هالأيام قام أغلب الشباب لما يشوفوا حادث في الطريج ينزلوا من سياراتهم مو بهدف مساعدة إلي بالحادث لكن بهدف التصوير بالتلفون ونشر صور الفيديو بعدين ولما تقول لهم ساعدوا المصابين يقولوا وبكل سخافة (ما لنا دخل فيهم )

أنتضر ردودكم ورايكم بالموضوع

هيه والله صدجت ابيض القلب

الحين محد يسااعد احد!! كل واحد مايفكر غير ف نفسه وبس!!

يمكن زمان اول الناس كانوا ايحبون بعض كان في تآلف
وتراحم وموده..والكل ايسااعد ..

لكن الحين محد ايعبر احد!! محد يسااعد احد!!
الكل ايقول والله دام ان هالشي او هالمشكله
ماتاذيني خلاص ماالي خص!! وانا شكو؟!!!
وانا شوو لي؟!!!

كلماات وااايده صرنا نسمعهاا وكلها اتعبر عن
السلبيه واللامبالاه!! وسبحان الله الرسول
وصاانا ب التعاون والتراحم ومساعدة الغير
ووصى على سابع جار!!
ونحن انقول: انا شو يخصني؟!!!

وبدل عن يساعدوا الناس الي تأذوا بالحادث مثلا يتصلوا ع الاسعاف
يساعدونهم ع قدر الاستطاعه لو الاصابه بسيطه!!

لكن مااشي مساعده .. مايسوون شي غير انهم يطالعون!!
ويصوورون ب التيلفون عشان ايطرشونه بلوتوث!!

تســــــــــــلم ابيض القلب ع الموضوع الحلوووو
والحين نحن عصر السلبيه!! واللامبالاه

وولكمـــــــوووووووو ف جعلان.. هذي اول مشاركه لك
نورت المنتدى ونترياا المزيد من المشاركات والمواضيع

والله من صدجك

بس اللي اعرفة ان القانون يقول
ان اذا لمست الناس اللي استوالهم حادث
حتى لو كان الهدف منها المساعدة
- ولا سامح الله - مات اللي مستويله الحادث
يكون عليك مسائلة قانونية
فتعتبر انت سبب من اسباب الوفاة

يعني يغربلونك المحققين
الين يلقون سبب الوفاة الحقيقي

واعتقد هذا السبب اللي يخليهم يخافون يساعدون اي احد في مثل هذي الحوادث

اما مسألة تصوير الحادث
فهذي موهبة يديدة ظهرت من بعض الناس اللي يحبون الاكشنات
ويحبون ان يكونون اول الناس اللي محصلين على الاخبار والاحداث
يعني وكالة سي ان ان
بس محلية

والغريب ان وايد من الناس اللي ظهرت معاهم هذي الموهبة- وفجأة بعد -

----------

تقبلوا مروري بود...

صدق هالشي وايد يصير

بس اذا تبون الصراحه بالاشخره غير

اذا سمعوا مجرد خبر انه فلان اسواله حادث بالشارع

يطلعون هله وجيرانه وربعه والي من صوبهم

ويسيرون له مكان الحادث الحمد لله الخير موجود

اما هذوله الي ينزلون بس عشان يصورون

ما اقول غير الدنيا دواره وما حد ضامن الي بيصير له

تخيل نفسك بهالموقف هل تتمنى انه الناس يوقفون يسجلون حادثك ولا يساعدونك

فكروا فيها يا شبابنا انتوا سواعد هالمجتمع ومفروض انكم تساعدون مو تتفرجون

اممممم القانوون مانع النااس من اسعااف المصابين,,
لانه يمكن هالشخص ما عنده خبره ويؤدي الى زيادة الاصابه او موت الشخص,,
ف عشااان جي محد يقدر يساعد المصابين,,
بس الغلط انك تنزل وتم تصور لانه يمكن في عوراات واعرااض نااس,,
وااااايد نااس تأذوا من هالشيء,,
تسلم اخوي ع الطرح,,

صحيح كلامكن انه ممنوع أي أحد يمس المصابين في حالة الحادث بس عن نفسي ما تسمحلي نفسي إني أشوف أحد محتاج لمساعدتي وما قدمها له وما فيها شيء إذا حجزوني ثلاث أيام في مركز الشرطة المهم اني ساعدة ناس لوجه الله وممكن مثلا تكون السيارة باديه تحترج إيش الأحسن أشوفهم وأترياها إلى ان تحترج ولا أطلع إلي فيها . تعرفن هذا الموضوع فيه جوانب وااايد ومتناقضة بس على العموم حبيت أشكركن على ردودكن المفيدة والحلوة....

حتى لو مانعين انك تسعف المصاااب .. بس بدون تصوير يعني بتنتشر بلوتوث وبتوصل لاهله عاااد شووف اشبيصير فيهم وبيتذكروون يعني صج الله يكون بعونهم ...
وياليت تختفي هالظاهره بالمره ...

يعطيك العافيه اخوووي
تقبل مروري

بس فعلا.. الشرطة ماتسكت!!
وممكن ياخذون الشخص الي حاول يسعف المصاب ب الحادث!!

الشرطة بس كل همها تمسك متهم!! مايهم هو برئ ولا لا!!
بس يبون يترسون السجون وبس!!
مااشي تحقيقات صدجيه!!! وف لاخير ممكن ايكون انتا قصدك خير
وباغي تساعد وتسعف اذاك المصاب.. ويموووت!! ويقولون عقب
انتا ذبحته!! وتاخذ القضيه ومستقبلك يضييع!!
عشان جي ممكن الناس يخافون انهم يساعدون المصابين

لكن الحل الامثل:: الاتصال ع الاسعاف..

الله يهدي شباب المسلمين

لا حول ولا قوة الا بالله العلي العظيم

شباب نظرته سطحيه جدا للامور .. الله يهديهم