أنظروا ماذا كتب هذا الشاب المتهور الذي تعرض لحادث وكانت معه والدته فتوفيت بالحادث وبقى هو على قيد الحياة وكتب هذه القصيدة



يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني .....!!

تسلمممممممممممممم على القصيده الاكثر من رائعه
عظم الله اجره
الحمد لله هذا قضاء وقدر
اختك السولعيه المغتربه

بصراحه فعلا كلمات تدمع العين من روعتها

يعطيك العافيه أخوي

كلمات نبشت قبور اسير
ياللها من كلمات وياللها من دموع وآهات
تسلم اخي العزيز على هذا الحس المكتم الذي تجعلنا نبكي ونبكي حتى يمل البكاء من بكائنا
تقبل مروري
اخاك
اسير الصحراء

تسلم ابن الساده على الاختيار الرائع والكلمات التي تبكي من لايبكي

كلمات تفطر القلب وتدمع العين تسلم اخي

سلمت يداك ياااااااااابــــــــــــــــــــن الساده عسى الله يحرمنا من مشاركاتك

تسلم يمينك اخوي
قصيده رائعه

بما اني ظيف جديد عليكم حبيت اسلم على الجميع واهنيهم بشهر
(رمضان ) الكريم وكل عام وانتم بخير

الله يعينه فعلا كلمات تبكي الواحد وهو ماوده يبكي مشكور اخوي