السلام عليكم جميعا
بصراحة حصلت هالمسج فإيميلي

وماااااااااااااااااعرفت أرد بشي!!!!!!


لأن في شغلات صح...وشغلات خطأ...وشغلات ما راضية تدخل الراس مووووووووووليه!!!!

اتمنى انكم تقرأوه وتجولولي رايكم

صحيح طويل كثير
بس عالأقل الفكرة منه
وهذا هو الإيميل...

والله الدنيا ترى ما تسوى.... والرب واحد والعمر واحد....
يا جماعة نبي نفتح الإيميل عشان نستانس، مو عشان تلوع كبدنا ....
يا جماعة نبي نضحك، نبي نحب الحياة، نبي نتعلم شي جديد مفيد ما اييب الغلقة وضيقة الخلق... كفاية الدنيا فيها أحزان و مصايب.. بعد الإيميل ما خليتوه في حاله؟؟

إلا عصير البرتقال ماركة الديك يسوي سرطان
وإلا كورن فلكس النمر يسبب داء الجنون
والبلاليط مصنوع من أمعاء القطط

والفاضيين: قائمة بالمواد الغذائية اللي فيها مادة ABCD XWZ 007 واللي تقطع النسل وتذبح جميع البشر وتسبب التسونامي
واللي أفضى منهم: الدونت والبطاطس المقلية مخطط شنيع لنشر الصهيونية بواسطة دهن الخنزير
والمصدقين روحهم: أمريكا تغزو ديار المسلمين بواسطة شيبس ليز وسنكرز، وقد وجب الجهاد
واللي عادين روحهم أطباء:
شرب الماء البارد بعد المجبوس = سرطان القولون، وإلا سرطان الجهاز الهضمي كله أحسن
شرب اللبن قبل الدجاج المشوي التندوري (مو البروستد) = قرحة في المعدة إلى الأبد وما تروح
أكل السلطة في صحن مسطح من غير ليمون = ديسك في الظهر والرقبة واليد اليسرى
ومع ليمون = التهاب المفاصل والركب والإصبع الصغير
عدم أكل وجبة الإفطار الساعة 6 = انسداد في الأوردة بالإسمنت
خبز الخباز = أمراض الكبد وأنفلونزا الدجاج

واللي عادين روحهم أصحاب نصيحة:
لا تآكلون سويت - لاتآكلون برجر
لا تآكلون آيس كريم - لا تآكلون سمارتيز
لا تآكلون خبز وجبن
لا لا لا لا لا لا لا لا لا لا ......

شدعوة...؟؟؟

شنآآآآكل عيل؟؟
كل ما طلع شي جديد ذبحتونا عليه...
شيليز وكرسبي كريم وماكدونالد وستاربكس وبيبسي هدوا العالم كله وقرروا يخلون المسلمين يأكلون خنزير....

ترى سندرتونا
كل شي مسرطن؟؟؟
يالله...
كل شي زين وحلو وناجح فيه دهن خنزير وجزء من المؤامرة الصهيونية الكبرى..؟؟
سلامات...
ترى فلسطين راحت بدون دونت كرسبي كريم
وأفغانستان يقصفونها كل يوم بقنابل متقدمة مو ببطاطس مكدونالد

تركوا عنكم الخرابيط.... وتركوا عنكم حكي الإشاعات...
الموبايل يسبب التفوئيد
والصابون سرطان مباشر ما في كلام
وشامبو جونسون للأطفال اللي كلنا من سنة الطبعة سبحونا فيه واحنا يهال يسبب السرطان ويقضي على الأجيال
واللابتوب يسبب الحصبة
والواير مال تلفزيون الصالة فيه ذبذبات خطيرة تسبب جنون البقر لعيال الفريج
ياحبيبي على وحش التكنولوجيا اللي بيهجم علينا .. لو ما قرينا الإيميلات كان رحنا ضحية الكارثة الإلكترونية البغيضة والوايرات المشربكة

كل مافتحنا الإيميل: إحذروا.... الامر خطير.... لا يجب السكوت عنه....
حصل في البحرين: سيدة خذت كارد فيه مادة مخدرة وصادتها دوخة وباقوا فلوسها
هام جداً جداً جداً جداً جداً جداً جداً
حصل في مجمع الدانة واكتشفت الشرطة عصابة تنقل الإيدز
ونفس الإيميل نسخة (ماتعبوا روحهم يغيرون التفاصيل) عن مجمع "الغرير" في الإمارات..
والله شلخ... وشلخ بايخ بعد
شالخرابيط؟؟؟ تقصون على الناس؟؟ تطلعون إشاعات وترجونها ليش؟؟؟


وكله كوم... وإيميلات الحلال والحرام ومابينهما كوم ثاني
فتاوى الإيميل الحديثة، هذا حرام، وذاك حرااااام مضاعف، وجهنم الحمرا تنطركم كلكم، والموت وعزرائيل يحسبون لكم الدقايق...
ياجماعة ترى رب العالمين شديد العقاب صح
بس بعد غفور رحيم، وسعت رحمته كل شئ
والحي أبقى من الميت..
والرسول عليه الصلاة والسلام جدّم الفرح على الحزن...
والله قال: "ولا تكن فظاً غليظاً"

هاذي غير وصايا وتحف الاستهبال:
الشيخ فلان مكشوف عنه الحجاب شاف منام اللهم صل عالنبي
وكلكم لازم تقرون الإيميل وتطرشونه حق 10 أشخاص وإلا بينهار سد مأرب... شكو؟؟؟
بسكم عاد من سوالف الترهيب والفتاوى اللي تلف الانترنت كل يوم...

