[SIZE="4"]آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك

بعــض الأحـبــاب
ما قلت احبك ولا قد قلت ما حبك ... احب مالي عيوني وانت تـسـواها

لو تدري اش كثر تعني لي تعرف انك .... اخر امل في حياتي واول مناها

ياكثر احس ان بك مني وبي منك ... روح قسمها على شخصين مولاها

لا تقول وش تحب فيني اعشقك كلك .... من ليل شعرك لكلك واخر اقصاها

سميتني نصـفــك الثاني ويا شحـــك ... انا بسمـيـــك كلي وانــــت معناها

تعبت اوديك له يا قلب ويردك ... لا اخذ حلومي ولا خلاني انـســاها

كل الحمام استراح وناح في ظلك ... والورد الاصفر سقته الروح من ماها

ليتك بعمري ثلاثة اشخاص ماملّك .... واحد معي دوم وواحد روحي يملاها

والثالث بجفن عيني لا فقد حسك ... او غمض الجفن جاني فيك يتباهى

مو بس احبك انا والله من حبك ... احب حتى ثرى الارض اللي تطاها


الـيــوم ذكــرى الـفـراق
اليوم ذكرى الفراق ومرت أول سنه ... اليوم لي عام متغرب وحيد وحزين

اليوم انا ضيف جرحي جيت بطمنه ... اني جمعت الدموع وجبت امانة امين

ما يجرح الصادق الا غدر من يامنه ... لا جت من احباب قلبك لا تلوم السنين

مليت من هالاماني دام هي مو ممكنه ... لاهي تحقق وانا ياسي بوجهي يبين

الوين انا وانت مثل الشمس والازمنه ... مع كل صبح يجددني لشمسك حنين

لا قلت احــبك .. احبـــك كنها دندنه ... او كنها وردةٍ مابين اصابع جنـيــــن

يا اجمل الـناس لك بين الملا هيمنه ... كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين

امس افترقنا وانا احسب مرت اول سنه ... يا طولها ليلة الفرقا سنة للهزيم[/SIZE]

...قـــــــ ص ــــــــائــــــد روعـــــــــــــــــــه...

...صح لســــــــــانك أخوي ولا هــــــــــنـــــــــت...

...وع ـــــــــســـــــــاك عالقـــــــــوة...

ابيات جميله ورائعه

تسلم يمنيك اخوي على ماخطت

ولاتحرمنا من جديدك

اختيار موفق اخي الولهان وهذا ان دل يدل على رفعة ذوقك
واحاسيسك التي تتمتع بها ، فشكرا جزيلا لك سيدي
على هذا النقل الرائع ، ودمت لأحبائك قلما
وقلبا يزيح عنهم عناء متاعب العشق
وكل مايسببه من تجريح الى
تلك القلوب الصادقة
البريئة ، شكرا
لك أخي