شايف الي جرى لك..شفت آخر عنادك؟

شايف شلـون حبـي راح عنـك لغيـرك؟

كلـه اسبـاب هجرك..للأسف..وابتـعـادك

يـوم عذبـت قلبـي مـن لهايـب هجـيـرك

جيت من بعـد غربـه عشتهـا فـي بـلادك

جاي تشكي عذابك..جاي تبكي مصيـرك

يـوم حسيـت بأنـي صــادق ٍ فــي ودادك

عدت..والشوق كلـه يتبعـك فـي مسيـرك

كم سهرت الليالـي وانـت هانـي رقـادك

ماترفـقـت بالـلـي كــان قلـبـه أسـيــرك

ذُوق طعم الندامه..وانتحـب مـن فـؤداك

شوف غلطة حياتك..ثم حاسب ضميـرك

هيه ياللي جرحني..روح..واعلن حدادك

روح..ماعاد يجذب موق عينـي نظيـرك

قلبي اللـي مـن أول كـان حظـك..وزادك

بعد هجرك وغدرك صار لأنسان غيـرك