تنويهات للمطورين !
قوانين الإستخدام / Terms Of Use نظام الترقية / System Upgrade نظام الأشراف / System Supervisor
قوانين الإستخدام / Terms Of Use نظام الترقية / System Upgrade نظام الأشراف / System Supervisor
أهلا وسهلا بك إلى منتديات جعلان.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
| الملاحظات |
|
|
أدوات الموضوع | انواع عرض الموضوع |
|
جعلاني فعال
غير متواجد
|
كلمات اغاني الفنان خالد عبدالرحمن
السلام عليكم
كيفكم ان شاء الله بخير ... اليوم جايبتلكم (( الجزء الاول من كلمات اغاني الفنان خالد عبدالرحمن (( مخاوي الليل )) اغاااانيه مرررره روووعه ان شاء الله راح تعجبكم وهذي هيا الكلمات لاتعتذر تصبح وتمسي وترقد دون تسمعني...عودت قلبك على هجري ونسياني انت تعمدت بغيابك تقاطعني...وانت تسببت في همي واحزاني صبرت بس الصبر ماكان ينفعني..ومليت مل انتظار وبعدك اشقاني ياماتمنيت شوفك وانت تمنعني... وانت تجاهلت احاسييسي ووجداني لاتعتذر في العذر ماعاد يقنعني.. من عقب ماذقت من صد وحرماني انا اتحداك اذا تقدر ترجعني... اوا نت تقدر على بعدي وهجراني ماعاد لك اي دافع شوق يدفعني.. من عقب ماانت تبيع بارخص اثماني بالحيل عانيت من بعدك ولوعني..جرب عذاب الفراق ويمكن تعاني لالا تحاول وابعد روح وطاوعني ..ولاتفكر انك تعود لدنيتي ثاني ماعاد حبك ولاشوفك يولعني ..انا نسيتك واطلب منك تنساني ================ وجه المرايا غاب القمر وانكسر وجه المرايا فيك.. والحزن نثر على وجهي شظاياها والليل اصبح عذاب وحسرة وتشكيك... يرسم همومه واحاول اتحاشاها حتى المدينة حزينه عينها تبكيك... ويبكيك قلبي وعيني نثرت ماها ياغايب عن عيوني خاطري يطريك... في كل لحظة عيونك كيف بانساها لو غبت ماغاب طيفك عني وطاريك.. كنك معي في خفايا الروح واقصاها الله يصونك ويهنى بشوفتك غاليك.. وتقر عينه بشوفك ياهنياها يامن سلب مهجتي هذا العنى يرضيك.. وغيبتك عنا صعيبة ماقويناها ودي اجبر كسر وجه المرايا فيك.. واحضن همومي وابروزها بمراياها ================ الصورة المكسورة بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار اشوفك تنظرين لها بضحكة عين مسرورة.. وافكر نظرتك شوق معاها جملتين اعذار واثاري نظرتك مرت عليها بس مجبورة..قصدتي خلفها وجهك تشتت في مرايا الدار نسيتي واصبحت صورة مع الايام مهجوره..نسيتي وابتدت ترحل من البرواز والاسوار نسيتي بس خليها يابنت الناس مستورة.. نسيتيني وانا مثلك نسيتك والزمن دوار انا نفسي بديت انسى ملامح هذي الصورة..دخيلك لاتخليها بالبوم الصور تذكار بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار ================ خيط الامل من عافته نفسك ترانا نعافه أنا على شفك وخذني على الكيف من الوصل تقصر عليك المسافه أقرب من المتكي على معنز الضيف نفس يموت بها الرجا.. يا حسافه أضعف من الشعره على مقطع السيف واللي قضب خيط الامل..