توكل ياسبب كل الجروح وياشقى عيني
توكل دامها طيبه عليك النفس والنيات
وابي تعرف ترى لا انته ولاغيرك يبكيني
ماغير امي وابوي اللي غلاهم ساكن(ن)بالذات
انا الغلطان في حبك حسبتك ماتخليني
وانا اللي كنت متوقع تجيني تكسر الضيقات
خلاص ابعد وانا ببعد وماجاني يكفيني
روح دوّر على غيري وابي تنسى زمان(ن) فات
انا ماعدت مثل اول على كيفك تمشيني
تغيّر كل شي والله وصرت بعيني العثرات
وفيت وما اخبر اني جرحتك يامشقيني
وكذا مره من ايدينك شربت الضيقه والصدمات
تقط الكلمه وتسكت على ابوالك تسليني
واطوّف لك ولاينفع معاك الطيب والدمحات
بعدت وقلت يمكنّك على غيابي تحاتيني
واشوفك رحت ماتسأل ياعمري وين هالغيبات
عطيتك دنية افراحي ولاحسّبت لسنيني
ولابيّن بعينك ليه اشوفك صرت لي آهات
رسمتك فرحة ايامي لقيتك هم يطويني
حسبتك مانزل بشي لقيتك ممتلي زلات
حسبتك لي على الدنيا ليا شانت تخاويني
واذا حجة حجايجها تجيني بطيبتك هامات
واجي لك ناقل(ن)دمعي ودمعي حاير ابعيني
واقول انته ولاغيرك حبيبي تمسح الدمعات
وجيتك لعنبو دار السنين اللي قصت فيني
وطلعت امن الردى تزرع على دربي شقى ونات
تشوف الكون وش كبره ترى ماعاد يعنيني
اذا حطيتك براسي اجيبك لو تروح اشتات
واعلمك القسى وشلون ..اعلمك كيف تنهيني
واخلي عيشتك سودا ولاينفع رجا الاموات
ولاتقول اني عالنيه وعلى رايك تمشيني
انا مجنون وجنيّتي على اللي يستفز الذات
ولكن طيعني أبعد قبل تصحى شياطيني
لان لاضاقت بعيني اخلي دنيتك حسرات
:(



رائعه من روائع الشاعر : حربي الظفيري

رووووووووووووووووووعــــــــــــــــه

صح لسان القايل ويسلم ذوووق الناقل

ويعطيك العافية...:)

المحامي جليد الصحراء

تسلم أخي العزيز على الكلمات الرائعة
وأختيارك لهذا الشاعر يدل على ذوقك الرفيع
في أختيار أحلى الكلمات
بوركت أخي

ننتظر يديدك

تحياتي وتقديري
أخوك
مرجان

تسلم اخوي المحامي وبالفعل رائعه جميله

المشاركة الأصلية كتبت بواسطة جمانه رووووووووووووووووووعــــــــــــــــه صح لسان القايل ويسلم ذوووق الناقل ويعطيك العافية...:)

يسلموووو خيتووووو:)
كلج ذوووق

المشاركة الأصلية كتبت بواسطة مرجان المحامي جليد الصحراء تسلم أخي العزيز على الكلمات الرائعة وأختيارك لهذا الشاعر يدل على ذوقك الرفيع في أختيار أحلى الكلمات بوركت أخي ننتظر يديدك تحياتي وتقديري أخوك مرجان

يسلمووو خيوووو وهذا ان دل .. دل على ذووقك الرفيع في التذوووق للشعر .. شرفتنا ويا هلا فيك:)

المشاركة الأصلية كتبت بواسطة جعلاني للابد تسلم اخوي المحامي وبالفعل رائعه جميله

العفو وانت الاروع بتواجدك :)

رائعه جميله وفقت في الاختيار اخي المحامي وكلمات لها تاثير واضح

المشاركة الأصلية كتبت بواسطة احزان الماضي رائعه جميله وفقت في الاختيار اخي المحامي وكلمات لها تاثير واضح

قد اكون مقصر في حقج عند قولي شاكر تواجدج والتبحر في هذه الابيات .. ولكن استطيع ان اقف دقيقه صمت لتواجدج والرد على وتذوووقج للابيات

تسلم ع الرائعه و النقل