اطالع نجوم السماء والقمر سطاها

ذكرتني بأحلى الليالي اللي زمنها بعيد

هموم قلبي زادت وتعدت مداها
اترجم عوق حالي في ابيات القصيد

كم صرخة ترددت في قلبي صداها
تقول ارجوك اقتل همي وخذ ما تريد

بكيت لين دموع عيني جف ماها
ليتني طفل لو طال الامد عمره ما يزيد

امالي حطمها اليآس ومني خذاها
وخلى دروبي ضائعه تمشي بدون تحديد

ارد شوفي للسماء بس القمر جفاها
ياللغرابه كيف ومتى راح والله ما احيد

الشمس عادت قريبه وتشرق ضياها
وانا على حالتي والنوم من عيني شريد

آآه ياقلبي همومك عذبتني معاها
شوف وين ودتني اليوم اترجاك لا تزيد

خليت حياتي مدمنه بهموم وشقاها
ورغمتها بشراب المر ولو انها ما تريد

ليتك لغيري دام حالتك هذي شراها
لو كثرت فيك الملامه اعرفها ما تفيد