كان يا مكان في قديم الزمان ………كان فيه أمراة عيوزه قاعدة بروحها

وفجأة طلع لها ابليس ………( لقافه ….يبي يتحرش ) عيوزه خافت وسمت بالرحمن …قالها

ابليس :أنتي يا عيوزه هل تعتبرين نفسك حيه ؟؟؟؟

العيوزه: اي أنا حيه ……….. والنساء عموما كيدهن عظيم

أبليس: أنا أتحداج……..وبنشوف منو كيده أعظم …..المرأة ولا أبليس

العيوزه :خلاص أنا بسوي مشكله .... والمشكلة هذي اذا حليتها تكون فايز بالتحدي ...واذا ما حليتها انا اللي افوز بالتحدي ....


أبليس:Ok

<ـــــــ مثقف يعرف انجليزي بعد

راحت العيوزه حق واحد من هالداجين اللي ما عندهم شغل ويا كثرهم

وقالت أنا بشغلك عندي فترة معينه بس……. اذا تبي فلوس لا تتدخل ولا تتكلم .

(وافق الشاب لأنه تعب من شغله ويبي فلوس ).

راحت العيوزه ومعاها الشاب لمحل قماش وقالت له أنتظرني عند باب المحل …دخلت

المحل وخذت قماش غالي وراحت تكاسر تاجر القماش

العيوزه: رخص يا بن الحلال …

التاجر :اذا أنتي ما عندك فلوس اخذي شي أرخص

العيوزه : ما أقدر ….لازم ولا يصير شيء ما صار

التاجر :ليش ؟؟ …..لهالدرجه …..شسالفه؟؟

العيوزه:شفت الشاب اللي واقف عند باب المحل ..هذا ولدي ..يحب وحده متزوجه

وهي تحبه ولما تتطلق من زوجها …ولدي بيتزوجها

وهو قالي أن خربتي علي الزواج بأطردج من البيت وأمرني أني أشتري قماش غالي عشان يعطيه حبيبته

والا راح يطردني من البيت مع أن البيت بالأساس بيتي ولكني غلطت وكتبته بأسمه

(العيوزه تبجي)

التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش.وعسى الله يعطيني على قد نيتي....

العيوزه طلعت مستانسه وقالت حق الشاب روح البيت

بعدها راحت العيوزه لبيت زوجة تاجر القماش وطقت الباب ، وطلعت الزوجة

العيوزه:آه بابنيتي أنا تعبت بالطريق و ما أقدر أكمل ممكن أقعد عندج أرتاح خمس دقايق

رحبت الزوجة ودخلتها وأكرمتها ويابت لها جاي

العيوزه:مشكوووووورة ما تقصرين ان شاءالله أردها لج

(تعمدت تنسى القماش )

وطلعت

الزوجة: حرام نست قطعة القماش …أكيد بترجع بعد شوي وتاخذه

بروح أحطه بالغرفة..

تاجر القماش رد لبيته وتغدى ذاك الغدا السنع ونام شوي

قام العصر وشوي ... الا يشوف كيس نفس اكياس محله واستغرب

مفاجأة ........ قطعة القماش اللي عطاها العيوزه

وعرف أن المرأة اللي يبيها ولد العيوزه هي زوجته يعني تخونه

قام عليها وطقها وطردها بالشارع بالملابس اللي عليها

العيوزه كانت تنتظر هاللحظه في أخر الشارع فراحت لها تركض

العيوزه: شفيج يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العيوزه: خلاص أنا بأوديك بيتي وأنا بروح أحل المشكله

راحت العيوزه لبيتها ودخلت الزوجه في غرفة بينما الشاب كان في غرفه ثانيه

وأمرته أنه ما يطلع منها

راحت العيوزه للشرطه تبكي وتقول : كنت قاعدة في بيتي وفجأة دخل ريال ومعاه وحده

وقعدوا ببيتي حاولت أطلعهم ما قدرت .....شكلهم حرامية ...


<ـــــــــــ مسوية روحها بريئه ما تعرف


الشرطه : شنو حراميه .... ااحنا نوريج فيهم .... وين البيت بسررررعه .....


وراحت والله الشرطه وتمسكهم ... وطقوهم طق كلهم الاثنين .... وقطوهم بالسجن ...


العيوزه: ها ها شرايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت واايد وانا جذي ما اقدر

العيوزه: أنا راح أحلها وكأن شيء لم يكن . وراح أفوز بالتحدي

راحت العيوزه تزور الزوجه بالسجن وقالت لها :أنتي ساعدتيني مرة

وأنا اللحين بأساعدك .... يله لبسي عباتي وطلعي من السجن كأنج أنا

وأنا بأقعد مكانج

الزوجة:مشكووورة ….لكن أنتي ؟؟؟

العيوزه: مالج شغل مثل ما طلعتج بطلع نفسي.

تمت عملية الهروب بنجاح

القاضي ... يا وقت الحكم ... وين المسجونين عشان يحكم عليهم

حضرت العيوزه والشاب وقال لهم القاضي : ليش ماسكينكم الشرطه ... شنو مسوين؟؟

ردت العيوزه:احنا ما سوينا شيء كنا قاعدين ببيتنا أنا وولدي والا الشرطه طامرة علينا وماخذتنا السجن

عصب القاضي وهزأالشرطه وما عطاهم فرصه يتكلمون ويقول :غلطانين وتبون تتكلمون

على شينكم قوات عينكم

طلعت العيوزه من عندهم مستانسه وعطت الشاب فلوس وأنهت خدمته

عندها.

راحت العيوزه لتاجر القماش وقالت له أنها تعبت بالطريق وأن زوجته أصيله

وأكرمتها وهي من كثر التعب نست القماش عندها وأن زوجته بريئه

وقالت خذ قماشك لأن ولدي سافر هو و زوجته الجديدة

رجع التاجر زوجته وتأسف منها و راضاها بعد

العيوزه : شرايك يا أبليس أنا فككت السالفه سهله

أبليس :أنتي ربحتي ….يما………يما أن كيدهن عظيم

(إنحاش وهو خايف)