يا أعضاء ومشرفين شبكة جعلان...أنا أعرفكم فرد فرد..!!



في كل يوم يمر علي.... ولما أصادف أشخاص في حياتي اليومية...كل شخصية تقريبا أتخيلها من أعضاء شبكة جعلان ...ههههه>>>(متأثرة بالمنتدى وااااااايد)...:rolleyes:

....هههههه... أمزح...أمزح...:D :D
بس حبيت أفرفش شوي واكتب يوميات أويييييين عني واني صادفت شخصيات شبيهه بالشخصيات اللي بالمنتدى .....بس هاااااااه ترى كــــــــــــــله مزح*مزح... مشي منه صح:eek: ... وأرجو من الأعضاء اللي كاتبه عنهم...يستحملوني وما يشيلوا علي فقلوبهم...لأني والله أمزح...واللي مب عاجبنه ممكن يقول لي وأنا ان شاء الله بطلب من المشرف حذف الموضوع....:(

اليــــــــــــــــــــــــــكم....:D

اليوم كنت رايحة مكتبة للأشرطة الاسلامية وقلت لصاحب الدكان أعطيني شريط ( أشرقي)..فجأة سمعت صوت جاي من جهة اليمين يقول فعلا هالشريط واااايد حلوووو حتى في أشرطه غيرها طايحه الحين اذا تبينها أنا حاضر واذا اشتريتي شريطين بعطيك واحد مجاناُ...ففرحت أنا وقلت في نفسي:(مسيكيــن شكله محد اشترى من عنده أشرطة من زمان فقلت يلا بطيب خاطره وبشتري من عنده كم شريط ههههه)...وقلت ما شاء الله عليه هالريال يحب يخدم الناس بس يا ربي هذا من تصرفاته وكلامه كأنه هذاك المشرف اللي بشبكة جعلان...منو؟..منووو؟؟ قلت فنفسي أكيــــــــــد هذا أسير الصحراء...ههههه:D

ومرة من المرات كنت رايحة المكتبة عشان أستعير بعض الكتب فلفت انتباهي الى بنت كانت جالسة على الزاوية تقرأ كتاب وبتمعن ولما مريت من جنبها ,,, قالت لي: أختي بغيتي شي؟..ممكن أساعدك بشي؟...فقلت لها لا عزيزتي بس كنت أبي كتب معينة وحصلتهم في الرف الثاني...فقمت عنها وشكرتها وبعدين طلعت من المكتبة وقمت أفكر فهالبنت....كانت طيووووبه ورزينه فذكرتني بعضوه من مجلس اداره شبكة جعلان وقلت لا يكون هذه.................ريـــــــــــــــــامي...(هههه هههه إسم الدلع ل.....ريــــم السلطنة)..... :D

