[/url]

يا أحلى بنت

اليوم أبحكي قــــصةٍ هزت أوطـــــان... ما كنت ابا احكيها ولا انشر خبرها
قصة فتاةٍ صيـــتها عـــــبر لازمــــان ... و عبر الاماكن ينتشر كل سحرها
كانت شراة الـــــدر و الحــــسن فتّان .. و البدر شل عمره إذا جا بدرهـــا
لو كان هذا الكون تشـــــبيه بســــتان .. كنت أعتبر هالبنت أحلى زهـــرها
ما مثلها إبـــــداع في إنس أو جــــان .. يا حيف من غادر و عنها هجرها
ما هي غريبة لنها بنت أغلى انســـان .. الشهم ياللي عـــز فينــــــا امرها
و اللي رباها بضنك و بضيم و احزان .. كانت صفر و اليوم سادت دهرها
و ترعرعت قـــدام عينه و لحضـــان .. كل يوم يرفعهـــــا و يرفع قدرهـا
صارت كأحلى بنت في كل لوطـــــان .. محدٍ يجـــــاريها و لحدٍ يجـــــرها
عز و مهابة و حسن و آمال و إيمان .. اعجوبةٍ مـــــا مثلها في دهرهـا
وعـــــدت ثلاثين لـــــكن يكبر الشان .. كلما اكبرت بنت الاصاله و قدرها
وبالاربعا ما شفت أي حد فرحــان!! .. دنيا ظــــلامٍ فوقـــها لي حدرهـــا
و الكون نـــــايم فرشه اليوم وديان .. و مكيّفه هالريــــــــح تنفخ سعرها
دورت عن ذي البنت ذابل و خذلان .. قمت آتساءل و استشــــف بأمرها
هايم بوجهي وسط كومه من أحزان .. مدري انا في حلم ؟و مدري خبرها
حتى وصلني القول يوم هز اركان .. البنت لي تبحـــــث بقــــايا أمـــرها
ماتت و صارت امس و كنه ولا كان .. اعصار جونو هدها ثم دمرهـــــا
مسقط يا أحلى ما رأت عيني اوطان! .. راحت ؟ من اللي قام يحفر قبرها؟
أمرج م بين الكاف و النون تبيـــان .. لكن وجـــــع هد الوجــع في أمرها
و حسرة ألم و هموم ف القلب و أحزان.. كل شي يبكيها و حتى شجرهـا
و الوالد اللي عمره قضّاه بنيان .. ماذا تـــــرى يفعل و هذا قبرهـــــــــا
بنته تلاشت مثل أي شي ما كان .. و هو الذي يعرف بسرها و جهرها ..
قابوس عطنا اللي بقلبك من أشجان .. و خذ منا كلمة فخر هذا سعرها ..
( مسقط علينا احنا حريم و شبان .. عهدن علينا ترد باحلى سحرها ..
و يشهد علينا الرب خلاق لكوان .. و ذي بصمتي ما يجف ابدا حبرها)


و سلمتو

صح لسان كاتبها

عشووقه انتي عديتي هالقصيده الغاويه

تسلمي عاشقة عالشعر

جميل جدا لكن خليني اتفلسف

الوزن مكسر بعض الاحيان<<< ويش دراني

جميل جدا

سلمت انامل من كتب

شكرا على مروركم اخواني
مسقط تستاهل اكثر
بس هذا اللي قدرت انقله لكم

ماشاءالله عللللللللللللليج
تراج مب سهله

سلمت ايدج وصح لسانج

كلمات جميله عاشقة لوى تعّبر عن مدى حـُــبنا لهذا الوطن المـِـطعاءْ

أبدعـتي في القصيده أيــّــما إبداع..

دمتي ودام إبداعك الرائع

بنته تلاشت مثل أي شي ما كان .. و هو الذي يعرف بسرها و جهرها ..
قابوس عطنا اللي بقلبك من أشجان .. و خذ منا كلمة فخر هذا سعرها ..
( مسقط علينا احنا حريم و شبان .. عهدن علينا ترد باحلى سحرها ..
و يشهد علينا الرب خلاق لكوان .. و ذي بصمتي ما يجف ابدا حبرها)
"روووووووووووووعه"ياعاشقة لوى"

روووغه اختي عاشقة لوى ع ابداعك فيما خطته اناملك

جميله الصراااحه تسلمي عاشقه..

قلت من قبل واقول الان انك مبدعه وقادر ان تعطي المزيد عمان بخير مادام فيه من مثل تفكيرك لاواجامله في قول الحقيقه وشكرا