هلا جابك الله عقب ذاك الطريق ارتحت
تبي باتصالك عقب ما غبت تنفعني
تبيني على حطت ايدك جيت ولا رحت
تبي بها السهولة بالمعاذير تقنعني
تحسب الجفا عادي وانا منه ياما صحت
تقول انت وش خسران وشفيك تمنعني
انا ما خسرت الا الكرامة عقب ما رحت
نويت السفر ولا طرالك توادعني
على كل حال اسمع وانا ابشرك ما طحت
على منت خابر لا وصدقت ترفعني
هلا يوم ربي جابك وللاسف سامحت
انا ابتكلم وانت لالا تقاطعني
ثلاثين ليله وانت ما قلت كيف اصبحت
تبعثرت عقبك ما طرالك تجمعني
شقى واشتقيت للمخاليق ما وضحت
قروك بعيونن للسهر منك تقلعني
كرهت السفر واللي يسافر ولا صرحت
بأنك سبب حزني وفرقاك توجعني
وانا وان شكيتك لقرب الناس وان وضحت
لقيت الاجابة منه لاغاب وش يعني
انا اكذب عليك ان قلت ياذا البعيد انزحت
على كثر بعدك يمك الشوق يدفعني
هلا بتصالك عقب ذاك الغياب افلحت
ولك صدر ياسع غيبتك وانت تاسعني
هلا بك على حطت ايدك جيت ولا رحت
على منت خابر وانت لا عاد تقطعني

اتمنى انه القصيدة تنال اعجابكم