لا وشافه حظه يقوم أقداذ من غير تكليف انت الذي برقه علينا كشافه البرق والهتان جا عقبه الطيف =================== خيط الولع طرف جفن عيني لمكحولة العين عين ايقظت فيني من الشوق ما كان خيط الولع خلاني اتبعك يا زين وخيط جذب في خاطري حد وجدان راح الفكر ينظم من الشعر بيتن شافه بنظم الشعر مرسوم الاعيان شفت الحلا فيها يوصف بوصن وصف الحسن وصف يبين لها شان يا ظالمة غظي من الطرف تكفين من قبل عين النفس تطوا بالاكفان يا ماخذه قلبي بكفك على وين يومي معك شفق ولا ذقت سلوان الله وأكبر لو لي معك وقتين وقت تعيش بك حلو الازمان وقت نهاره ليل والعين بالعين أسهر ونزمي ما يعارض بالاجفان أسهر بليلي والقمر وجهك الزين منور حلا يكسف حيا غادي ألوان فيني من الوجدان واشوق حملين عسى خفوقي يشمله منك الاحسان =================== علمتني حبك وشلون ما اغليك وأنت الذي علمتني حبك يا هاجسي ... عشقي عيونك إسأل ... وتلقى الجواب في ناظر عيوني تصوير لآجمل عذاب حبك يا مفتوني تلقي حياتي كلها لذة غرام مهما سهر طرفي أو جارت ظروفي أو عشت أنا الحرمان تلقى حياتي كلها لذه غرام يا عذب الصفات ... يا كل الحياة صبرك علي ... هذا قليل مهما ترى من تضحيات هذا قليل ... خل السهر لعيون من حبك خل العيون اللي لها عشقي تبات ======================== صارحيني صارحيني منهو أنا بدنيتك منهو أنا بدنيتك.... جاوبيني إن كنت فعلا منيتك.... إن كنت فعلا منيتك.... ما كنت أرضى تزعلين.... وإنتي بتهدين الزعل.... ما أطيق عني تبعدين في قربي حسيت بملل.... محرومة عيني شوفتك لا تحرميني كلمتك.... حتى الصراحة بيننا صارت صعيبة بدربنا.... وإن كان ودك تبعدين صعبة أنا أنسى حبنا.... ما يعني هذا ترجعين في دنيتي بألقى الهنا.... كلمات : ( رياض إبراهيم ) ألحان : ( خالد عبد الرحمن ======================= صدقيني صدقيني قلبي يحكي لك حقيقة.... صدقيني ما أرى غيرك ملاك.... من أجل وصلك باتخذ أية طريقة.... ما أبالي لو طريقي لك هلاك.... بعدك ولا غيابك على نفسي ما أطيقه.... كيف أجاهد روح.... تشقى من غلاك شرع الخطا يا زين عم الخليقة.... وإن هفا شوقي معك أبغى رضاك.... يا زمان اللوم أحرق لي وثيقة.... طيها دستور بظلمه وطاك منهو فينا.... أو في البشر ما نشف ريقه.... كم قيل عنهم الشقي هذا وذاك.... الشك من طبعك وباحساسك رقيقه.... مقبولة عندي ولو هذا عطاك.... روحي تنادي لك بصرخة غريقه.... يوم أغرقها ليش عيني ما تراك.... كلمات : ( مخاوي الليل ) ألحان : ( خالد عبد الرحمن ====================== بلا ميعاد فجأة طلبتني لها بلا ميعاد.... طول إنتظاري عل حالي بسببها.... لبيت وجيت قبالها شفتها تزداد.... روعة بصورة حسن ربي رسمها.... عيني أنا بعينها والقلوب أبعاد.... أخشى هدب عيني يلامس هدبها.... ما أقوى الحكي حينها والقلب ما أعتاد.... على لقى اللي حبها من عرفها.... نظرة سواد عيونها هذا المنى والمراد.... لهفة شفايف طولت في عناقها.... كلمات : ( مخاوي الليل ) ألحان : ( خالد عبدالرحمن ) ===================== خذ ما تبي خذ ما تبي بس أترك القلب يرتاح.... لا بالمودة عطيته لا بالصراحة خذيته.... في غايتك تغتار منك الأرواح.... صدقي خيانة جزيته يا كم بغيري نويته.... كافي علي أصبحت بالسهد فضاح.... غصب علي حكيته بكاني حظي وبكيته.... قل لي متى ترسم على قلبي جراح.... منك الصبر ما قويته أفقدتني ما أحتويته.... أملكت كل قلب الوفي ومعك مفتاح.... عقب الندم وش رأيته عن حب غيرك عميته.... من علمك ترمي بقيعان الأرماح.... باب القتل نويته عمري بكفن حي طويته.... جذع ذوى عطشان لو ترفعه طاح.... تتعب معه لو ركيته ما هو بحي لو سقيته.... لا تنتظر رجعه ولا تطري أصفاح.... ما أقول حبك وطيته ما أقول حبك نسيته.... أبعد عسى في دربك اليوم ترتاح.... أنت الذي أحتويته لا .. بالغصيبه مشيته.... كلمات : ( مخاوي الليل ) ألحان : ( خالد عبدالرحمن ======================== لأجل حبك رجعنا بعد ما كنت .. بعيد .. وإنتي بعيده.... وأنا يا منيتي آمنت .. فراقك .. قلبي ما يطيقه قويتي الصبر في فرقاي .. وأنا في غيبتك ما أقواه نسيتي يوم كنت معاي .. والنسيان بك أتحداه هل هو شعورك يالغريب .. أو أنا ماني لك حبيب ... ... ... ... ... ... ثلاث سنين بنا مرت .. ولا كنا نحس بخوف عيوني مني تبرت .. قليل النوم فقدها الشوف لأجل حبك قويت أسهر .. إلى حتى طلوع الشمس وهذا لعيني مقدر .. يمر اليوم مثل الأمس مدري متى شمسك تغيب .. مدري جرحي يطيب كلمات : ( مخاوي الليل ) ألحان : ( خالد عبدالرحمن ======================== بقايا جروح خذني بقايا جروح .. أرجوك داويني لا تروح الروح كفا عذابي منك .. ليه تسقيني ما فوق جرحي جرح .. وجروحي تاويني وصبري فقدته بجرح الموت له حروه .. خوفي يمسيني يا خل يا مرتاح .. ليتك تواسيني لا تنوي المرواح ملامحي جروح .. وش منك يشفيني ما بين عصف وريح .. الهم طاويني وانت لاهي مريح أبيك لعمري يوم .. بالوجد تعطيني كلمات : ( مخاوي الليل ) ألحان : ( خالد عبد الرحمن ======================= ضويتي ضويتي بخاطري شمعة نسيت إني بوسط الناس عيونك هلت الدمعة دلايل رهفة الإحساس صمتك حديث عيونك همس الحكي بشفاتك شفت الحيا من دونك مخلوق في همساتك عيني على ما تنظره ومنك اشغلتني نظرتك شوقي ترى ما أقدره ساقني في طاعتك وقت مضى لا يهمك انتهى مع ناسه واللي جذبني يمك يصعب علي قياسه تذكري بكرة وبعد للقا وش ننتظر ننتظر حلو الوعد وبسعادة نستمر كلمات : ( مخاوي الليل ) ألحان : ( خالد عبد الرحمن ====================== يا لايمتني يا لا يمتني ما بقى لي شفاعة.... ساد الشكل وتغيرت كل الأوضاع.... ما عاد لك مني ولا حرف طاعة.... خل الفراق اللي على الوصل قطاع.... في طي لحظات افترقنا بساعه.... ماني على فرقاك يا بنت جزاع.... ما يمنعك خافق يعرف المناعه.... لو أن الهوى في خاطري حمل ووضاع.... أغواك من هو ساعي بالقطاعه.... وشلون