بسم الله الرحمن الرحيم ..

لاأعرف كيف ابدأ موضوعي لإني لم أرتب له مسبقا، وإنما جاءتني الفكره الآن ..
من خلال تصفحي للمنتدى وبقية المنتديات الاخرى ...

اممممممم من خلال مالحظته أن البعض قد يدعي المثاليه

يعني تجي وحده تكتب عن الشات وتقول بنات حرام تدخلون الشات وهو .. إلخ
وتطلع البنت هي تدخل الشات أيضا .. وإللي يردون عليها ماعندهم غير : نعم أوافقك الرأي / أو كلامك صحيح
وهي أول الواصلين للشات !!

أو تجي وحده تطرح قضية المغازله في المراكز والمولات وتنصح وتتشدق بكلامها .. وكالعاده الأعضاء يردون جزاك الله خيرا ع النصيحه / في ميزان حسناتك ..

(( بصراااحه أشمئز من هذه الردود !! ))

والبعض منهن لاتعرف أنها السبب الأول والأخير في المغازله !!

ميك أب فووول ، عبااه مزخرفه ، ريحة العطر واااصله آآخر الدنيا ، رنة موبايلها أغاني وعذاااب وحب .. !!

وفوق كل هذا تجي تنصح البنات هني .. وتكتب .. وتتشدق .. وقال الله وقال الرسول .. وهي أبعد ماتكون من تطبق قال الله وقال الرسول ؟!!

تعالي مثلا خاصه سالفة الحواجب .. الكل تقول حرراااام بنات مب زين .. وتجي هذه تقولها صح كلامج وهذه تقول مب زييييييييين .. وهذه ... إلخ

وتعاااالن شووفنهن بعديين .. ماااااااافيهن ولااااااااااااااشعره من الحواجب .. مجرد سطور من أقلام ؟!!!!

لماذا نحاول أن نظهر اننا غييير ؟!! ندعي المثاليه ؟!!


قضايا كثييره يتم طرحها في المنتدى .. الكل يكتب الكل يقول .. لكن لاااااااااااا أحد يطبق !!

فماأسهل أن نكتب ومااسهل أن نفعل .. قد يكون يصدق فينا قول الله (( يقولون مالا يفعلون )) ..

رااجعوا أنفسكم قبل كتابة أي موضوع .. تذكروا ..
لاتنه عن خلق وتأتي بمثله ..
عار عليك إن فعلت عظييييييييييييم ..

وأنا وإنتي كنت كتبت هذا الموضوع لايعني أني أدعي المثاليه أيضا ؟!! لكن بليييييييييييز لاتباااااااالغوون كثييير وتتشدقون وتمطون وحالتكم حاله ..

سووووووري كان كلامي ضايق أحد .. لكن هذا الواقع وهذا إللي حااصل أصلا ؟!!

يعني ألحين كل إللي فالمنتدى ماشاء الله مثاليين ومتدينين

شــامخ الرأسـ،،
أعجبني أسلوبكـ الصراحة
يمكن الواحد يقول نظرتة أو رأئه فالموضوع
لكن !!
الواقع غير،،
تخيــل لو كل الناس تعمل يلي تحسه مناسب أو صحيح كان الأنسان عايش بأقصى درجات السعادة
لكن الأنسان بطبعة يجر نفسه وراء الخطأ بأسباب مجهوله

منها!!
حب المغامرة وغيرها

هذا الكلام اللي عندي اللحين ولي عودة ان شاء الله

لكـ ودي وأعجابي شامخ الرأس

علينا اخذ الناس بالظاهر والذي نراه امام اعيننا ... بدون التطرق لأمور ماتعنينا ...(((اذا رأيتم الرجل يرتاد المساجد فاشهدوا له بالايمان ))))

والبنت اذا نصحت عن الاشياء اللي مب زينه فاكيد انها بعيده كل البعد عن هذي الاشياء ومانشكك فأحد ناخذ الناس بنوايا حسنه والذي نراه امام اعيننا لو كان كلامك صحيح كان كل الناس على خطأ....

خل الناس تنصح رب مستمع اوعى من متحدث شو المشكله ... وانا ضد ماكتبت 180 درجه ...

