أكرهك وأحبك ولا أبيـك وأبيـك
لخبطت فكري ماعرفت الحقيقـه

ماتوقعت أعشقك في يوم وأغليك
لين ماحبك أشعل بقلبي حريقـه

تاهت بحوري وأنا أدور موانيك
و الروح بغيابك و بعـدك غريقـه

والقلب يتبع بالمشاعر خطاويـك
ودروب غيرك تشكـي الضيقـه

راضي بتعبك و أتحمـل بلاويـك
وماطيق غيرك ولا حتى دقيقـه


انسى اني أكون بيـوم ناسيـك
محد بعد المحبه ينسى عشيقه

يفز قلبي لا جابو الناس طاريـك
حبك قدر عمري ونورك طريقـه

أهديك كلي وانا وكلـي لمعاليـك
وأهديك كل الورد واحلى رحيقـه

من قال ماحبك ولاأبيـك وأبيـك
هذي خرابيط شاعر بحكم السليقه

ولا الحقيقه تراني مبتلـي فيـك
مثل ظامي يحتري من يبل ريقـه

واخرها تذكرني ليا هلت لياليـك
انت حبيب القلب وانت صديقـه..

كلمات حلوة حبيتي تسلمين ع الطرح الراقي
والمميز
تقبلي مروري

مرورج الأحلى غربة الروح

صــــــــح لسانـــــــج
كلمات حلوه

كلام حلو التعابير

تسلم يمناك اختي على التميز

صح بدنج خويتي اميرة الشرقية
تسلمييييييييييين

ربي يسلمج ظبي الرواشد
مرورج الأحلى خيتوووووو

في غربتي...

ماااا جصرتي عزيزتي ع هالطرح الأكثر من رااائع..

والله يعطيك العافيه خيتووووو...

تسلمين الشيخة نجوووووووم الليل
وطلتج الأروع وربي يعافيج

تاهت بحوري وأنا أدور موانيك
و الروح بغيابك و بعـدك غريقـه
والقلب يتبع بالمشاعر خطاويـك
ودروب غيرك تشكـي الضيقـه
أبيااااااااات جميله ..

تسلمين ع الطرح يالغلااااا ..

ربي يعطيج العاااااافيه ..