السلام عليكم ورحمة الله وبركاته..

أعزائي الاعضاء جبت لكم اليوم موضوع شفته في احد المنتديات

وجلست ابكي (كذاااااب)36_19_1[1].
لاصدق يعني كنت على وشك وانا اتذكر هالالعاب من جد كانت ايام حلوه

ما اطول عليكم ... واترككم مع موضوعي ...

اتجدى واحد مايقول
يووووووووووه يا ايام زمان36_1_25[1].


موضوع " مغبر " عن " الألعاب الإلكترونية القديمة " .. قبل حوالي 15سنه .. ماكان فيه لا سوني ، ولا هالسوالف .. كانت الألعاب بدائية جداً ، ومافيها ذاك التطور الكبير .. والآن راح أتكلم عن الأجهزة القديمة اللي عشنا معها أحلى الذكريات والأوقات الحلوة .

طبعا لعبه (الاتاري) وهل يخفى القمر
[IMG][/IMG]
جهاز الأتاري ( Atari ) هو أول جهاز عرفناه للألعاب الإلكترونية ، وبالرغم من إن تصميمه بسيط ، وألعابه بدائيه جداً إلا إنه كان المتنفس الوحيد لنا في ذاك الوقت .. ونشوف إنه شيء لا يقدر بثمن ، كان سعر الجهاز في حدود 200 درهم على اقل تقدير.. طبعا الرسوم فيه مشي حالك الصور تطلع لك كأنها مربعات به هذيج الايام كانت عسل هالصور
ولا احلى .. والآن تعالوا نشوف بعض الصور لألعاب الأتاري .*****************************
[IMG][/IMG]
لعبة الملاكمة طبعاً شوفوا شكل الصور رايح فيها
****************************
[IMG][/IMG]
هذي لعبة سوبر مان كان يدخل للكبينة يغير ثيابه ويطلع
*****************************
والله زمان لانعرف ضيق ولا تكشير
كله على هالالعاب


[IMG][/IMG]
هذي لعبة الدودة على الأتاري .. هاللعبة مشهورة الآن على أجهزة نوكيا

لعبه منتشره كل مكان
من كثرها اذكر كنت العب فيها وانا فبطن امي
ههههههههههههههههه

المهم

[IMG][/IMG]
بعد جهاز الأتاري طلع لنا جهاز ( msx ) اللي عرفناه باسمين ، وهما صخر / المثالي .. طبعا هـ الجهاز أفضل بكثير من الأتاري وسعره أول ما نزل كان حدود الـ 1000 درهم ، الجهاز كان له كي بورد ، وفيه برامج تعليمية ، وتثقيفية ممتعه جداً .. وله ألعاب حلوة وانتشرت انتشار كاسح على الرغم من بساطة رسومها إلا أنها كانت تحوي متعة خيالية .. وبخص الكلام عن أربعة ألعاب كانت بارزة على الجهاز وهي :

[IMG][/IMG]
هههه مسكييييييييين
[IMG][/IMG]
لـعـبة الـبطـريق

من أمتع الألعاب التي شاهدتها على الجهاز .. فكرتها جميلة وهي عن بطريق يبحث عن حبيبته البطريق لونه أزرق وحبيبته لونها وردي هالبطريق عنده خريطة وكل شوي يروح لمرحلة ، ويجمع سمك .. السمك الأزرق مثل ( الفلوس ) يشتري بها أغراض مثل .. درع يحميه .. ولا مسدس .. والسمك الذهبي هذا يعطيه ( فرصة إضافية ) .. مهما تكلمت عن هـ اللعبة ما راح أوصف جمال فكرتها ، والمتعة اللي فيها .
[IMG][/IMG]
[IMG][/IMG]
لـعـبة كــرة الـقـدم

يا الله ما أقدر أوصف جمال هـ اللعبة في وقتها كان اخوي الله يسعده يلعبها بشكل يومي .. أذكر اللاعبين عددهم 7 ، ويالله يمشون ، ولا دخلت الكورة في الباب يصير لونها أحمر
ههههههههههههههه36_1_20[1].
[IMG][/IMG]
لـعـبة مـيـتـال جـيـر

الكل يعرف لعبة ميتال جير الشهيرة على جهاز سوني بلاي ستيشن .. لكن قليل اللي يعرف إن بداية ظهورها كانت على جهاز صخر .. اللعبة فكرتها نفسها ماتفرق عن السوني إلا في الرسومات وجودتها .. مغامرة عسكرية ممتعة كثيراً .




