في ليلة عرسها تبكي
حزينه وقلبها يحكي
يقول الحمد لك ربي على كل حال
على الصحه على النعمه
على قلب شكى همه
وصبر طااااااااااال


تجيها امها وتقول
خلاص يابنيتي انسي
قوي قلبك الحاني و اقسي
نصيبك هو نصيبك
ما بيديننا شي
ولو الله كاتب لك حبيبك
ما وقف في دربكم شي


تجاوبها
ابي اعرف ابوي شلي استفاده الحين؟!
لو ذابحني كان ابربك
وزوجي اش ذنبه المسكين؟
يعيش باقي العمر مع جثه تتحرك
عليك الله يا يمه قولي لي اشلون اضمه؟!
واذا وده يكلمني وشاف دموعي فعيوني
قولي اشلون اكلمه؟
واذا ناداني باسمي
وانا اخطيت في اسمه
يا ترى وش موقفه مني؟
وهو يسمع اسم غيره!

تجيها امها وتقول:
خلاص فضيها من سيره
خلاص يابنيتي انسي
قوي قلبك الحاني واقسي
نصيبك هو نصيبك
ما بيديننا شي
ولو كان الله كاتب لك حبيبك
ما وقف في دربكم شي


بقولك شي يا يمه وخليها من الاسرار
ابكتب له رسالة شوق
ابشاكيه له الالم والعوق
عقب ما انتهي منها
بكل الحرص ارسليها
وخبيها عن الانظار
وابي منك وعد صادق
توصليها لذاك المغرم العاشق
وبعد ما يوصلك رده
على طول بلغيني بآخر الاخبار


ربع ساعه يا يمه
عطيني بس ربع ساعه
ابكتب له عن اللي طفى ما في القلب ولاعه
ابكتب له لين دمع القلم ما يجف
تعالي بعدها واستلمي ما في الظرف
وكتبت من حزنها ابيات


تقووووووول فيها...

سلاماتي تحياتي واشواقي الشديده
على اللي روحه اقبالي وانفاسه بعيده
على اللي افتراقنا غصب عن عيني وعينه
بعد ما كنا انا وهو نحلم بلحظه سعيده
بعيش بغربتي لحالي وهو الله يعينه
يكمل نصفه الثاني ويلقى من تريده
مثل ما قالت امي .. ما لنا الا قدرنا
والا من زمان المفترض ايدي بإيده
يسامحك الله يا الوالد على عمر قتلته
بعد ما ماتت ابنيتك وش اللي بتستفيده؟!
انا اسفه على اعذاري.. وربي غصب عني
نعم بتزوج فلان بس بعيش عمري وحيده
محد ممكن يملا عيوني بدونك
تذكر كلمتي هذي انا فحبك (شهيده)
تذكر كلمتي ارجوك لانها من فؤادي
فؤادي اللي ذبحوه اليوم وطعنوه في وريده
تذكر كلمه فيها شعوري وما طرى لي
انا فحبك شهيده .. وذي ترى آخر قصيده


وجتها الوالده عندها

وهي تحاول تغض الطرف

وتسألها...

وش اللي بداخله ها الظرف؟!

ابيات ...

هي ابيات حب من حياتي مات
لحب من حياتي طار
بسرعه ارجوك ارسليها
وهي تذرف دموع نار


عل هونك يا يمه
على هونك
خلاص اطمني انتي
برسل ما كتبتي
واستعدي
بعد اشوي بيزفونك
يزفوني ؟!
وربي كان اهون لو يكفنوني !!


بعد ايام ..
تسافر لاجل تقضي في فرنسا شهر العسل
والمكتوب للعاشق وصل
وهي مع زوجها تضحك
وهو من فرحته يضحك
يقول افديك انا بروحي
وبيتي ومالي والاهل
وهي تقول اشكرك بالحيل
لانك من جديد رجعت في قلبي الامل
وساعه بعد ساعه
فرحتهم تزيد
في الصبح يتجولون من باريس حتى ليل
وفي الفندق يشربون قهوه بالهيل
بعدها يسهرون كل الليل


وحانت ساعة الرده
بعد ما طالت المده
وموعدهم بعد ساعات
لاجل ما توصل ارحله على ارض الوطن
واول ما وطوا ارض المطار
من الفرحه بكوا
واستقبلوهم اهلهم باحضانهم
سلامات.. سلامات.. عساكم بس تهنيتوا
يجاوبهم.. الله يسلمكم ..
والحمد لله الهنا في حجرنا بات

تطير البنت ناحية امها
اشتقتلك حيل يا يمه
وهاتي حضنك الدافي
ترى مشتاقه اضمه
وعلميني عن احوالك
عن اخبارك .. عساك بخير ؟!
بس ما سألتيني ؟!
خير يا يمه خير؟!
نسيتي انك ارسلتي رساله !
قبل ما ترحلين بخير وسهاله!
صحيح توني تذكرت !
ارسل لك جواب؟


بعد ما ارسلتها
صرت انتظر منه جواب
ومرت ايام وليالي وساعات
بعد مده .. شهر اويمكن يزيد
لقيت نفس الرساله عند صندوق البريد
تقول : لم يقرأها احد
قلت بنفسي اتأكد
وصلت لباب منزلهم
وكلمني اخوه محمد
عرفتي ليش ما في احد قرأ الابيات ؟!
في نفس اليوم لي انتي تزوجتي
وكنتي حيل مغتمه

حبيبك ما قدر يتحمل الصدمه
مع كل الاسف مات!!

تسلمي اختي راسالة عتب صراحه كلمات حلوووووووووووووه حيل
واااااااااااااايد قويه تعور القلب
تسلم يدج اختي
ولا تحرمينا من كل جديدج المميز
تقبلي مروري:. درعيه عاشقة المشايخ

يسلموووووووووووووو خيتووووووووووو

تسلمين درعيه ع مرورج الحلو

كلمات جدا معبره ويعطيج العافيه

تسلمين ع المرور

مشكووووووووووووووره على الكلمات الرائعه

تحياتي لك

اوووووووووووف قوووووووووووووووووووووووووووووووية

بجد تعور القلب وشكرا ع الكلمات اكثر من رائعة

حـــــــــــــــ:(ــــــــــــــــــــــرااااام


تعـــــــــــ:(ــــــــــــــــــووور الـــــــــقلـــ:(ــب

يعطيك العافية خيووو عالنقل الرائع

ولا تحرمنا من مواضيعك

يعطيك العافيه اختي رسالة عتب وكلمات جميله