بسم الله الرحمن الرحيم

السلام عليكم ورحمة الله وبركاته

((ســـــــــــاره))

للإستماع للقصيدة
http://up.ftahilah.com/up//download.php?filename=58f0e125dd.mp3

يفيض البوح من نبع الغلا أبيات موزونـه
وتنبت في ضفاف الشعر لك يا فاتنه أزهار

وتقبل هـ القوافي لك مشاعر شوق مجنونه
أنا شاعر وكل عمري نزفته في هواك أشعار

سلام الشوق يا "ساره" وقلبك عاد وشلونه؟
عسى باقي على عهدي ، وشايل للهوى تذكار

أحبك والغلا يصعب علينا نعيش من دونه
ولكن هو كذا حظي ، وهذي حكمة الأقدار

تفارقنا وكل(ن) راح في دنياه وشؤونه
ذبل حلم القلوب اللي بكت في آخر المشوار

أنا ماجيتلك لايم ، ولو هـ الروح مطعونه
أنا جيت أرتوي من رقتك وأرحل شخص منهار

عسى يرتاح تفكيرك من الهوجاس وظنونه
وعسى ألقى سبب واحد يبرّد حرّة المحتار

هذاك اللي يبان الحب والحرمان فـ عيونه
وقف مذهول في صمته ، يدوّر للفراق أعذار

نعم يا "ساره" إحساسك ، خفوقي لازم إيصونه
أموت العاشق الوافي ، ولا أحيا الغبي الغدّار

أبرحل والألم يذبح أحاسيسي على هونه
إلى وين السفر ياللي مفارق في جفاها دار؟!

وش الديره سوى محبوب يحطّك داخل جفونه
و"ساره" هي وطن قلبي وغيبتها عذاب ونار

يعين الله من فارق حبيب وفاضت شجونه
على شاطي الألم يجلس ، يبعثر أطهر الأسرار

إلى "ساره" رحل قلبي وخلّى ناسه وكونه
رسم رقة ملامحها ، على كف الغلا أقمار

هذيك اللي تهادت في خيالي بنت مزيونه
تجي وتروح في بالي وصارت تملك الأفكار

من الرقه أدلّعها إذا ناديت "سارونه"
دلوعيّه كذا خلقه ، نقيّه تشبه الأمطار

ولو تطلق شفايفها أسر بسمات مسجونه
من الروعه ، عسى يستر علينا ربي الستّار

يذوب الورد في لحظه ، ويتبرّا من غصونه
وتصبح كل صحرا في ثواني غابه وأشجار

خذت من ريحة النرجس ومن وجه القمر لونه
ولامنها مشت تسحر قلوب وتسلب الأنظار

وتتبعها مثل طفل(ن) يلاحق خيط بالونه
ولايقدر يلامسها..كذا "ساره"..حسن جبّار

كثير قلوب في صفوة حلاها حيل مفتونه
ولكن ماقدر يوصل موانيها سوى البحّار

هذاك اللي يبان الحب والحرمان فـ عيونه
وقف مذهول في صمته ، يدوّر للفراق أعذار

تفارقنا وكل(ن) راح في دنياه وشؤونه
ذبل حلم القلوب ، اللي بكت في آخر المشوار

أحمد العلوي

الله يعطيك العافيه أخووووي

المشاركة الأصلية كتبت بواسطة لمسات الشوق الله يعطيك العافيه أخووووي

الله يعافيك ، وألف شكرا ً عالمرور

يعطيك العافيه
ماشاء الله عليك شاعر بمعنى الكلمه
بيض الله ويهك خويه على ماكتبته

وساره من أحلى الاسامي

المشاركة الأصلية كتبت بواسطة الجنيبيه يعطيك العافيه ماشاء الله عليك شاعر بمعنى الكلمه بيض الله ويهك خويه على ماكتبته وساره من أحلى الاسامي

الله يعطيك العافيه أختي.
تسلمين على هالمرور الطيب.
أسعدني تواجدك الراقي.
أتمنى أن لا تحرمينا من مرورك.

من سارة ؟؟؟؟؟؟؟؟؟؟؟؟؟؟؟؟؟؟؟؟ ههههه رزة فيس ههه

كلمااااااااااااااااااااات جميلة

صح لسانك

تسلم شاعرنا احمد ع كلماتك الجميله وسطورك الرائعه
توغلت بينها ل اجد ما هو جميل
تقبل مروري

المشاركة الأصلية كتبت بواسطة الماسة صور من سارة ؟؟؟؟؟؟؟؟؟؟؟؟؟؟؟؟؟؟؟؟ ههههه رزة فيس ههه كلمااااااااااااااااااااات جميلة صح لسانك

أوووه ألماسه أشوف يايتنا حماله :-)
الأجمل مرورك وتشرفيك
والله يعطيك العافيه

المشاركة الأصلية كتبت بواسطة جعلاني للابد تسلم شاعرنا احمد ع كلماتك الجميله وسطورك الرائعه توغلت بينها ل اجد ما هو جميل تقبل مروري

الله يسلمك أخوي جعلاني وأشكرك على هالمرور
ربنا يعافيك وفالك التوفيق

"ابيات قمه فالشاعريه"صح لسانك"وماعليك زود