وما يبط كبدي الا جماعة "ارسلها"... عشان خاطر حبايب خالة جيرانكم ترسلها... ارسلها ترى بتندم... ارسلها أمانة عليك يوم القيامة.... استحلفك أن ترسلها.. رح زين
وانت منو تحملني أمانة وتستحلفني مرة وحدة يا أخي؟؟؟
داش إيميل وإلا داش حرب؟؟؟

وعيال عمهم: جماعة "انشر".. إعلان أهو؟؟ ولا تسويق إجباري؟؟
ما قاصر الا يقولون لك: "انشر احسن لك" أو "احترم نفسك وانشر"

والا اللي ايقول لك: إذا تبي لا ترسلها... بس الأجر بيروح عليك...
يعني الأجر ألحين كله صار في هالإيميل...؟ انصك باب الحسنات يعني؟؟؟
ومن خولكم تطلبون من خلق الله ترسل إيميل؟؟؟ مو على كيفكم من يرسل ومن ما يرسل وشنو يرسل...

والمتفلسف يقول لك: لا تخلي الشيطان يقص عليك وما ترسلها
احذر أن يوسوس لك إبليس أن لا ترسلها
حلفوا عاد؟؟؟
الشيطان قاص عليكم وماكل بعقلكم حلاوة وانتوا بس تارسين لنا الـinbox بإيميلات متشابهة كل يوم نفسها توصلنا
وعباقرة الرياضيات: طرشها مرة تكسب 456739832469 حسنة
طرشها مرتين تكسب 8496565045945476644 44748700000
حسنة..
"؟؟؟؟؟؟؟؟؟؟؟؟"
بس ملينا.. حتى الدين ما رحمتوه؟؟

ياجماعة.. "الكلمة طيبة صدقة"
والدين يسر...


الإيميل وسيلة تبادل معلومات خفيفة واستفادة... مو منبر دعوة، ولا مركز خدمات أمراض الموت... ولا مركز التحذيرات من عصابات البش والدبش، ولا أداة للتنفير من الدين ونشر فتاوى شيوخ سبيس تون

وإذا الإيميل له قيمة وفيه فايدة الكل بينشره بدون صيغة الأمر البايخة.. وطريقة أرجوك أحب خشمك ترسلها
والناس أدرى باللي ينفعهم، ما يحتاجون أحد يقول لهم شنو يسوون
خلوا الإيميل جزء حلو من اليوم، يرسم ابتسامة، ويضيف معلومة

مع تحيات: وحدة طقت كبدها من إيميلات تحتوي المذكور أعلاه

انا يلي بقدرعليــــه برد ويلي ما اقدر لايكلف الله نفس الا وسعهــــا ....


شي الصح بسويه والخطأ ببتعـــد عنــــه ...

وانمـــا الاعمــال بنيـــــات


وهذا رأي الشخصـــــــي ..

ويسلموووووووووو

لاااااااااااا تعليق
ربنا يووووووفق الجميع لما فيه العااااااااااافية
ويبعدهم عما سوااااااااااااااااه

يسلمووووووووووووووووو

كلهــــــــــــــــــــــــــــــــــــــــــا اشعـــــــات يا أختـــــــــــــــــــــــي .....

واللــــــــــــــــــــــــــــــــــــــه فــــــــــــــــــــــاضين هذولا الخلق عشان يقصـــون على الأوادم ....
الله يهديـــــــــــهم يا رب..........

المشاركة الأصلية كتبت بواسطة راعي ؟؟ انا يلي بقدرعليــــه برد ويلي ما اقدر لايكلف الله نفس الا وسعهــــا .... شي الصح بسويه والخطأ ببتعـــد عنــــه ... وانمـــا الاعمــال بنيـــــات وهذا رأي الشخصـــــــي .. ويسلموووووووووو

مشكوووووووووووووور عالمشاركة
ورايك عالعين واراس
بس كيف تعرف الصح من الخطأ؟

المشاركة الأصلية كتبت بواسطة عطــر الأماكنــ لاااااااااااا تعليق ربنا يووووووفق الجميع لما فيه العااااااااااافية ويبعدهم عما سوااااااااااااااااه يسلمووووووووووووووووو

مشكورة عالمرور الطيب

المشاركة الأصلية كتبت بواسطة كلمة من اجل الوطن كلهــــــــــــــــــــــــــــــــــــــــــا اشعـــــــات يا أختـــــــــــــــــــــــي ..... واللــــــــــــــــــــــــــــــــــــــه فــــــــــــــــــــــاضين هذولا الخلق عشان يقصـــون على الأوادم .... الله يهديـــــــــــهم يا رب..........

آآآآآآآآآآمين يارب
مشكورة فديتج عالمشاركة

مررررررررررررررررراحب

أختي خبيت أجول أن مب كل الايميلات تلوع بالكبد

بالعكس في ايميلات تخليج تصلي ع الحبيب عليه السلام

وفي ايميلات تذكرج يسبحان الله وبحمده سبحان الله العظيم

بس أن أوافقج فايميلات الأمراض والماكولات صدج أني أول ما اتشوفها اطنشها ع طول


وسلااااااااااااااام

مشكوره الغاليه عالطرح الحلو
والله يعينا منعرف هيش نصدج وهيش نكذب...........
بس مثل مجالت اختنا فيه منهن تذكرنا بربنا,,,,,,,,,,

معظم الاشياء ماشي منها
وهالايميلات الصراحه ماتعجبني

وخاصة الايميلات اللي تقول ارسلها لكم شخص
ع طول احذفهن

ومثل ما قالوا في ايميلات حلوه فيها ادعيه وقصص واشياء دينيه
واللي تلوع جبده لا عاد يدش الايميل
يجعد كيه احسله عشان ما تلتاع جبده