تفكيرك على الذم ينصاع.... بعتيه للهرجات وأهل الإشاعة.... لولا بني جنسك على الغيرة جياع.... للصدق في نفسي بحفظه وداعه.... وللفكر بخصال الموازين جماع.... أقدم جميل العطايا باستطاعه.... قدمت ما عندي ومنك العطا ضاع.... كلمات مخاوي الليل ) ألحان خالد عبد الرحمن ======================= لا تناجي لا لا تناجي كفاك نضال دع لي غرامي وجد لك أمل لا لم أراك يوما حفظت الوصال.... إدفع ثمن هزلك بهذا الجهل.... إجعل من الماضي ذكرى تقال.... وأعرض عن الحاضر كفاك جدل.... أنا لست أحيي مالا بذاك الجمال.... ذهب الجمال منك أم لا يزل.... أسألك يوم غدري أجبني السؤال.... أم للغرام شرعك حب الهزل.... لك تجدني قريبا بعيد المنال.... قلبي بهيمانه وضع ما حمل أنصحك لا تعايش ذميم الخصال.... تغدو إلى دنيا تعاني الفشل.... ضع للغرام قدرا كفاك إحتيال.... وأعدل بحق غيرك كما لك عدل.... كلمات : ( مخاوي الليل ) ألحان : ( خالد عبد الرحمن ======================= تروعني تروعني لواحظ هالجميلة.... إلا سلهم ولي بالعين سلم.... يغض الطرف عن غيري وأجي له.... وأسولف له وأعاتب وأتكلم.... صدوق الود لعيونه نشيله.... على كفي خفوقي له مقدم.... أعرف الزين وعيوني تخيله.... عسى عذب اللي ما يعطف ويرحم.... على هاك النحر شوف الجديلة.... يزم شفاه موقه ويتبسم.... عديل الروح روحي له عديلة.... على صوته وجدي ترنم.... كلمات : ( خالد المجاهد ) ألحان : ( خالد عبد الرحمن ===================== طرف جفن عيني طرف جفن عيني لمكحولة العين.... عيني مضت فيني من الشوق ما كان خيط الولع خلاني أتبعك يا زين.... خيط جذب في خاطري حر وجدان.... راح الفكر ينظم من الشعر بيتين.... شاقه بنظم الشعر مرسوم الأعيان.... شفت الحلى فيها يوصف بوصفين.... وصف الحسن ووصف يبين لها شان.... يا ظالمة غضي من الطرف تكفين.... لا تودعين النفس لبيض الأكفان.... يا ماخذه بلا عطا للبعد وين.... توني معك شفق ما ذقت سلوان.... الله وأكبر ليتني معك وقتين.... وقت تعيش النفس بك حلو الأزمان.... وقت نهاره ليل والعين بالعين.... أسهر ونومي ما يعارض لي أجفان.... أسهر بليلي والقمر وجهك الزين.... منور حلو يكسف حياء غادي ألوان.... فيني من الوجدان والشوق حملين.... عسى خفوقي يشمله منك الإحسان.... كلمات : ( مخاوي الليل ) ألحان : ( خالد عبد الرحمن ====================== دق البخت دق البخت بابي .. من عقب طول غياب .. الزين وافاني حملته عتابي .. ومهما افترقنا أحباب .. أهواه ويهواني أدمعت عينه .. وأدمعت عيني.. كفانا من زود الفرح هلة دموع .. عمري إبتدا لي اليوم .. ما للي فات حساب .. من عقب ما جاني.... وقلت كل اللوم .. في كلمتين عتاب .. بالطيب يلقاني أدمعت عينه .. وأدمعت عيني.. كفانا من زود الفرح هلة دموع .. حبيبي وأدري به .. والظن به ما خاب .. عود علي عاني قدر لي الطيبة .. وطاب الهوى له طاب .. في مرتع أحضاني أدمعت عينه .. وأدمعت