احبتي اهديكم هذا النص المتواضع وآمل ان ينال على بعض اعجابكم









جيتك ولكن مـدري شلـون جيتـك
اتلى العهد فيني وانا مهوجسٍ فيـك
ولادريـت الا وانـا عـنـد بيـتـك
اصرخ بعالي الصوت بسمك واناديك
ياهيه ياللي يطـرب القلـب صيتـك
يابـاش يامطنـوخ يـاذرب يابيـك
ياسالـيٍ عنـي وانــا ماسليـتـك
يامتعبٍ قلـب العنـا فـي رجاويـك
ارحـم ولـدّ لخافـقـي لابكيـتـك
عطني مفاتيح المحبه وانـا اعطيـك
لاتحسب اني مـن فـؤادي محيتـك
في ذمتي باقي علـى حطـة ايديـك
باقي على عهد الغـلا مـن هويتـك
ماغير احبك واعشقك موووت واغليك
اغليك واغلـي كـل حيـك وميتـك
واعشقك من راسك الى اسفل مواطيك
من وين ماوجهـة وجهـي لقيتـك
في صحوتي في غفوتي دووم الاقيك
مامـر يـومٍ فـي حياتـي نسيتـك
ينساني الله كان فـي يـوم ناسيـك
ياكثر مانـي فـي غيابـك طريتـك
اطريك ثم اطريـك واعـود اطريـك
لامرنـي طـاري الغـرام انتشيتـك
ارحل عن العااااااالم بما فيه واجيـك
واذا سئلت شلون جيـت ولفيتـك؟؟
جاوبتك بمـدري عسـى الله يهديـك
مدري من الذكرى رحلـت ونصيتـك
مدري مشت رجلي بيمـة حراويـك
مدري جذبني ليل عشـق وسريتـك
وإلا خطاوي الشوق لاقت خطاويـك
ماعـاد اميـز ياغرامـي فديـتـك
ما اذكر وش اللي جابني يم اراضيك
جيتك ولكن مـدري شلـون جيتـك
اتلى العهد فيني وانا مهوجسٍ فيـك











تقبلوا التقدير والاحترام

محبكم

تسلم اخي العزيز على الكلمات الرائعه

واعذرنى لايقاف هذه المشاركه ليومين وهذا كله لكي تاخذ مشاركاتك التي شاركت بها في نفس الوقت مجال كبير من القرائه والزوار
والردود
فلك تحية اخاك
اسير الصحراء

يعطيك العافيه الهاجس على هذا الكلام الرقيق
والله يعينك اخي اسير