بسم الله الرحمن الرحيم


السلام عليكم ورحمةالله وبركاته


عندما تتغير معامله شخص غالي عليك



عندمـــا تتغيــر معاملة شخص غالي عليــك ويــاليت بس غالي..يكون هذا الشخص صديق عمرك..ويقربلك..يعني من كل النواحي..
فجـــأه تتغير معاملته معاك..وبدوووون اي سبب..ولاحتى غلطت عليــه اوجرحته بشي عشان تقول لنفسك انه غير معاملته عشان يحسسك بالذنب
اذا كلمتــه يرد عليـــك بجفاوه..وعدم اهتمام..
واذا سألته عن اللي يكون مضايقه..يرد عليك ويقول مافي شي..

تحاول تقترب منه..وهو يبعد عنــــك..

واذا تجمعتوا مع اصحابكم...يكوون مبسوووط..ويحكي ويسولف..
واذا راحوا وبقيت انت..وهو بس..يرجع مثل اوول..وكأن كل الضيوف راحوا..وانت عالهامش..(جيت اوكي الله يحييك..ماجيت..بسلامتك)..
تطلع..مايودعك..مثل اللي راحوا..تجي عادي يسلم..ولاكأنك تجي عشانه..
احيـــانا تجلسوون وتسوولفون..ومع اصحابكم..واذا جيت انت وسألته عن شي يرد عليك..بأسلوب يضيق الخلق..ويقول ماادري اواي شي..وفجأه تلقاه يسولف مع واحد من الاصدقاء عن هالشي اللي سألت عنه..تحسه كأنه مايبيك تعرف..اومايبي يقوولك..

والمشكله اللي اكبــــــر من هذا كلّه..اذا كانت علاقتك انت وهو قويــــه..اكثرمن الشخص اللي يسولفله..ويقول له..
واشيــــاء وتصير احداث..وانت آخــــر من يعلم..والمفروض انت قبل كلل الناس تدري..

وسبحــــــــــان الله..انت تعامله العكس تماماً,,,
بكل اللي ذكرته فوق...انت تعامله,,العكس...

تحــــس انك الوحيــد بهالدنيـــا..مالك احدفيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..
تحــــس انك مسوي جريمه رغم انك..ماعمرك غلطت عليه..
تحــــس انك غلطـــان رغم انك..ماعمرك جرحته,,

شــاللي رح تسوويـــه..بهالموقف..
تروح عنده...وتقوول له عن اللي بقلبك..؟؟...تسكــت وتخلـــي همك بقلبك..؟؟؟

لاتحرموني من أرائكم ؟؟

ولكم مني ارق التحايا


اختكم

روح البداوه

م
ن
ق
و
ل

الصراحة اشكرك لان هالقصة صارت بالفعل عندي مع اعز اعز اصحابي

مشكوره اختي واتمنى اني ما يتغير احد عليه

:( :(

والله انا الحين فهاالموقف

بس خبروني شو اسوي

ما في افضل من الصراحه لعلاج مثل هذا الموقف
لكن تصرف بذكاء اختار الوقت المناسب والكلمات المناسبه
ولا تبدأ بالعتاب أخي الملك واحيانا الابتعاد لفتره من الزمن يفيد
حيث أنه راح يفتقدك ويحس بقيمتك ولا تنسى أهم شي أنك تحافظ على كرامتك
الله يعينك وياارب تتيسر امورك
وكل الشكر لروح البداويه على الموضوع الشيق

انا بخبرك العامري موه تسوي
سوي كماي وطبله عينه يجيله يوم ويرجع لطبيعته
من عافنا عفناه ولو كان غالي

عامل الناس مثل مايعاملوك
اذا عاملك بجفا اجفيه
واذا عاملك زين عامله زين
كما تدين تدان

مشكورين عالمرور

وجزاكم الله الف خير

السموحه
روح البداوه

انا اعيش هالايام فهالحاله نفس الشي مع صديقتي نفس الكلام الي مكتوب مطابق لتصرفات صديقتي كل وحده شاله هم على الثانية مع انه اترك لها المجال تجول الي فخاطرها واعاملها مثل ما تريد لاكن هي شكلها ملات اصلا من شي اسمه صداقه مع انه ما صار بينا شي الى لما عشنا مع بعض اللحين لاحظت تصرفات عليها اكلمه وما يعجبها يعني شو الواحد لما يضايق من شي فصديقة ما يصارحه فهالشي احسها هية ما تريدني اكلمها فشي كيف انا برتاح معها بهالطريقة ما تهمها راحتي اهم شي راحتها وبس لاكن كل تصرفاتها وبعدني احبه زود وزود بس هيه ما حاسه وايد احسني اتعذب كل ما الاحظ تصرف عليها ما اعرف شو اسوي (الحل الوحيد الصراحه بينا بس هية ما تعطيني مجال ما يمكن تريدني ابتعد عنها يمكن بس اريدها تجولي اذا تريدني ابتعد ببتعد صح اهو صعب بس ببتعد ما احب احد يجاملني)................................ والسلام يا روح البداوة

[QUOTE=الهندية]انا اعيش هالايام فهالحاله نفس الشي مع صديقتي نفس الكلام الي مكتوب مطابق لتصرفات صديقتي كل وحده شاله هم على الثانية مع انه اترك لها المجال تجول الي فخاطرها واعاملها مثل ما تريد لاكن هي شكلها ملات اصلا من شي اسمه صداقه مع انه ما صار بينا شي الى لما عشنا مع بعض اللحين لاحظت تصرفات عليها اكلمه وما يعجبها يعني شو الواحد لما يضايق من شي فصديقة ما يصارحه فهالشي احسها هية ما تريدني اكلمها فشي كيف انا برتاح معها بهالطريقة ما تهمها راحتي اهم شي راحتها وبس لاكن كل تصرفاتها وبعدني احبه زود وزود بس هيه ما حاسه وايد احسني اتعذب كل ما الاحظ تصرف عليها ما اعرف شو اسوي (الحل الوحيد الصراحه بينا بس هية ما تعطيني مجال ما يمكن تريدني ابتعد عنها يمكن بس اريدها تجولي اذا تريدني ابتعد ببتعد صح اهو صعب بس ببتعد ما احب احد يجاملني)................................ والسلام يا روح البداوة[/ انا تعلمت من امي الصبر وايد بشوف شو اخرت هالصداقة.................ز:confused: