثر من امثالك
صحيح المشرف الناجح محتاج لعضو يكمل المنتدى
الاشراف يعلم الكثير
كنت ناويه ارسل رد على اساس سبب رسالتي بس قلت
يا بنت خافي ربك لعبتي بيهم مو زينه
ولاني طيبه خليت المقلب من قسم واحد..:cool:

رابع رد مع عسوله بس بخليه بيوم ثاني مع بقية المقالب..

ونروح للخامس مع ((ريم السلطنة))
افا خير ان شاء الله شو صاير بنوته مسقط
ما فهمت قصدك
انا ما اعتقد سويت فيك شي
بليز لاتتركي المنتدى خبرينا بالاول
شو صاير وشو سببتلك عشان كل هالكلام لي
مع العلم اني حريصه واحب كل عضوه بالمنتدى

فهمينا بليز

تعليق على الرد
تسلمي ريم على حرصك علينا
وهذا شرف منك انك تهتمي لنا كأعضاء:p
بأخر مقلب مع ريم قررت اوقف لعب وارضى بس للردود اللي معي..

مع العلم فيه رسلت لاكثر من عضو ومشرف وما ردوا..!!

والشكر كل الشكر للي اهتم واستفسر عن سبب الرساله
اتمنى ان ما احد يزعل وتتقبلو هالدعابه بروح مرحه

كانت معكم اختكم بنوته من مقر الحدث كما حدث في منتدى جعلان..

بنوتة مسقط: يسلموو اختي دعابة حلوووووووووة كثير .....
بس لو رسلتي لي انا المسج بتشوفي ايش بعمل معاج:mad: ....... اممممممزح

تقبلي مروروي: حنان جعلان

يسلم لي مرورك حنان جعلان...
وليش لا يمكن الجايات احسن..:D
بيجي دورك:cool:

الله يعين الي طاح في الفخ
بس اخاااااااف يدور الدور و ويعملو لك فخ
هههههههههههههههههههه

انا بصراحة تعليقي على الموضوع هو : أختبرتي كل هذيلا الناس وكلهم ما شاء الله من وجهة نظري انهم ناس طيبين وخلوقين وقلبهم كبير وابيض وهذا شي مو غريب عليهم ويعطيهم الف عافية .
شكرا بنوتة مسقط على الموضوع
تقبلو تحياتي
راعي الكروزر

عاد ما مقلب وطحت انا فيها بس مقلب وااايد حلو

حاـــــــــــــــــــــــــــــووووووه

مقلب وايد حلو

المشاركة الأصلية كتبت بواسطة الطوفان الله يعين الي طاح في الفخ بس اخاااااااف يدور الدور و ويعملو لك فخ هههههههههههههههههههه

ايه والله حتى انا حاسبه لهالشئ حساب..
يسلم مرورك..:)

المشاركة الأصلية كتبت بواسطة راعي الكروزر انا بصراحة تعليقي على الموضوع هو : أختبرتي كل هذيلا الناس وكلهم ما شاء الله من وجهة نظري انهم ناس طيبين وخلوقين وقلبهم كبير وابيض وهذا شي مو غريب عليهم ويعطيهم الف عافية . شكرا بنوتة مسقط على الموضوع تقبلو تحياتي راعي الكروزر

وانا معاك بهالنقطة..
ان شاء الله نكون دوم حبايب بهالمنتدى..
يسلم لي مرورك راعي الكروزر..:)

المشاركة الأصلية كتبت بواسطة جعلاني للابد عاد ما مقلب وطحت انا فيها بس مقلب وااايد حلو

تعيش وتاكل غيرها غيرها..
مرورك الاروع اخ جعلاني..