خــــلّ الحزن ليلــه وفرحتــــك أيــــّام....!!



خلّ الحزن ليله وفرحتك أيــــــــــــــــام ***** واقبل على سعد الليال الجميلـــــــه
ماعاش رجّال(ن) بنى واجد أحـــــــلام ***** مادام ماله غاية(ن) أو وسيلـــــــــه
همي وغمّي فوق ضيمي والأوهـــــــام ***** هذي حمولي والحموله ثقيلـــــــــــه
ياضيقة البارح وياضيقة العــــــــــــــام ***** ياضيق ضيق الروح في كل ليلـــــه
دنيا تقلّب مامضى لي مـــــــــــــن آلام ***** تنبش مواجع كانت أوّل قتيلـــــــــــه
دنيا غريبه موجها دوم لـــــــطــــّـــــام ***** تلطم قوّي الحيل وتهّد حيلـــــــــــــه
تظهرلك الفرحه على ثوب من خـــــام ***** وتطرّز الأوجاع وتميل ميلــــــــــــه
ميلة عبوس(ن) عنتريّ(ن) وضـرغام ***** ماهو كما ميل الضباع الهزيلـــــــــه
وتنغّص المرتاح من بعد مانــــــــــــام ***** ماتتركه حتى تناظر رحيلــــــــــــــه
يمكن خلص حبري وماعاد أقــــــــلام ***** ولاّ الحكايه هي حكايه طويلـــــــــــه
أحكي وقلبي يشتكي اليوم منضـــــــام ***** من صاحب(ن) ماشفت خل(ن) مثيله
عشره طويله طالت أعوام وأعـــــوام ***** يعني سنين الودّ ماهي قليلـــــــــــــــه
يعني كذا تجرح بلا حق .... اجــــرام ***** والروح صارت من جفاكم عليلـــــــه
ماجيت مستنفر وماجيت لــــــــــــوّام ***** جيتك بغيت القلب تخلي سبيلـــــــــــه
كانك بغيت البعد ياصاح .. قـــــــــدّام ***** ماهو بصعب القلب ينسى خليلــــــــه
دامك بنيت الحب وأصبحت هــــــدّام ***** دامك ملكت الشي تقدر تزيلــــــــــــه
انت الذي في الحب حطّيت الأحكـــام ***** ماذقت شرّ الحب ماذقت ويلـــــــــــه
مادام ياهاجر على البعد عـــــــــــزّام ***** أبغا تشيل الحب كلّه تشيلـــــــــــــــه
من صابني سهمه فلاني بمقـــــــــدام ***** لو ما أجرّد له سيوف(ن) صقيلـــــــه
ماني دخيل الحب والحب مـــــــــادام ***** شفني دخيل الحيّ ربي دخيلـــــــــــه
يالله ياللي بالمخاليــــق عـــــــــــــلاّم ***** ياللي ملكت أسمى صفات(ن) نبيلـــه
ياللي تعزّ أقوام وتذلّ أقـــــــــــــــوام ***** والعبد مهما ضاع تبقى دليلــــــــــــه
رب(ن) تعلّى عز واجلال واعظـــام ***** ويفك ضيق اللي تزايد غليلـــــــــــــه
يالله يكفيني أنا نور الاســــــــــــــلام ***** هذي ترى نعمه ونعمه جليلــــــــــــه
درب الضلاله لا تمشّيك الأقـــــــدام ***** امشي بها درب التقى والفضيلـــــــــه
والشعر منّي له مواضيع وأقســــــام ***** وأكتب بيوتي والمعاني جزيلــــــــــه
شعر(ن) حبكته فن وأسلوب باحكـام ***** لا طرّق الهاجوس باب الحليلـــــــــه
من يصنع لنفسه تواريخ وأرقـــــــام ***** والصيت والشهره نتايج حصيلـــــــه
امّا رفع للعز رايات وأعــــــــــــلام ***** ولا بلاش الذل دايم يجيلــــــــــــــــه
ياليت موتي مثل مامات صــــــــدام ***** رجل(ن) يساوي بالمراجل قبيلــــــه

منقول
وسلامتكم جميعاا .....

حسابٌ واحد لجميع خدماتنا !