عيني.. كفانا من زود الفرح هلة دموع .. كلمات : ( مخاوي الليل ) ألحان : ( مساعد العيسى ===================== الله أقوى الله أقوى لين خانتني الظروف ماهقيت الليل ما يوفي الوعد ماتت الفرحة وأنا بعيني أشوف حارت أقداري وقلبي في جلد لي وأنا في ظلمة الليل وقوف القمر شاهد ولا غيره أحد وقتنا قاسي وفينا ما يرووف تسأله عيني وعينه ما ترد لهفته لي مثل قلبي له شغوف له عنيت وأوفيت أنا له بالوعد سلهمة عيني بها رجوى وخوف ليلنا جانا بعكس اللي نود منوة الظامي منها الرشوف يا بخت من شافه ووافاه السعد يا سراب ولو مسكتك بالكفوف لو شربت أظما وهي تظما بعد .. ماهقيت الليل ما يوفي الوعد .. كلمات : ( خالد المجاهد ) ألحان : ( خالد عبدالرحمن ==================== افراق افراق .. افراق .. على حروة افراق .. ليلي ونهاري .. ما ينطاق وش بيدي .. ما دام هذا اختيارك .. فوق خدي .. دمعة تقبل اعتذارك خنت عهدي .. ورديت لك اعتبارك .. قسوة ضدي .. يا راميتني بنارك أخشى أكره .. والقلب يرفض عطاه .. دمعة تشره .. كيف حبيبي لا قسى طول عمره .. ما حس بقلبي وعصى .. صان قدره .. ولا مرة شكى ما أطلبك .. ليه تردين .. مالك غلا يا مرخصتني دنيا تتوه بها العناوين .. بدال ما نتي حضنتني لكني بأقول لك .. مني أنا .. أشرهت عليك دمعة افراق . كلمات : ( مخاوي الليل ) ألحان : ( خالد عبد الرحمن ================== فكري وروحي فكري وروحي يمك قريبه.... ما تبتعد عنك ولو صرت أنا بعيد.... أشواقي لا زادت ما هي غريبة.... فرض إلا غبتي أشواقي تزيد.... الوقت ما هو شيء بدون شوفك.... وأدري أن حبي حي في وسط جوفك.... يكفي إنك تحس بعذابي وشكواي.... راضي بحبك لو هو همي وبلواي.... عندي أمل بنلتقي يا حبيبة.... صدفة بتجمعنا بليا مواعيد.... قلبي معك لا شك بياخذ نصيبة.... لقيا برضى الخاطر عسى أيامنا عيد.... أنسى الألم وانتي تنسين خوفك.... قدرك لي ما هو شوي والله ما أعوفك.... أنتي السعادة لي وانتي سبب شكواي.... وأنتي فرح ودموع ورسمات دنياي.... كلمات : ( رياض إبراهيم ) ألحان : ( خالد عبد الرحمن ===================== لي متى لي متى قلبي أسيرك.... لي متى عيني تهل لي متى أبكي هجيرك وأنت يمي لك محل أرتعش الله يجيرك قلبي اللي ما يمل قلبي اللي ما يمل يشتكي قسوة ضميرك.... كيف تخدعني وتحل ما عطيت الحب غيرك وأنت تجرح ما تمل لا تقول لي ما أبي غيرك الكذب ما يكتمل الكذب ما يكتمل عاذل موت ضميرك مبعد عنه الخجل ما له إلا في عشيرك طعن وسيوف تسل وأنت راضي به يسيرك كيف دربك ما يزل كيف دربك ما يزل يا حسافه طار طيرك مدمي جرحه يهل وانطفى نجم ينيرك وأنا أبي حل للأجل كثر الله ألف خيرك تهدي الموت بعجل تهدي الموت بعجل كلمات : ( الأثير ) ألحان : ( عاشق ================== تقوى الهجر تقوى الهجر .. وش لي بقى عندك .. تدور لي عذر .. لا تعتذر تقوى الهجر .. ما نجبره .. من عافنا ما ينجبر .. لا تعتذر زاح الصبر .. لا لا تعنى لي