شامخ الراس يا عسى راسك دوووووووووم مرفوع

تسلم على هالموووووووضوع الاكثر من راااااائع

الذي يركز على نقطة تكلم بما تفعله ولا تقول ما لا تفعله (ههههههه من امثال زهرة السويح)

وبنفس الوقت انا مع خوي دردميس بس اضيف :

صحيح الواجب ما نحكم ع بواطن الناس بس زين الواحد ينبه على هالاشياء اللي ركز عليها شامخ

والسمووووووووووووحه للكل بس هاذي وجهة نظري

طاااااااااال عمرك عالمبادرة الطيبه وحسن النصيحه

الله يجعله ف ميزان حسناتك

دمت متميزااااااااا

أحم أحم , هااااي(فيلسوف)المنتدى , شكلك تبي تزعل البنات مثل مازعلت(المعارض)دردميس , أخووووي(....خ...) هذا الوضع سائد في كل مكان تروحله بس من الخطأ نعمم على كل البنات وعلى قولتهم لو خليت خربت وهذا واقع لامفر منه ولاتعجب ولكن ليس من السهوله بمكان أن تغيره بين يوم وليله ولكن من مبدأ الأخذ بالحديث الشريف من رأى منكم منكراً فليغيره بيده وإن لم يستطع فبلسانه وإن لم يستطع فبقلبه وذلك أضعف الإيمان ,وماتقوم به هو أضعف الإيمان وأأمل أن تتلاشى هذه الصور الدخيله على مجتمعاتنا وأسأل الله أن يحمي أخواتنا من كل مايسيء إليهن , تحيـــاتي

مو كل الناس نفس الشي

والناس تشوف عيوب الثانيين بس ماتشوف عيوبها

مشكور ع الملاحظه

حلو الكلام .. ليش الواحد يدعي المثاليه .. وإنه معصوم عن الخطأ ..
ومافي احد معصووم عن الخطأ .. والاحلى ان تتعلم من تجاربك ..
دشيت شات وجربت كل شي لين وصلت للمنتدى .. ماابي اقوول اني مثاليه واعترف باخطـائي ..
بس الواحد يستفيد من الخطأ ويحووله لشي لصالحه .. يمكن من هـ التجربه ماراح تعيدها .. ولا راح ترجع لنفس الطريق ..
الانسان تجارب ومافي احد ما مشى في طريق خطأ ورجع للطريق الصح ..
ليش ندعي المثاليه وليش وليش ..؟
في اشياء كثيره بتفكر ليش يقوولون شي هم اصلن مامشوا فيها .. ؟
هو مثالي وبالاخير تكتشف انه ولاشي .. مجرد عصم نفسه من الخطأ وبين صفحات الانترنت ..
لا انا ولا انت /ي نعرفه .. مجرد اقرأ رده او موضوعه اقوول بصراحه انسان بيرفكت .. مافي منه اثنين ..
بس تكتشف / ين انه انسان اتفه منه مافي ..

تتوقع / ين في احد يقدر يعترف باخطائه في هـ الوقت ..؟
تتوقع / ين في احد يقدر يصدق مع نفسه قبل يصدق مع غيره ..؟

لو اتكلم وبتكلم ماراح يخلص الكلام ..
ماراح اقوول إلا ..


خــلهـآ ع الله ..

يعطيك العافيه اخوووي ..

وتقبل مروري ..

يعني ألحين كل إللي فالمنتدى ماشاء الله مثاليين ومتدينين

تسلم ولا يسلم ردي الفعايل وهذي الدنيا فيها الزين وفيها الشين ونفس الشيء المنتدي فيه الزين وفيه الشين

ومب كل العرب واحد وفيه اعضاء ذهب وفيه اعضاء ما نقول بس الله يهديهم بس كل همهم الجدال ولمياحد حتى لو كان على

باطل ما نقول بس الله يهدينا ويهديهم

المشاركة الأصلية كتبت بواسطة راعي صوغان يعني ألحين كل إللي فالمنتدى ماشاء الله مثاليين ومتدينين تسلم ولا يسلم ردي الفعايل وهذي الدنيا فيها الزين وفيها الشين ونفس الشيء المنتدي فيه الزين وفيه الشين ومب كل العرب واحد وفيه اعضاء ذهب وفيه اعضاء ما نقول بس الله يهديهم بس كل همهم الجدال ولمياحد حتى لو كان على باطل ما نقول بس الله يهدينا ويهديهم

ما عندي كلام بعد كلام اخوي راعي صوغان ..نسأل الله الهداية للجميع ..!!

اكيـــــــــــــــــــد لا عضو يحب يظهر بصوره حلوووووه امام الجميع!!!

وفالخير الله اعلم بما فالصدور!!!

بس انا مستغربه ليش يعني الكلام موجه للبنات بس!!!

مهو في شباب يسوون كذيه بعدّّّ!!!

"اللهم اغفر لي ولاهلي واغفر للممسلمين والمسلمات الاحياء منهم والاموات"آميــــــــن