قالت ترى منت بحلو قلت رجال
والزين ماهو من شروط الرجوله

الزين يلقى عند لباست الشال
والرجل زين ان كان زانت فعوله

قالت علامك تلبس شماغ وأعقال
انت بدوي قلت بدوي من حموله

مالبس بناطيل لها انواع واشكال
ومتر الشارع بعرضه وطوله

قالت أجل راعي معاميل ودلال
شرب القهاوي تحسبونه بطوله

قلت اسمعيني وأفهمي كل الاقوال
تمعني في كل حرفن اقوله

كيفي يبنت الحضر دله وفنجال
وحليب خلفه بالمراح معقوله

احب الكرم والطيب وعلوم الابطال
مغروس فينا من زمان الطفوله

قالت ترى بنت البدو حظها مال
قلت احذري حذرا تكوني جهوله

بنت البدو يابنت تضرب بالامثال
غير الجمال وطاعه الله خجوله

زينه على كل المزايين تهتال
مثل القمر ينشاف والحد يطوله

ماتنخدع في كل ماكر ومحتال
اللي لهم بالسوق صوله وجوله

هي مهرتن تصعب على كل خيال
وانتي ومثلك عسفها بالسهوله

قالت تغزل بي وشف حبت الخال
ناضر عيوني والرموش الكسوله

ونضر جديلن فوق الامتان ميال
ومبيسم يعجبك يعجبك تنظيم لوله

قلت العفو مايستو زين وهبال
والي تبينه شيبي عن حصوله

قالت وقلت كلمت الحق تنقال
والزين ماهو من شروط الرجوله


قصيدة اعجبتني وحبيت انقلها لكم

تحياااتي لكم

رد حلوووو عجبني تسلمون ع الموضوع الجميل

أختكم العاصفة

يعطيك العافيه اخوي ع القصيده الجميله والنقل الاروع

اتمنى اكون شاعر عشان ما انقل اخوس الهاجس بس سبحان الله
الله عطاني حب الشعر وصعوبه التعبير هذا حظي
مشكوووورين على الردود الغالين

أشكرك على الابيات بصراحه جميله

والجميل شهامة البدوي ورجولته وأولا شعره


تحياتي يا الغيلاني زيدنا من جديدك

تسلم يال الغيلاني على النقل الموووووووفق

مشكوره أخت ريم

بس عاد زيدي من الأشياء الحلوه

تسلم أخوي على النقل الرائع

هذا البدوي ما بسهل وتشكر اخوي

والنعم في البدوي والله عرف يرد
مششششششششكور اخوي وايد حلوة القصيدة