يقولون - والعهدة على الراوي :
أنّ الحب عندما يكون من طرف واحد ..
يصبح أقسى أنواع العذاب ..
انا شخصياً اوافقهم الراي ..
هل توافقوني انتم ايضاً ..؟


يوم ابتسم لي الفرح ..
جتني .. تبكي ..
تقولّي .. وين ؟
التفت
معقوله ؟ انتي ؟وشو اللّي وين ؟
وش تبين ؟‍
هالحين ؟
هالحين .. تسأليني وين ؟
هالحين .. جيتيني برجلينك ؟
متنازله عن كبريائك .. هالحين ؟
يوم أني كنت لا شئ معك ..
ويوم انّي كنت اضرب الصبر بالكفّين ..
وينك يوم اني قبل الذليل بسبّتك ..
وينك يوم انّي كل يوم ..
ابيع كل شئ واشريك ؟
وينك `ذاك الحين ..؟
لحظه انكساري .. وانا على ركبتين
تتذكرين ؟

***** ***** ***** ***** *****

طيب .. نسيتي الدمع .. والوجه ..
والخدّين ؟ ..
باقي تتذكرين تهكماتك .. وبرود أعصابك ؟
تتذكرين .. ؟
يوم اسب نفسي قدامك .. لجل ترضين ؟
تتذكرين .. ؟
يوم كنت سهران وما انام حتى تنامين وتصحين ؟
كنت ما اشوف بالدنيا الا صورتك ..
ولا اسمع بالدنيا الا هواشك .. كنت احبّه ..
وكنت لمّا تذلّيني اقول .. حبيبي ..
بصبر عليه .. كود يلين ..
ما قد مرّت لحظه معاك الاّ ..
يا مصرّفتني ..
يا كاسرتني ..
يا بالضعف ناعتتني ..
او أقلّها عندك .. انك تطلبين المستحيل ..
وانا اقول ما شبعتي من المستحيل ؟
ما ملّيتي منّه ؟
مهوب قبل البارح طالبتني مليون مستحيل ..
وصحيتي الفجر ..
لقيتيهم صافّين لك .. يقولون .. حاضرين
هذا غير سؤالك المعتاد .. في كل لحظه ..
"انت وش تبي منّي بالضبط ؟
مدري .. باقي تتذكرين ؟

***** ***** ***** ***** *****

ما أنسى ..
واذا نسيتي .. بتتذكرين
ان ما قد مرّ ليل الاّ وعشانك تلحّفته ..
ولا قد صب مطر الا لجلك سبحته ..
ولا قد عسّتني الحمّى الا وذكرت فيها اسمك ..
حتى دمي يوم فحصوة لقيوه ( انتي + )
وحتى بالصلاه ادعيلك .. تكونين لي ..
واذا حلّ وقت الصدقه او الزكاه اخرجها ..
عنّي وعنّك ..
اذكّرك بشئ بسيط ..
سنّة العزا في اغلى الناس عندي ..
الكل يقول " عظّم الله اجرك" و " البقا براسك
و"انا لله وانا اليه راجعون" و "الله يرحمه"
وانتي ما تكلّفتي حتّى تسألين
وجيتي بعد شهرين .. بعد الصيف ..
تتسحبين بالكلام .. وتهاوشين ..
"انت وينك؟" "ليه ما سألت؟
"تدري اني كنت مزكّمه؟
"تدري اني سمّرت؟
"حتّى انّي شلت ضرس العقل
"وانت لا سألت .. ولا تطمنت علي
"خلاص .. انا ما احبك
"رح دوّر غيري
"واللي بيننا انتهى .. تسمعني؟
يا ترى .. با قي تتذكرين ؟

***** ***** ***** ***** *****

ما قد خطر في بالك ..
اني اقدر اخونك ..
وقتها بتكونين اول وحده بتقولي "ما الومك
لكن .. عهد الوعد اللي بيني و(بيني)
تتذكرين ؟
وهالحين ..
"وش تبين منّي بالضبط؟
بكررها عليك .. مرّه ومرتين ..
حتّى تشبعين ..
وأخليك ما تنسينها .. وتتذكرين ..
ان لحظات عنادك مرّت علّي مثل السنين ..
وش اخذتي من تجريحي ..
وش فادك اعتلائك لعرش تدميري ؟
خسارة
ما توقعتي انه بيجي يوم والاقي لحظة فرحتي
ولا قد خطر على بالك ان الله بيعوّضني
قد تخيّلتي غيرك حبيبه تمسك يدي تضمّها ؟
ما قد جابك خيالك لبسمتي وهي تنولد ؟
والا لساني وهو ينطق لغيرك "أحبك" ؟

***** ***** ***** ***** *****

وهالحين ..
كوني لنفسك مكسب احلامك وخساره واقعك
كاس العشق اللّي سممني .. تظلّعي به ..
عيشي يومك مكابره .. غادره .. ناكره لمكانك
والماضي .. بدمعي كتبته .. وبالنسيان امحي به
لاعاد اسمعك تقولين "وين؟" .. أحذّرك
انتي يا بنت الأكابر .. يا من كنتي حبيبه
انا طبعي أقتل الكره في قلبي .. ولا اكدّرك
تسمحين تكونين الماضي اللي اندفن .. وش لي به ؟
رغم كل اللي مر ..
رغم كل طعونك ..
ونسيانك لأبسط حقوقي ..
مستحيل أكرهك ..
وتبقين صفحه من كتاب قلبي ..
لكن .. بيضا .. ممسوحه ..
من اول السطر انكتب ..
(اقسم بالله احبك ....... ) ..
وآخر سطر ..
(اتمنى لك السعادة .. حتى لو مع غيري)

ما أنسى ..
واذا نسيتي .. بتتذكرين
ان ما قد مرّ ليل الاّ وعشانك تلحّفته ..
ولا قد صب مطر الا لجلك سبحته ..
ولا قد عسّتني الحمّى الا وذكرت فيها اسمك ..
حتى دمي يوم فحصوة لقيوه ( انتي + )
وحتى بالصلاه ادعيلك .. تكونين لي ..
واذا حلّ وقت الصدقه او الزكاه اخرجها ..
عنّي وعنّك ..
..........



حـــــــــــلم الطفوله

إبــــــــــــدعت...

يوم ابتسم لي الفرح ..
جتني .. تبكي ..
تقولّي .. وين ؟
التفت
معقوله ؟ انتي ؟وشو اللّي وين ؟
وش تبين ؟‍
هالحين ؟
هالحين .. تسأليني وين ؟
هالحين .. جيتيني برجلينك ؟
متنازله عن كبريائك .. هالحين ؟
يوم أني كنت لا شئ معك ..
ويوم انّي كنت اضرب الصبر بالكفّين ..
وينك يوم اني قبل الذليل بسبّتك ..
وينك يوم انّي كل يوم ..
ابيع كل شئ واشريك ؟
وينك `ذاك الحين ..؟
لحظه انكساري .. وانا على ركبتين
تتذكرين ؟


يسلمووووو ع الموضوووع

شكرا دختوره وفالنسيا ع مروركم الطيب

موضوعك حلو اختي تسلميييييييييييين

يسلمووووو ع الطررح

ابياااااات روووعه