مـدخل :



أبطيت عني وأشوفـك ماتكلمنـي
ماتدري إني أشوف النور من نورك

أبكي غيابك عشان أغريك ترحمني
مدري متى تستخير وتعتق غرورك

ماني معاتبك بس أبغـاك تفهمنـي
حسسني إنك تبيني وإتبع اشعـورك

وان كان تبغى فراقـي لاتعلمنـي
خلك مقفي وانا بتأمـل حضـورك










أحبك يابعد نزف الشعور اللي ضمـاه الجـور
أنا مالي سوى قلبك أموتـك شـوق وأحيابـك

تباكاني طموحاتي وحلمـي خاطـره مكسـور
قهر تستنزف جـروح الغـلا والـود يزهابـك

تعبت أبكي على غيابك وأجاوب صرختي مقهور
تعبت أعزف على أوتار الشقا والجرح غنابـك

تعبت أحبس خيالاتـي ولاكـن الأمـل مقبـور
أنا كل مابغيت أنسى وداعـك هاجسـي جابـك

يغص الضحك بأانفاس الحزن وأستوعبه مجبور
عجزت أتنفس افراحي عزيت الضحك بأسبابـك

أخيلك والغلا باقصى محاديب أضلعي مأسـور
وأحن لشوفتك وأشكي على السلسـال واثيابـك

حرام إنك تخليني وأنـا كلـي غـلا وشعـور
أسولف باالطريق اللـي جـرح قلبـي وقفابـك

تعالي يابعد وجـه الصبـاح وياسبـات النـور
متى مابان نورك غاب نور الشمـس بااهدابـك

تبطايتك وأحس إن الفضا من غيبتـك مهجـور
قسم بالله من رحتي عجـزت اتحمـل اغيابـك



مخـرج :





صبري نكرني من كثر ماأتصل فيك
مدري متى تعطف على اللي مقدرك

كل مانسيتك قمت أهذري بطاريـك
ساعدنى أنسى وأوعدك ماأتذكـرك