السلااام عليكم ورحمة الله وبركاته


حياكمـ الله اخواني وخواتي..

ابا منكم الفزعة..الله لا يهينكم

الاسبوع الياي بيكون معانا انماء مهني ف المدرسة..

وهو الايام اللي يكون مفتوح لاوراق عمل ومشاريع ووو..للمعلمات..
::



عندي مشروع تهادوا تحابوا..

فكرة المشروع ان كل معلمة اتييب معها هدية..

وكل هدية احط عليها رقم..

بحيث ان المعلمة صاحبة الهدية هي الوحيدة اللي تعرف رقم هديتها..

واتكون معاي سلة صغيرة فيها ارقام للقرعة بنفس ارقام الاستيكرات اللي محطوطة ع الهدايا..

ذا سيم في سلة حلويات ..

انزين..

الهدف منها نبث روح المرح ووقت لتصفية القلوب..

ويكون الجو عجيييييب كله ضحك..

يعني انرد..ونصير شرات الصغار..

فديتنا مب من كبرنا..احم

المهم..كل وحدة اتقول خاطري ف ايج الهدية العوده..يا ترى شو داخلها..

وغيره وغيره..

ولما ايي وقت اجراء القرعة..

ادور على كل معلمة وتسحب حلاوة ورقم..

اذا طلع الرقم نفس الاستكر اللي على هديتها اللي يابتها اترجعه..

وتسحب رقم بداله..

وهكذا الين يخلصن كلهن وبعدين انا اخذ الرقم المتبقي ويكون من نصيبي..


ادري ثرثرت وااااايد هع..

وما قلت شو بغيت منكم..





الله يسلمكم ويسلم حالكم واحوالكم..

بغيتكم تزيدوني افكار شو ممكن اضيف فهالمشروع..

عسب ما ينمل..

يعني شو ازيد عليه؟؟


اتريا شوركم بفارغ الصبر..

ارق الامنيات..~

واااااااو مشروعـ حمااااسيـ

انا من رأي تضيفي للمشروعـ النية أنه يكون لوجه الله وتثابي عليه

فقط هذا يكفيكـ أختيـ

وشكراً

فديتج بقرا الموضوع بتمعن وان شاء الله احصل لج افكاااار

مااشاءاالله مدرسسسه شيء طيب وجمييل وبعديين ليشش للحين المدارسس مفتوحه؟

شيء دواامات عندكم اللحيين في ارمضضان..


اممم بيكون اجمل لو اتحطون اسئله متنوعه ثقافيه تراثيه ومن هالقبيل وعليها جوايز بسييط حلو بيكون حماس

يعني اتسون جمعيه كل مدرسه تدفع شيء وخلاف وحده تتشرى هدايا واتغفلها وعقب تبدون هالسوالف ..

وان شاءاالله انحصل لج افكار حلوه اختاه

مممممم صراااحه ماعندي افكااار الحين الرااس متصكر هع

بس بنحاوول اندورلج ع فكرة سنعه

خيتووو السموووحه منج ^^

يــــاقلبيهـ بروحهـ مخيـ فاااااضيـ صايمهـ خخ>>> امزحـ
قصديـ ماعنديـ افكاأإاار فديتج

والسموحهـ منجـ ..
تقبليـ مروريهـ

هلا وغلا~

تسلمون اخواني وخواتي..

واتريا الباجين..

راحة البال ترى في فقرات ثاتية تتضمن مسابقات..

وفكرتج حلوة..

وبشوف..

وبيتينق اذرز~*

[عذوبه]
..
ان شااءالله بنشوفلج فد
..
اذا حصلنا بنخبرج
..
كل الود..||

روعة~
تسلمين خيتو..
بانتظار افكارج ..
وبانتظار الباجين..
أفا..وينهمـ هل جعـلان؟

مرحبا اختي
اممممم ممكن اكون متأخر شوي بس فكرتك كثير رائعة والله معك
احنا ممكن استفدنا منك بهاي الفكرة كثير و ممكن تطبق في زمان و في أي مكان
حصلت فكرة في احد المنتديات ممكن تعجبك هذا اذا مو كنت متأخر
التعليم الصامت :
هو تعليم الطلاب عن طريق الصمت ومحاكاتهم بالإشارات وسؤالهم عن قراءة كلمات بالإشارة إليها وطلب قراءتها ..
هدفها :
1- لفت انتباه الطلاب .
2- تعويد الطلاب على دقة الملاحظة
3- حب المشاركة
4- تشويق الطلاب
5- استثارة الطلاب .
6- تغيير الجو الدراسي للصف

تقبلي مروري