والله انك تدعين الجهـل وانتـي تعرفيـن
يوم قلتي لك عبـاره مالهـا ايـة مجـال

يوم رحتي تتبعين افكـار نـاسٍ خايبيـن
حملوك بكلمتين وقلتـي انهـا راس مـال


قلتي ان اصل البشر مخلوق من ماءٍ وطين
بس ماهم بالبدو الظاهر انهم مـن حثـال


والله انك قلتي الكلمه ولا انتـي تدركيـن
انها صارت قضيه لـك ولا فيهـا جـدال


يوم قلت لك اركدي رحتي علي تتضاحكين
والله ان كني جنوب وكنك بضحكك شمـال


والله اني في البداوه اصل نسـل الأوليـن
والله اني في البداوه عابرٍ تسعيـن جـال


والله اني في البداوه لا اهين ولا استهيـن
والله اني في البداوه من عمام ومن خوال


والله اني ابدوي قاسي ولا عمـره يليـن
والله اني ابدوي ماعشت فـي ليـن ودلال


والله اني ابـدوي ولا تغيرنـي السنيـن
ابدوي نسل ابدوي ماهو يغير في المقـال


والله ان حن في البداوه على خلقٍ وديـن
صايمـيـن وساجـديـن ولله الكـمـال


الكرم موجود فينا كل وقـت وكـل حيـن
والشجاعه نسل اهلنا إليـا صـار القتـال


وجارنا يبشـر بعـزه وحنـا لـه نعييـن
من تصاريف الزمن حنـا انخلقنـا للثقـال


فعلنا مثل (القمر) لاغـاب لابـد ان يبيـن
وفعلنا ايشابه (الصوان) في رووس الجبال


حن خلقنا للشكالـه اخـذي علـمٍ يقيـن
الطفل منا ايساوي منكـم عشـرة رجـال


طفلنا يا بنت ياتي علـى الفطـره فطيـن
وإن هرج قلتي كلامه شايبٍ كلـه جـزال


ادري انك لا لمحتي قاف شعري بتسرحين
بس قولي وش جوابك على هذا السـؤال


بأيش ضروك البدو يوم رحتـي تجرحيـن
(البدو ماهم حثالـه انتـي والله الحثـال)


للشاعر / راشد ال سالمين

فصيده رووووووعه......


تسلم الصقر ع النقل .......


تشكر اخوي

(البدو ماهم حثالـه انتـي والله الحثـال)

حييه حييه الشاعرر وصح لسسانه وربي لاهانه ع المنطوق الغاوي

ورده ماعليه زوود ..

تسسلم ع النقل الغاوي ونرقب كل يديد

طفلنا يا بنت ياتي علـى الفطـره فطيـن
وإن هرج قلتي كلامه شايبٍ كلـه جـزال


ادري انك لا لمحتي قاف شعري بتسرحين
بس قولي وش جوابك على هذا السـؤال


صح الله لسانك يالغالي ماعليك زوووووووووود

الكرم موجود فينا كل وقـت وكـل حيـن
والشجاعه نسل اهلنا إليـا صـار القتـال

اقول مب كنه شاعر كثر من الحلف..............ههههههههههه
تسلم صقررررررر
ويعطيك العافيه............

والله اني في البداوه اصل نسـل الأوليـن
والله اني في البداوه عابرٍ تسعيـن جـال



يسلموووو الصقر بس فها حلف وايد ..!!

صح لسان الشاعر

سلمت ع القصيدة الغاااوية

تسلم اخوي ع الاختيار الغاوي .. مافيك حيلة

الف شكر

الجميع تشكرون ع المرور الرائع لا خلينا منه يارب..!!!