عاد هنييي
ابوووووووووي الرفجه تشتريلي فملي الرفجججججه
ههههههههههههه زمااااااان والله



[IMG][/IMG]
بعد جهاز صخر عرفنا جهاز ( FAMILY GAME ) المشهور باسم ( العائلة ) .. الجهاز هذا من أشهر وأمتع الأجهزة .. وطحنا فيه طيحه مو طبيعية لأن ألعابة كثيرة ، وممتعة بشكل كبير .. أتذكر كان سعرة مابين الـ 300 إلى 200 درهم .. وميزته لما تشتري الجهاز يكون فيه ألعاب مخزنه داخله .. صحيح إنه أول كان ملعوب علينا تحصلهم يكتبون يوجد داخل الجهاز مليون لعبة ولا نص مليون ، وحنا نصدق ونشتريه ، ولا شغلناه طلع ما فيه إلا 5 ألعاب مكرره .. الآن راح أترككم مع بعض الصور لأجمل لعبه
[IMG][/IMG]
لعبة الكابتن ماجد من أروع ، وأمتع لعبة على الجهاز وحققت نجاحات خرافية .. ولا أبالغ إن قلت إنها أفضل لعبة ظهرت للكابتن ماجد على جميع الأجهزة اللي مرت علينا .. رسومها ممتازة .. وأتذكر نزلوا منها نسخة عربية .. المتعة لا توصف في هـ الشريط .. وكنا نسهر عليه أول ، و مافيه الا لعب حتى أتذكر ( المحول ) حق الجهاز يسخن مره فكنت آخذه لهم، وأحطه عند المكيف شوي عشان يبرد ، وبعدها يكملون لعب .. وأحيان من الهبالة آخذه وأحطه في الفريزر شوي .. بجد هـ اللعبة هبلت فيهم
[IMG][/IMG]
لعبة الدراجات .. اللعبة غالباً تجي داخل الجهاز بصراحة رسومها مو ذاك الزود لكن فيها متعة لا بأس فيها .. كان لنا معها ذكريات حلوة .. أذكر اللي يقهر فيها لا طاح الرجال من على الدراجه يجلس ساعة يمشي عشان يركبه مره ثانية .
[IMG][/IMG]
لعبة كسار الثلج .. يننتنا
الله يالدنيا شوي وأصيح
والحين اللعبه اللي للحين العبها
ومستحيل ننساها
[IMG][/IMG]
لعبة ماريو الشهيرة (الفطر).. الرجال اللي ياكل الفطر ويكبر .. فن هاللعبة مغامرات رايقة .. والله كان ذاك التنين اللي في مرحلة القلعة البيضاء مهبل فيني
هيييييييييييييييييه يالدنيا
طبعاً جهاز العائلة كان يجي معه جهاز مُلحق وهو ( المسدس ) وهذي هي صورته
[IMG][/IMG]
هـ المسدس كان نقله نوعيه لجهاز العائلة .. وكانت له عدة ألعاب تقدر تستخدم فيها هـ المسدس ، ونصوب به على الشاشة ونقتل فيه اللي نبيه .. ومن أشهر ألعاب المسدس لعبة ( البط ) وهذي صورة لها :
[IMG][/IMG]


[IMG][/IMG]
بعد العائلة عرفنا جهاز ( SEGA ) ، الرسوم فيه كانت جميلة وأفضل من جهاز العائلة بكثير .. وسعر الجهاز كان في حدود 650 درهم .. وله ألعاب كثير متميزة مثل :
[IMG][/IMG]

لعبة سونك الشهيرة اللي كانت هي ( دعاية ) الجهاز .. بطل اللعبة هو سونك القنفذ السريع .. اللي كل شوي يتمشكل مع ذاك الدب أبو شنب برتقالي مطشم .. رايقة هـ اللعبة ولو إنها صعبة .


وببس36_19_3[1]
الصور منقوله