دخيللك يايمه ابي عروسه مالها رجلين!!
يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني
نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني
يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني
تعالي واحضني فرحي .. وقولي للفرح اهلين
وخلي حزنك بقلبي .. دخيلك يابعـد عيني
اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني
علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني
يايمـه حالتي صعبة انا.. والفقر صرنا اخوين
اعيش بظلمة همومي والاقي الهم يكويني(معاقة)
يمه من صغري .. (معاقة) تشتكي حق مين
مدام ان البشر تنظر لحالي بعطف يعميني
اناظر هالبشر واسأل ..انا وش موقعي الحيــن؟؟
وش اللي يميز الأعمى عن اللي شوفهم زيني
فقيرة حظ يا يمـه وحالي تعمي العينين
من اللي يعشق ويهوى (معاقة) حظها شيني
سألتيني وش اتمنى يايمه منيتي شيين
يكون الفرح اولهم بعدها تعيش رجليني
انا ودي ومنا عيني يكون لجسمي بس( رجلين )
تساعدني على برك .. وبرك غايتي وديني
يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني
تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني
معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني
دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!
طلبتك يمه هاتيلي عروسة مالها( رجلين )
وابيها تكون في كرسي .. ( معاقة ) مثلي ترثيني ؟؟

قطعت قلـــــــــبي

صح لسانك

يسلموووووووو

صباح النور يسلمووووووووووووووو

طلبتك يمه هاتيلي عروسة مالها( رجلين )
وابيها تكون في كرسي .. ( معاقة ) مثلي ترثيني
تسلم اخوي صدج تقطع القلب

المشاركة الأصلية كتبت بواسطة الجمان صح لسانك يسلموووووووو

تسلــــــــــــــــــــــــــم الايد اللي خطت وشكرا ع التصفح
تحياتي

المشاركة الأصلية كتبت بواسطة سفيرالاحساس007 صباح النور يسلمووووووووووووووو

ي هلا بالصباح والمساء تسلم سفيرنا والله يخليك ع المرور الطيب

المشاركة الأصلية كتبت بواسطة الملكة الراسبية طلبتك يمه هاتيلي عروسة مالها( رجلين ) وابيها تكون في كرسي .. ( معاقة ) مثلي ترثيني تسلم اخوي صدج تقطع القلب

انــــــــــــــــــــــــــــــــــــا كاظمة ولست كاظم خخخخخخخخخخ
الله يخليج الراسبيه وتسلمي ع المرور الاروع

طلبتك يمه هاتيلي عروسة مالها ( رجلين )

وابيها تكون في كرسي ... ( معاقه) مثلي ترثيني ؟؟

************************************

كلمات رائعة ومؤثرة ومحزنه

تسـلمين أختي

ويعطيك 1000عــــــافية

تقبلي مـــــــروري

كاضمة الحب

الكلمات لاحدود لها وعذوبتها اجمل

شكراً كاضمة الحب على الامتاع

اهديك جل ودي مع

وردة بيضــــــاء

على جـــناح البلابل

تسلمي على الطرح الطيب