وتمر .. وتبغى الصبر .. وين الصبر جرحي عميق .. والقلب في دمه غريق وتبغى الصبر .. ويلاه من وين الصبر .. مهما تقول لا تعتذر مهما تقول .. من الأغاني والجمل .. ما يحتمل .. قلبي فدية جبر الألم يمشي معك درب الندم .. ما يحتمل يكفي عليه .. منك احتمل كذب وغدر .. حبك سراب .. ضيعت وقتي أتبعه وسط الضباب .. وصوتك ينادي اسمعه .. صرت أتبعه .. واليوم في صحراء الظما .. ترمي فؤادي وتحرقه .. ترجع تقول .. أبعتذر .. ليه العذر دام الهوى .. ما له على قولك عذر .. والجرح يا جرحي يداويه الصبر .. ليه العذر ؟؟ الله كريم .. الله عليم .. هو عالم بالحال .. ولا يمكن يظيم عزاه لك .. يا قلب يا أحلى نديم .. عزتي .. للحب لو يصبح يتيم حبك يتيم .. وكلك ندم .. حبك يتيم وين الندم بين السطور .. أمر العدم ماله ظهور .. ترى هذا غرور .. هذا غرور تمشي بطريق .. وأنا بطريق .. اللي يوديني لبعيد عنك يا أول رفيق .. البعد يعفيني المزيد وين الوفى والتضحية .. وينك رفيق .. وين الوفى والتضحية .. وينك رفيق .. وبتجمع أوراق السنين لا تنسى تجمع جروحي .. ودمعي .. وآهاتي معك وقلبي بعد ما قتلته .. يا رفيقي .. ما عاد يقدر يمنعك كل الأمر .. عاد بيديك .. يا خل يا هاجر .. ما عندك عذر كلمات : ( الأمل المجروح ) ألحان : ( خالد عبد الرحمن ) ======================= لك خافقي ليتك لعيني قريبه .. كان أبسهر ونومي لجفني حرام عمري عطا وأسخي به .. ما يضيع العمر دام له مثلك غرام أنتظر متى على الفرحة تجين .. ودنيتي في ناظري بقربك تزين طرفي اشتكى لي شوق .. بالله وش أسوي به ما بقى من هالعمر كثر اللي راح .. وشوفتك يا شوق تبري الجراح عشت لك من غير إحساسي ما أقول وبأنتظر لو غيابك لي يطول ردي على الولهان .. لا يهون بك تعذيبه كلمات : ( مخاوي الليل ) ألحان : ( مساعد العيسى ====================== يا شوق ماني على فرقاك يا شوق ناوي مير الزمن له وقفة بين الأحباب يشهد على ما أقول قلب شقاوي دمع نثرته بان من بين الأهداب كانك على ذبح الوفى فيني قاوي تذبح خفوق اللي يحبك ولا تاب واللي بقى من وقتنا ما يساوي لحظة نعانيها من البعد أغراب لا يا نجوم الليل ماني بهاوي فرقى مناة الروح ولو طالت أسباب يا ناصحين القلب ما له مداوي غير الحبيب اللي له القلب طلاب كلمات : ( فهد بن خالد ) ألحان : ( خالد عبدالرحمن =================== حقيقة حقيقة فعلك ما يطاق ومن يستحق فينا العتب وإن كان تنوين الفراق سهلة عليك بلا سبب قليل أحس بطيبتك كثير منك اللوم لا تتعبيني وش بقى بارضى الشقا لي دوم ما بيننا دار الزعل باظلمك في كل الخطا والجد أبقى من الهزل والتضحية أصل العطا وشلون أبمشي بطاعتك وانتي علي تقسين إخذي القرار براحتك ما اسألك زين أو شين من كثر خوفي والألم ما عاد أحس بأي خوف سرت الخطا بليل الظلم عرفت حالك سمع وشوف إن كان لي حق .. أبيه وإن كان ما لي أنسحب واللي تبينه ادفعيه قلبك يبي منهو يحب كلمات : ( مخاوي الليل ) ألحان : ( خالد عبد الرحمن ===================== أهلا هلا بك أهلا هلا بك .. يا بعد كل من لي يا أغلى من الغالين يا روح روحي يفز لك قلبي .. وأرحب وأهلي تطيب لي قربك جميع الجروح لك طلعة مثل القمر يوم هلي خلا سواد الليل نور يلوح يمك دعاني زايد الشوق كلي جيتك وأنا قلبي بحبك يبوح تعال نحكي عن مشاعرك قل لي واحكي لك همومي وجرحي ونوحي هاج الغرام وتله الود تل قلب قبل عرفك حياته مزوح كلمات : ( سعود بن عبد الله ) ألحان : ( خالد عبد الرحمن =================== انتظرته انتظرته وقلبي احساسه يقول صوت خلي اليوم ما أظن أسمعه الخبر عندي وغيبته بتطول وقتي من اليوم حسابه باجمعه ضاق بي صدري وأدور له حلول في ضميري نار شوقي مولعه عشت في دنيا أدور بها وأجول عشت فيها بضيق وعايشت السعة ما لقيت اللي على دربي صمول كود بعض الناس وقته يمنعه روضتي جفت وأنا خلي سيول مبعد عني وقلبي يتبعه طبعها اللي يوصف بالطبع الخجول بين كل الناس عندي أرفعه الغريب اللي أسولف له وأقول عن هوى نفسي كلامي أقنعه ما يلام اللي مثل حالي ينول لو قضى دينه يساهر مدمعه لي على الغالي وشوفاته ميول من زود شوقي لغرامي أصنعه لو حصل لي شوفته همي يزول وقتها أنسى البشر وأجلس معه أذكر إني بغيبته دايم أقول هو حياة القلب هو له مطمعه فرحتي يا خالد بيوم الوصول بافرح لقلبي بهم ودعه كلمات : ( رياض إبراهيم ) ألحان : ( خالد عبد الرحمن ===================== من دلعك من دلعك .. خلاك تختال عز الله إنه بدلاله متعك من صورك .. سبحانه اختار بالزين أحلاها صورة شرعك منك اغتذى الشوف .. وأنا اغتذت روحي دونك بحر خوف .. وسلاحي جروحي وقتي معك .. نظرة وترحال صدفة تبين لي مشارف مطلعك ما أروعك .. يا ملفت أنظار خليت كلالخلق خلفك تتبعك منك اغتذى الشوف .. وأنا اغتذت روحي دونك بحر خوف .. وسلاحي جروحي ليته معك .. وقت اللقا طال شفيتها نفسي قبل ما أودعك من يمنعك .. تمشي وتختال ولا ترى بالخلق منهو يمنعك كلمات : ( مخاوي الليل ) ألحان : ( خالد عبد الرحمن =================== لو بكيت لو بكيت دموع عيني ما تفيد وإن شكيت الشكوى ما فيها مسد كل يوم يذوب في قلبي وريد أتصبر مير ما عندي جلد نار شوقي لك يذوب لها الحديد وانتثر دمعي على خدي بدد دايم يا شوق شوقي لك جديد وإن سألت العين لك فيها مرد دمعتي تنبيك عن حب أكيد غيرها يا روح روحي وش بعد كان قلبي قبل عرفي لك عنيد ما يحن ولا رمى غيرك لأحد لين طوعته بحبك يا وحيد والمحب يطيع محبوبه وحسب يا حبيبي غير شوفك لا ما اريد دوك طرفي طاير فيه السهد يا حبيبي فيك يا حلو القصيد لو كتبت الشعر في غيرك شرد أتغنى فيك بأشواقي نشيد بأصدق اللي قيل من بنت لولد كلمات : ( غيوض ) ألحان : ( سمير مبروك =================== حروف الحب أكتب حروف الحب حبس برجليك قيد يقيد خطوتك لا تروح إقعد معاي وإن رحت خذني مخاويك آن لا تروح إن كان قفيت روحي ريظ خطا رجلك شوي لغاليك خله عليك بسر حبه يبوح