صديقي


انا افتخر في صاحب مثل شرواك يوم الرجال تقول من هو خويك


من له صديق بها الزمن مثلك بخير ماشال هم وماسأل عن قراده


أبسألك وابغى اجابة سريعة وشلون افرط فيك دامك صديقي


مالي صديق الا انت يا صادق الراي منك عرفت شلون معنى الصداقة


إحشم خويك عن دروب الرزاله ترى الخوي عند الاجاويد له حال


ان كان عندك للموده قوانين عطني حقوق المعرفه والصداقه


رفيقك الداني ليا شفت حاله احمل عليك من المعاليق ماشال


من وين أبلقى صاحب يرفع الراس ان طحت قبلي طاح والا رفعني


انا خويك للأبد وين ماكنت سيفك بوقت اللازمه تنتخي به


مافيه شخص لانخيته يجاوبني غير انت ياللي للصعيبات حاسيه


عطني سبب واحد على شاني اسمعك مادام لا منصف ولا كنت وافي


وضعك ترى يفرض علي احترامك ومقابلك يلزم علي استمع لك


ياصاحبي لاغاب غيرك تركناه والا انت عارف وش يصير بغيابك


لو يصير الموت دونك يالرفيق موت طيب ولاحياة للردى


ياصاحبي قلبي بنبضه يشاطرك حزنك فرحك وخوف قلبك وامانك


شفتك ولالي غير نظرة عيوني مات الأمل ياصاحبي والأمل فيك


انت الصديق اللي ليا ضقت اجي له أجيه في ضيقه واعود بفرحه


انت الصديق اللي ليامن ذكرته اقول هذا ياعرب هو صديقي


يا صاحبي مغليك عن باق الأصحاب مافيهم أحد ماتمنى غلاتك


ليا جهلت بمعرفة صاحبك طح شف يتركك والا يجيك ويشيلك


تشوف من عسر المواقف وتهتال وتلقى صديق كم تذكرت قبله


العمر لحظات من الوقت تمتاز عرف الرجال ابها يفوق الغنايم


أنا رفيقي لو هجرني حشيمي طبع توصى به رجال مشاكيل


ياصاحبي لابلي مخلوق بمصيبة لاتشمت الناس في تدبير مولاها


اشتر تبيع وراس مالك مايضيع وصداقة الأخيار تشرى ماتباع


رفيقك اللي كل ما سرت به سار على الخطا والا القدا مايخليك


رفيقك اللي يلطم الخصم لي جار وبالمال والمهجه وبالروح يفديك

هاديء هو حرفك سيدي...

وعاصفة هي مشاعرك كالبحر...

سلم لنا شعرك الراقي..

لك بساتين من الزهر...

سلِمتَ وسلِم نزف قلمك..

حروفك أثارت فيني الأشجان...

وكلماتك متناغمةٌ كالألحان...

وتعبيرك رائعٌ بروعة البساتين الغناء...

لا تبخل علينا بمزيد من عطاءك...

لك مني أعذب التحيات...

وأطيب الأمنيات...






وسجل يا تاريخ

سلمت اخوي ع ابياتك المعبره وما يدور في خلجاتها من اروع المعاني

كلمات اكثر من رائعه
وكيف لا وهي تتحدث عن الصاحب والصديق
موفق اخوي

كلمات جميلة ... ومعاني ساميه


لا تخرج إلا من شخص مخلص ... وراقي فالتعامل

موضوع القصيدة في غاية الرقي والسموا


أما القصيدة من الناحية الفنيه


فهناك بعض الماحظة البسيطة اتمنىان تتداركها فالمرات المقبلة

مثل ... الكسور البسيطة التي لا تذكر ولكن المشكلة أنها تكررت في اكثر من موقع

ولولا ذلك والله ما ذكرتها
وكل التوفيق لك


تحياتي // الكهف