لا تسألوني عن سبب دمعة العين ..


.. والله مدري دمعتي وش سببها




يجوز تبكي من بعد ناس غالين ..


.. ويجوز تبكي حين ساعة غضبها




واحيان تبكي من سبب كثرة الدين ..


.. واحيان تبكي .. سبة اللي نكبها




دنيـــــا غريبة .. ماعرفنـــا لها زين ..


.. محـــدن على طيبه بيومن كسبها




لو هي صفت لك يوم والا بيومين ..


.. بالثــالثة .. عينــــــك تبــلل هدبها




لاواهنيـّك يــــــادمـــــوع الــبزارين ..


.. من قبــل لاتــنزل ملبــى طلـــــبها




وانـــا حيــــــاتي .. كلها بين نــــارين ..


.. والنــــــار ويــــل اللي يطـــاول لهبها




ابكي من الحيرة وابكي من البـــين ..


.. والا من هموم الزمـــان وتعـــــبها




الدمع واجد .. والمشاكل ملايين ..


.. لاعاد تسأل : دمعتي وش سببها



... ... ...




ـ ممــآ رآآآق لي .. آمل أن تنـــآل إعجابكم ..