أبيــــــــات أعجبتني ،،،،




ياعين كفي دمعتك لاتهلين ........قوي الصبر هذا زمان العجايب

ماقد سمعنا رجّع الدمع غالين ........ ولاسمعنا رد دمع ٍ مصايب

بدل دموعك حاولي بينك وبين ........ قلب ٍ عساه اليوم ينسى الحبايب

مااقول انسي .. حاولي كود تنسين........خلاص راحت غايتك بالغصايب

الحب قصه والبطوله لشخصين ........ وختامها كل ٍ من الحب تايب

ماهوب مثل اللي نظنه من سنين ........ ماندري انه يودع الراس شايب

كنا نظن الحب يرسم بقلبين ........ وسهم ٍ على القلبين بالحبر صايب

واليوم اشوف الحب في دمعة العين ........كنه غريب ٍ دون دم وقرايب

انشهد انه شتت الحظ أثنين ........ راحت وتهنا في بحور ٍ غرايب

راحت وانا واطلالها اليوم باقين ........ ترقب عيوني بابهم والهبايب

اذا انفتح كل الخفايا بي تبين ........ واذا تسّـكر جاوب الدمع غاايب

انا قوي القلب اصبحت مسكين ........ يحق لك يالعين خاوي السحايب

ياعين هلي دمعتك لاتملين ........ غلطان انا يومي ردعتك وخايب

وآخر وصيه من فهم حالتي زين ........ وآمن بقلب ٍ راح في الحب ذايب

ينحت على قبري رموز ٍ بحرفين........ وينحت سهم وقلوب فوق النصايب




منـقـــول

:p :p :p

تسلمي اختي جمانه وكلمات رائعه ونقل موفق

نقل موفق

جدا جميل

تحياتي العطره

المشاركة الأصلية كتبت بواسطة جعلاني للابد تسلمي اختي جمانه وكلمات رائعه ونقل موفق

يسلمووو خيووو ومرورك وتواصلك يسعدني :)

المشاركة الأصلية كتبت بواسطة ريانة العود نقل موفق جدا جميل تحياتي العطره

الجميـــــــــــــل مرورك وتواصلك خيتووو:)

يسلمووو عالمرور العطر ويعطيك العافيــــــــة :p