يا واحد مالك شبيه لك بحاليك يبس بحبك من ظماها شحوح أغليك واللي كون الكون أنا أغليك حب الغلا ماهو بمثل حب المزوح يا غالي دمعات عيني تناجيك هداير من فوق خدي تفوح حتى وأنا في غفوة النوم أناديك وطيفك على شاشة خيالي يلوح إرجع علي وضمني بين أياديك ضمة غلا تحيي بها بيت روحي كلمات : ( غيوض ) ألحان : ( سمير مبروك ================== يا حبنيلك يا حبنيلك دون كل المخاليق ياللي تساوي كل شيء بحياتي لا شفت زولك ينجلي عني الضيق وإن غبت عن عيني تزيد عبراتي دايم عيوني من فراقك غواريق وطلعتك ترسم بسمتي في شفاتي الحب مفتاح القفول المغاليق وحبك دواي وفرحتي يا غناتي أغليك وإن لي بلشه فيك بالريق يا منوتي دايم محقق مناتي غلاك ساقه رامعي في المعاليق ولولاه عيني ما تعدت وطاتي كلمات : ( غيوض ) ألحان : ( سمير مبروك ================== وين انت وين انت قبل اللي مضى سنيني يا مسعد باقي حياتي بالأفراح ما قول قبلك في حياتي ضنيني ولا نيب مع غيرك من الناس مرتاح حتى فرحك ارهب شقاي الدفين ومنك السعادة بددت هاك الأشباح يا غالي قرة بلاماك عيني حبي وحبك من سبب ربط الأرواح كأس الهنا تو أقضبنه ايديني وأروى ظمأ وقتي هذاك الذي راح والله ما لك في حياتي وزين برق الفرح قبلك على العين ما لاح كلمات : ( غيوض ) ألحان : ( خالد عبدالرحمن ================= موادع موادع وكل خل جاك .. بيجيه وقت ويوادع موادع وكم خل قال .. بعد فرقاه راجع .. موادع أعد الوقت بحسابي ليالي وأشوف حساب غيري له ثواني غريب الوقت في طبعه يعاند أبي أطويه ولكنه طواني حبيبي فارق عيوني ولاجه تقلب صورته فيني مواجع غريب الوقت يا ليته يطاوع يمر يمكن يجي منهو موادع دموعي تطلب عيوني نهاية وجرحي ينزف المعنى قصايد موادع صارت بعمري حكاية وعمري ماخذ أحزاني عوايد حبيبي يقبل وقلبي يهلي يمد إيديه يطلبني أجي له وإلا مني جيته ودمعي يهلي لقيته هاجس معنى رحيله عجايب كل هالدنيا عجايب دموع وحزن ومفارق حبايب تسلي خاطر المحبوب لحظة ويرجع عاشق الأحلام خايب يروح العاشق المجروح يبكي ويشكي وقت في طبعه مخادع صحيح الحب في الدنيا ولكن يعيب الوقت في حبه مخادع كلمات : ( العاشق ) ألحان : ( سمير مبروك ==================== تقبلوا تحياتي
|
|
جعلاني برونزي
غير متواجد
|
مشكوووووووووور ... ذكرتنا بأغاني مخاوي الليل
|
|
جعلاني فعال
غير متواجد
|
أهلا هلا بك
أهلا هلا بك .. يا بعد كل من لي يا أغلى من الغالين يا روح روحي يفز لك قلبي .. وأرحب وأهلي تطيب لي قربك جميع الجروح لك طلعة مثل القمر يوم هلي خلا سواد الليل نور يلوح يمك دعاني زايد الشوق كلي جيتك وأنا قلبي بحبك يبوح تعال نحكي عن مشاعرك قل لي واحكي لك همومي وجرحي ونوحي هاج الغرام وتله الود تل قلب قبل عرفك حياته مزوح كلمات : ( سعود بن عبد الله ) ألحان : ( خالد عبد الرحمن روووعه الله يعطيك العافية |
«
الموضوع السابق
|
الموضوع التالي
»
العرض العادي
|
|
الساعة الآن 11:23 PM