قالو عنك يالرنج خوان

وغلطان ساعة قلت بشريك

واليوم أشوفني صرت ندمان

لوّل قلت من يساويك

وياما مدحتك بين العربان

وألحين شوف إشلون بشنيك

موتر جديد ودوم خربان

اتعبتني من كثر ما أعطيك

من كل راتب النص نقصان

شي للغسيل وشي تشييك

ومن فوق هذا دوم عطشان

لو هو بحر ما ظني يسقيك

كل يوم أعبي ترس خزان

وأقول تستاهل وأغذيك

واللي يشوفك قال فنان

ياليت لو عندي شراويك

عقيتني في وسط كثبان

وين الجسارة اللي تحليك

ما دمت عالشارع وخربان

والونش دومه اللي يوديك

لو إني شريت الونش كسبان

أهون عليه من بلاويك

بذكر لكم قصة يالأخوان

يوم إخترب أمسات البريك

إمن الوكالة خذت سامان

ب7000 سفايف ويش أسميك

لو بوصفك بالوصف نيران

تحرق ولا تشبع ويرضيك

وإلا ترى فالقلب نيسان

فيه ابركه والخير ما فيك

ولي ياخذه بالفعل كسبان

في كل موقع ما با يخزيك

ما هو شراتك دوم عثران

كل العرب بالشين تطريك

عساك يالرنج طوفان

غلطان من يدفع ويشريك

عليك يالشراي بنيسان

لي من عذبته قال لبيك



مع تحياتي........................... حجريه كيوت

مشكووووورة خيتووووووه ع الكلمات الجميله

يسلمو خيييييووووووووو ه على مرووووووووووووووووووورك تسلمم

مشكورة ع الموضوع
تسلمي عليه بس جنه مطروح من قبل

حجريه كوووووول تسلمييييييييييين
هيه مطروح بس انا توني شفته ههههه عاااادي صح؟

هع هع هع اسميج

بس قبل بججي عيووووووووووووووووووووونج عععههههعععع قبل لاتطرحي

نصيحه هاه ههههههههه

حجريه كوووووول ههههههههههههههههههههههههه ككككككككككككككككككك ان شالله ببج عيوووني عدللللللل تامرين على شي بعد تراني حاضره خخخخخخخخخ

حلوووووه القصيده الصراحه ,,يسلمو

خيتو القصيده هيه حلوه بس تعرفي ويش اذا شفها احداى الاداريين راح يمسحها .....................لانه ممنوع نفس موضوع ينعرض مرتين

تقبلي مروري

عليك يالشراي بنيسان

لي من عذبته قال لبيك

:::::::::::::::::::::::::::::::::::::::::::::
لاهنتي يالحجريه وعساك ع الجوّه