[poem font="Arial,6,orangered,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
ايامنا والليالي كم نعاتبها=شبناوشابت وعفنا بعض الاحوالي

تاعد مواعيد الياهل مكذبها=واللي عرف قدها من الهم سالي

لأقبلت يومها تصفي مشاربها=تجفي وتقبل ولادامت على حالي

في كل يوم تورينا عجايبها=واليوم الاول ترى أحسن من التالي

أيام فيضلبها وأيام نقلبها=وايام فيها سوى والدهر ميالي

جربت الايام مثل من يجربها=تجريب عاقل ذاق المر والحالي

أضحك مع الناس والدنيا آلاعبها=نمشي الفئ طوعن حيث مامالي

كم من علوم وكم من آداب نكسبها=والشعر موزون مثقالن بمثقالي

أعرف حروف الهجاء بالرمز وأكتبها=عاقل ومينون حاوي كل الاشكالي

قوما لاجيتها صكت حواجبها=أبدت لي البغض فمقفاي ومقبالي

وقوما لاجيتها لفت شواربها=بالضحك وقلوبها فيها ردى كالي

والنفس وش عذرها فترك واجبها=ضاع الحسب والنسب فجمع الاموالي

المال يحي رجالن لاحياةأبها=كالسيل يحي هشيم الدمدم البالي

كب المنازل وقول البير يندبها=تشكي عليه ودمع العين هطالي

لاتعمر الدار والقيله تخربها=بيع الردي بالخساره وأشتري الغالي

ماضاقت الارض وأن شبت شبايبها=فيها السعه والمرايل والتفهلالي

أرضن بأرض وجيران يجاريها=دارن بدار وأطلالن بأطلالي

والناس أجاويدأن أنكب صاحبها=تكون أبهم كما قالوا فالامثالي

الأرض لله نمشي في مناكبها=والله قدر لنا ارزاق واجيالي

حث المطايا وشرقها وغربها=وأقطع بهاكل فج تارس وخالي

وأطعن بحور الفيافي مع سرايبها=وأبعد عن الهم تمسي خالي البالي

لاخير فديرتن جفاك صاحبها=كل الجفا والتجافي والتحلالي

وأن مت فديرتن جفرا جوابنها=فيها الوفئ أسباع الجبس مدهالي

اخير من ديرتن يشكي العزيزأبها=يمشي مع الناس في هم وأذلالي

دوس المخاطرولاتخشى عواقبها=الموت واحد ولاعندالحدأقتالي

أن المنيه لومدت مخالبها=تدركك لوكنت فجوالسماءالعالي

رب السماوات يامحصي كواكبها=يامجيرالسفن فلجات الاهوالي

ضاقت بنا الارض وأنشقت شبايبها=والغيث محبوس يامعبود ياوالي

يالله بمزنتن هبت هبايبها=ورعودها بات له فالبحر زلزالي

ريح العوالي من المنشا يجاذبها=جذب الدني من مطويات الجالي

ديمومتن سبلة وأرخت ذوايبها=وأنهل منها غزيرالوبل هطالي

تسقي ديارن شديدالوقت حاربها=ماعاد فيها لبعض الناس منزالي

والياهل شوفوه تماثيله مرتبها=فيهاأحلى المعاني من القيل والقالي

مثل المحابيب زاد في طلبها=في صرفها زايدعن القرش والريالي

والختم صلاتي على النبي واهبها=بأزكى التساليم واعطربها المقالي

ويالله ياللي الروح لي واهبها=تسمح خطايا وذنوب كاتب الاقوالي

ويارب توبه وروحي لاتعذبها=فيوم القيامه ان ضاقت أعمالي[/poem]

منقول

بارك الله فيك أخي سهم الحب
ععلى هذه النقلة الموفقه

مشكور أخي مشكور والله