بسم الله الرحمن الرحيم

اليوم يايبه لكم موضوع نقاشي لمشكلة أو بالأحرى ظاهرة باتت موجودة في أيامنا الحالية
وما زالت تذهلني

وأريدكم رأيكم في هذي الظاهرة

قبل فترة وأني أدرس فالكلية كان يشتغل معنا شايب هكه والله ريوله والقبر
وانذهلت بوحده تجولي ان هذا الرجال جارنا ومتزوج بنت عمرها 18 سنه ومعاهم بنت
اندهشت كيف كيه

وبعد فترة واحد من حارتنا توفت زوجته فحادث مروع وكانت كبيرة وهو شايب بأحفاده
وبعد مرور سنه أو أقل والله تزوج بنت صغيرة عمرها يتراوح ما بين 20 و25

معقول هل فعلا عادي ولا أني مكبرة السالفة

هل توجد معاكم علامات استفهام لهذا الموضوع


ما هو سبب قبول الفتاة للزواج برجل في سن أبيها أو أحيانا يكبره ؟؟؟؟؟؟؟؟؟؟؟؟؟؟؟؟؟

وما هي أسباب قبول الفتاة لهذا المشروع وما نسبة نجاحه ، ؟؟؟؟؟؟؟؟؟؟؟؟؟؟


والقلم متروك لكم الآن


وسلامتكم

مرحبا اختي الماسة صوريه


بالنسبه لي اشوفه ظلم للبنت تدري ليش لانة اغلب البنات اللي يتزوجن شياب يكون دون موافقتهن لانه الاهل يدبرو كل شي وما يسمعن غير انه عرسج بعد كمن يوم


لاكن البنت لو اهلها شاوروها مستحيل توافق تمشي تدفن شبابها مع شايب

لاكن لو اخذها واحد في الاربعين من العمر او اقل هالشي يمكن يكون معقول


وبالعض من الاهل الله يهديهم يزوجو بناتهم بس عشان المادة ما يفكرو هل البنت بترتاح معاه او لا


وفي بعض البنات يوافقن عادي عندهن اهم شي يتزوجن ويحصلن حد يستر عليهن



وفي النهاية اقولج تسلمي ع الموضوع الرائع

مشكور ابن الأشخرة ع مرورك الرائع
فعلا بعض المرات تكون البنت ضحية المادة

مشكوره ألماسه ع الطرح...وفعلا هذا موضوع واقعي ونشهده في حياتنا اليوميه بس أنخفض عن السنين اللي قبل ...

زواج البنت من شايب هذا تحكمه ظروف يمكن مثل ما تفضل إبن الأشخره يمكن عشان الماده وطمع الأهل أو أبوها توهق مع هذا الريال في دين أو شي كذا... وهذا السبب أعطيه90%


وفي بعض البنات يوافقن إذا مثلا كان أبو البنت متوفي وهي فاقده حنان الأب وتشوف أن هذا الريال الكبير في العمر بيعوضها عن حنان أبوها اللي فقدته...وهذا السبب أعطيه10%


فـ] النهايه تأكدوا أن كل إنسان وله ظروفه يعني مش أول ما نسمع الخبر نلوم ومعرف شو ...لازم نعرف أن هناك ظروف وأمور حن ما نعرفها...


من وجهة نظري المتواضعه...



دختـــــــــوره...

شكرا دختورتنا ع مداخلتج الطيبة الحبوبة مثلج

فالبدايه صعب وايد البنت في عمر 18 او اقل تتزوج ب"شايب ",,

لانها في بدايه شبابها وتبي تشوف الرومانسيه وغيره,,

ما اعتقد الشايب يقدر ع هالشي ,,؟؟

حتى لــو قدر ... ما راح يوفيها,,


وبعدين احد اسباب الزواج الشياب من بنوتات صغار,,

* الزواج ستر للبنت..
* يمكن يبي عيال ..


أمــــــا بالنسبة للبنت وموافقتــــها,,

ـ احتمال تــــــكون مجــــبوره ...
ـ يمكن الماديه وغيرها..


ورأيي الشخصي ,, مـا افضل الزواج من هالنوع,,وأنا ضد هالشي

لانه ف البدايه قايم ع مصلحة احد الاطراف" اهل البنت، اهل الزوج، الزوج، والزوجه. ..."


يسلمو الماسة ع الطرح ,

وتقبلي مروري

كلام جميل اختي شيخة بمعانيها تسلمين الغالية ع المرور