مااخترت أهيم بغرامك واحرق اعصابي ..


.. وأذوق منك القسى وأقول وش هو له



وأرمي عليك الغلا وأفتح لك أبوابي ..


.. وأستدخلك وأترك البيــبان مقفوله



وأعيش لوعة هواك اللي تلوى بي ..


.. الله حسيب الهــوى لا بآن مدلولــه



الحب حالة غريبة مالها أسبابي ..


.. حلقة وصل بين قلب وقلب موصوله



دخلت في جوّها قبل آخذ حسابي ..


.. وش حيلتي معك والأسباب مجهوله



أنا لو إني من أول حابس إعجابي ..


.. ماقام يكبر هواك وتثقل حمولــه



ماقلت لك ياحبيبي عطفك أولى بي ..


.. اللي بقوله كلام ماأقــدر أقولـــه



ضلمتني في هواك وشابت أهدابي ..


.. وأودعت روحي من التقصير مشلوله



أتعب على راحتك وأدفع لك أتعابي ..


.. والمنـّـة لقلبي اللي تعرف دلولــه



العلطة ان جت مني خاطرك طابي ..


.. والغلطة اللي تجيني منك مقبولـــه



والمشكلة معك يآأول وآخر أحبابي ..


.. كيف أمنع الشوق لايوقف على طوله؟




ـ مما رآق لي .. آمل أن تعجب الجميع .. !!