التحدي..قصيدة صوتيه



بسم الله الرحمن الرحيم

السلام عليكم ورحمة الله وبركاته

أضع بين أيديكم قصيدتي المتواضعه هذه ، الغريب في أمر هذه القصيدة أنني وجدتها متشره في الإنترنت مسجله بصوت غير صوتي ، ولكن الجميل أن من سجلها بصوته ذكر إسمي فيها ، فـ له كل الشكر ولو إني ما أعرفه.

*التحدي*

لو قويتــي الصــد صـــدّي ، ون بغيتـــي لا تردي

ماني متوســل حنينــك ، أو بعاتـــب فيـــك قلبــــي

صح جرحتك ، في كلامي ، بس وربي مو بقصدي

ألـــف مــره قلــت آســف ، وإعذرينـــي لـــو تحبي

أو كذا روحي جريحـــه ، مـــع بقايـــا حلـــم وردي

ون تذكّرتي هوانـا ، قولــي ويــش الحــل يـ ربــي!!

ليـــــه ضيّعنـــــا المحبـــــه بالمعانـــــد والتحــــدي

المفـــارق كـــان ذنبـــه وأدري أيضــا ً كــان ذنبــي

ياحياتـــي أرحمينـــي وأرحمـــي نفســـك ، وهـــدّي

الغــــلا فينــــا تمكّـــــن ، مهمـــا ياعمـــري نخبـــي

ماجرحتـــك غيــــر لنّـــي ، ودي يكبـــر فيـــك ودي

والعتــب أحيــان يجــرح ، للأســف ويكــون سلبــي

للزعــــل ماعــــاد عمــــري يادفــــا الأيـــام يمـــدي

كل لحظه تمضـــي دونــك ، قرّبــت للمــوت دربــي

أنتي الدنيا وحبك أغلى شي فـ الدنيـــــــــــــــــا عندي

وأدري أغلى شي عندك يا بعد هـ الروح قربــــــــــي

شوفي كل الدنيا توقف لو زعلتي مني ضـــــــــــــدي

حتى قلبي مني يزعل لــــــــــو دعيته...مـــــــــــايلبّي

لو زعلتي ويل حالــــي ، أنتحب فـ الهـــــــــــم وحدي

خوفي لو زعلك تمــــــادى ، ينتهي حبـــــــــــك وحبي

يا غلا نبض المشاعــر ، سدّي بــــــــــاب الصد سدّي

لو جرحتك هـــــــذا قلبي ، شبّي فيه النـــــــــــار شبّي

يا عسى أفديك كلـي ، يا قمـــــــــر أيـــــــــــام سعدي

موت واحشنــــــي دلالك ، يانسيم الكـــــــــــوس هبّي

لا يغرك طــــــول صبــــــــــري أو غروري والتحدي

في غيابك حيل أعانـــــــــي والخطا منـــــــــــي وذنبي

مانــــي متوسل حنينك ، ون بغيتي الصــــــــــد صدّي

بس أمانه قبل صـــــــدك ، تذبحين أرجــــــــــوك قلبي

هذا رابط القصيدة الصوتيه:
http://www.e7saaas.com/inf/voices-action-show-id-388.htm

حسابٌ واحد لجميع خدماتنا !