وفي يوم ثاني كانت عندي مقابلة لإحدى الوظائف فرحت لمكان الوظيفة وسألت عن مكان المقابلة..قالولي إنها في المكتب اللي عاليسار ...سرت وسرت اليــــن شفت ناس جالسين فالكراسي وشكلهم معهم حتى مقابلة ينتظروا الدور فجلست وقلبي على نااااااار ...انتظرت وبعد شوي سمعت اسمي...دخلت المكتب وقلبي يبي يطيح من الخوووف..المهم جلست عالكرسي وقمت أتفقد المكتب وحسيت كأني داخله محكمة مب مقابلة...وكان قدامي ثلاثة من الموظفين اللي بيلقوا علي الأسئلة واحد شاااايب وشكله حزييييين كأنه بايع بخساره..ههههه وقلت أكيد هذا رئيسهم والثاني كان يبي يرقد يعني شوي وبيطيح على الطاولة..هههه وشكله ما رقد من اسبوووع أما الثالث: فكان في قمة النشاط ويمكن هو الوحيد اللي كان مستعد يسألني ما شاء الله عليه كان كاشخ طول الوقت ...(..كأنه يسوي دعايه signal 2 ...ههههه) بس كان طيب واااايد ويسألني أسئلة سهله يحليله.. ومشي غير ينكت ويضحك وكان رباااااش ما يطيق فالكرسي هههههه وأنا كنت أضحك وأسولف معه مب مصدقه اللي يصير معي وأقول:معقوله هذه مقابلة!!!...قلت فنفسي (...الله أعلم من وراء هالضحكة ليسقطني بعد بالمقابلة...)...فجــــــأه...
طاااااااااااااااااااااخ...سمعنا صوت قوي...لما انتبهنا لمصدر الصوت ......هههههههههههه....
شفنا الموظف الثاني اللي كان نعسان دق براسه عالطاوله وبعديـــــــن سواها ررررقـــــده....فقال له الموظف الربااااااش:..نــــــــــــوم العوافي..ههههه وقمت أضحك على كلامه وبعد هو ضحك وبعدين سمح لي الموظف الأول بالإنصراف وشكرني عالمقابلة مع انه شكله كان مب معنا وأنا بعد شكرتهم...وفي طريق العوده للبيت قمت أفكر بالموظف الرباااااش وأقول:يا ربي كأن هذا الموظف يذكرني بواحد....فقلت أكيد محد غيره أكيد اللي سوا لي المقابلة هو........معقـــــــــوله؟؟؟.....هو...العضو...
أبو جاسر السنيدي..!!!هههههه...:D

وفي صباح اليوم التالي رحت المطعم وكنت تعبانه حيييييييل وكان خاطري أشتري فلافل ولما سألت هذاك الهندي:في فلافل؟؟ ...قال لي:في كمسه سندويش فلافل>>>(قصده خمسة) لكن مهجوز>>(محجوز)...قلت له: زين نوبه يعني ما في شي ثاني عندكم؟؟ قال: لا.. في..في بيتزا...هم بر جر...سندويش لهم...>>>وتم يذكرلي حبة حبة..قلت له زين..زين...هات بيتزا...وتوكل على الله...اهيء..اهيء...مع انه كان خاطري فالفلافل....
المهم رحت وجلست عالطاولة وبعدين شفت شلة أربع بنات داشات المطعم وشايلات المطعم فوق روووسهن يضحكن قلت فنفسي:(يالله ضحكني معكن...من زمان ما ضحكت هه هه هه)....وراحن سييييده الى الهندي وقالن له:وين طلبياتنا؟؟ قال لهن:فلافل ؟؟ قالن:اييييه...المهم عطاهن وجلسن يمي وأنا ما خزت عيني عن الفلافل...هههههههه>>>(عيني عليها باااااارده)...فسلمن علي وسلمت عليهن وجلسن يسولفن وأنا أسمع لهن ...ههههه صراااااحه كانت سوالفهن ما تنمل وقعدتهن كلها وناسه ....خاصة البنت اللي كانت دبه شوي وكانت مرحه وااااااايد وحبوبة...وصراحـــــــه ارتحت لها...بعد شوي راحن البنات لأن كان وقت محاضرتهن..بيبدأ....بس نسيـــــــت أسأل البنت الدبدوبه من اسمها لأن سوالفها مب غريبة علي... يعني...مثل سوالف بنت فهالشبكة...تخيلتها..................ناعم العود...ههههههههه
صحيح ما قلتوا لي من اللي أكل السندويشة الخامسة يعني كلت ثنتين ما شاء الله عليها؟؟تدرون من؟؟...أختنا ناعم العوود...هههههه قصدي اللي كنت أعتقد انها هي...:D

أخواني وأخواتي: أسير الصحراء وأبو جاسر وريم وناعم العود....أرجو السموحة...وهااااه ترى كله مزح مثل ما قلت...
:D :D :D
والزعل مرفوووووووووووووض...:mad: :D

حسابٌ واحد لجميع خدماتنا !